RUT (Ruth) 1:17 - Kazambale lé Sebe Sauunu 1979

¹⁷ dé i ga fɛana, ana lé an dan ga lɛ, ana lé wo dan an pa lɛ. Dé é ’ka ga do kpen nya lo, dé fɛ bɛ maa valé bii kini ékema, Gakelebale ’é lɛdɔ an gi élé plɛplɛ faa nya ma!

RUT (Ruth) 1:17 ပူးပေါင်းရင်းမြစ်များ

2 Samuɛl 15:21

Itai lé minwiinzan lɛ léé: Gakelebale a é yuɛma yé anzan minwiinzan a é yuɛma. Fɛana lé azan minwiinzan ke, dé gawe léoo, dé vole é yuɛma we léoo, ana lé i wuozan é dan kɛlɛ lɛ.

2 Samuɛl 19:13

É ziin, ’ka fe Amasa lɛ léé: I ’ka an wɔlɛ valé an nɛ nya loo? Dé i ’ka kɛla anlé sunyanu faa nwiinzan nya Joab pagi lɛɛfaama lo, Gakelebale ’é we kɛlɛ an lɛ élé plɛplɛ faa nya ma.

2 Samuɛl 3:35

Yé munu faa Abinɛɛ wuvɔ é ziin. Munu faa da David va fɛblele nɔle a lɛ we ma yuɛi fu va, naa, David bale ’nyɔɔn a fele nya léé: Dé é a buru nyaoo, dé é a fɛofɛan nyaoo, dé maa a lɛdan yiri vɔle ’lɛ, Bale ’é we kɛlɛ an lɛ élé plɛplɛ faa nya ma.

2 Samuɛl 3:9

We lé Gakelebale a fe David lɛ bale ’nyɔɔnle nya léé, é dan kɛlɛle minwiinzan nya se si lɛ Saul gɔnɔ gi yé é dan a nɔ lɛ David lɛ, yé é dan David lé webleblin dɔ lɛ gligli Izraɛl valé Juda nwiin, é sia Dan fɔɔ yé é bɔ Bɛɛ‐Sééba, dé maa ’ka dan bɔ lɛ David va we ’ko gi lo, Bale ’é we kɛlɛ Abinɛɛ lɛ élé plɛplɛ faa nya ma.

1 Minwiinzannu 13:31

É nyaa a pale nya yé é lé é benu lɛ léé: Dé an ga, ’ka an pa guru lé maa Bale lé mi pa a gi, a gi, ’ka an wɔlɛnu pa a wɔlɛnu bɛ do la.

1 Minwiinzannu 19:2

Jézabɛl mi nwunvɔ Éli va a fele a lɛ we gi léé: Tɛlɛ, bléyi ’ko va, i we kɛlɛ wo lɛ fɛan zo, dé maa ’ka we kɛlɛ lɛ bii lɛ a zo lo, balenu ’é we kɛlɛ an lɛ wolé plɛplɛ faa nya ma.

1 Minwiinzannu 2:23

Yé minwiinzan Salomɔn Gakelebale ’nyɔɔn léé: Dére lé Adonija a fe ’ko, dé a ma ban ’ka alé tɛrɛla nyaale nya lo, Gakelebale ’é we kɛlɛ an lɛ élé plɛplɛ faa nya ma.

1 Minwiinzannu 20:10

Bɛn‐Adad we pa Akab lɛ zia léé: Dé Samari lé vun an vamunu faa bɛ nya do do fan, balenu ’é we kɛlɛ an lɛ wolé plɛplɛ faa nya ma.

2 Minwiinzannu 6:31

Minwiinzan léé: Dé Safat be Élizé ’wuo vo é ta kyɔ, Bale ’é lɛdɔ an gi élé plɛplɛ faa nya ma.

Lɛrɛvɔ Sɛbɛ 45:10

Minwiinzan blɛn lunu a munu lé wo sɔ i lɛ, wo méléna, Pla mi nwiin le a i bɛyila, ’té é a é ’lɛrɛle kyan lé é si Ofii tɛrɛ la, a nya.

Kelewenu 11:23

É bɔ aan wo yé é Kazambale lé zin ye wo ta, a gi nana yé é we pla wo lɛ léé: ’Ka vo é yerele Mizan ma bli do nya.

Kelewenu 20:24

Naa, an ’ka we do kpen kɛla anlé tɛrɛla we ma, bélé fɛan zo lé a we a an lee, a zo lo. We fié lé ke an bli gi, yee lé é ke ’ko: zi lé Mizan a gɔɔn an lɛ, maa lé a ta tawole lɛsɔɔle gi nanale nya a do; nyanama lé Mizan Jézu a nɔ an lɛ, Bale lé zin lé Wenéné fele nya, ’bɛ lɛsɔɔle a do, woo lé ke bɛ; an ma we bɛ ’ka lo.

RUT (Ruth) 1:16

Rut lé a lɛ léé: Té i an si i ma gla nya lo, té an si i ma baa lo. Fɛana lé i dan go lɛ, ana lé maa dan go lɛ; fɛana lé i dan nyana lɛ, ana lé an dan nyana lɛ; ilé munu é dan kɛlɛ lɛ anlé munu nya, izé Bale é dan kɛlɛ lɛ anzé Bale nya;

RUT (Ruth) 4:15

Né ’ko é dan i léli fuu dɔ lɛ ’é ta, yé é dan kɛlɛ lɛ i pazan nya ilé kwa ta gi; naa, i be na lé i sɔ a lɛ yé a fila vɔ i lɛ é mini négɔné sɔrafié ta, yee ɛ a yaa, azama.

1 Samuɛl 14:44

Yé Saul léé: Jonatan, dé i ’ka gaan lo, Bale ’é we kɛlɛ an lɛ élé plɛplɛ faa nya ma.

1 Samuɛl 20:13

Gakelebale ’é we kɛlɛ Jonatan lɛ élé plɛplɛ faa nya ma! Dé é dɔ an ti gi léé, ’é wenyané kɛla i lɛ, maa dan ’bɛ zuo fe lɛ i lɛ é ziin, yé maa dan zi nɔ lɛ i lɛ yé i go drɔɔ; Gakelebale ’é kɛlɛ i va ma, fɛan zo lé é kɛlɛ an ti va, a zo.

1 Samuɛl 25:22

Dé maa Nabal lé mi do kpen vo yé tu kini a ta, Bale ’é we kɛlɛ é wuozan David lɛ ’élé plɛplɛ faa nya ma.

1 Samuɛl 3:17

Yé Éli léé: Mɛ we lé Gakelebale a fe i lɛɛ? té i we do kpen yɔɔ an ma lo. We faa lé é a fe i lɛ, dé bé ke yɔɔ an ma, Gakelebale ’é we kɛlɛ i lɛ élé plɛplɛ faa nya ma.