RUT (Ruth) 1:16 - Kazambale lé Sebe Sauunu 1979

¹⁶ Rut lé a lɛ léé: Té i an si i ma gla nya lo, té an si i ma baa lo. Fɛana lé i dan go lɛ, ana lé maa dan go lɛ; fɛana lé i dan nyana lɛ, ana lé an dan nyana lɛ; ilé munu é dan kɛlɛ lɛ anlé munu nya, izé Bale é dan kɛlɛ lɛ anzé Bale nya;

RUT (Ruth) 1:16 ပူးပေါင်းရင်းမြစ်များ

2 Samuɛl 15:21

Itai lé minwiinzan lɛ léé: Gakelebale a é yuɛma yé anzan minwiinzan a é yuɛma. Fɛana lé azan minwiinzan ke, dé gawe léoo, dé vole é yuɛma we léoo, ana lé i wuozan é dan kɛlɛ lɛ.

Lɛrɛvɔ Sɛbɛ 45:10

Minwiinzan blɛn lunu a munu lé wo sɔ i lɛ, wo méléna, Pla mi nwiin le a i bɛyila, ’té é a é ’lɛrɛle kyan lé é si Ofii tɛrɛ la, a nya.

Wegɔnévɔlenu 17:17

Mi éé sɔa é béé lɛ bléyi faa ma, yé we tɔntɔn bɔyi la é ébo nagɔɔn‐an a bwe nya.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Daniɛl 2:47

Yé minwiinzan blɛn lé Daniɛl lɛ léé: Ilé Bale a balenu lé Bale nya, yé é a minwiinzan blɛn faa zan nya webozen nya. I we ’ko gi bɔra fɛan zo, ’bɛ gi léé, é bɔa we yɔɔlenu gi bɔrale lɛ.

Daniɛl 3:29

Bélidɔwe lé maa a nɔ sin, yee lé ke ’ko: Munu faa lé, dé é a bɛn‐o bɛn‐an gi, dé é a migɔnɔoo gɔnɔan nya, dé é a déreoo dérean vɔzan nya, dé é wenaané fe Sadrak koo, Mésak koo, Abɛd‐Négo koo, wolé Bale ma, wo dan ’bɛzan wi kini lɛ ékema, yé wo dan alé kɔn ’wii lɛ yé wa kɛlɛ é ’bin nya. Naa, bale bɛ ’ka ana yé ’bɛ é mi sié we gi bélé wozé Bale zo lo.

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

OZÉ (Osée) 13:4

Naa, maa, é sia ka sile ma Éjipiti tɛrɛ la, maa a Gakelebale, kalé Bale nya. Dé é ’ka maa nya lo, ka ’ka Bale bɛ dɔɔa lo; dé é ’ka maa nya lo, ka siéwegizan bɛ ’ka ana lo.

Zakari 8:23

Lai sunyanu lé Gakelebale léma: ’Bɛ yinu nya, tɛrɛ faa la dére do do vɔ bɛnnu va mi vu é dan kun lɛ Juifi mi do lé sɔ lɔlu ma yé wo dan a fe lɛ a lɛ léé: Ko dan go lɛ i zuo, naa, ko ’ma léé, Bale a ka va.

Matio 8:19

Yé sɛbɛgifezan do bié yé é lé a lɛ léé: Anzan, dé i go fɛofɛana, ’maa goo i zuo.

WENÉNÉ LE JAN A GYE (Évangile selon Jean) 13:37

Piɛri lé a lɛ léé: Mizan, mɛwemalé an ’ka bɔa gole lɛ i zuo lao loo? Maa gaan ilé we ma.

Kelewenu 21:13

Yé é a zi pa léé: Mɛ zoɛ we lé ka ke a kɛlɛna an lɛ ’koo? ’té ka wuvɔa ’té ka an bli gi kyɛ dɔaa? Dé wo an yereoo, dé an ga Jérusalɛm Mizan Jézu tɔ lé we maoo, an ma a é ’lɛrɛle é kyɛn.

1 Tɛsalɔnik munu 1:9

’Bɛna munu a ka tawe fena léé, ko go ka va yé ka ko si é zima yé ka nɔla Kazambale va yé ka sɔn vɔ miyilinu ma, Bale yuɛmale lé é ke Bale bozen nya, a bɔle we gi.

Jozué 24:18

É munu faa bin ko ’lɛ, wo valé Amorénu lé woo nyanaan tɛrɛ ’ko la é ziin. Ko é ziin, ko dan Gakelebale bɔ lɛ, naa, é a kolé Bale nya.

Wegɔɔnle 14:4

Wa munu lé wo ’ka ’wobo tiri dɔ lɛ lomu va lo, wo nya, naa, wo ’ka le dɔɔ lɛ lo; fɛ faa lé ’Blané éé goo ana, woo goo a zuo. Bale wo tabo munu méléna féifɛ bɔrale vinin nya Kazambale valé ’Blané zé nya;

RUT (Ruth) 1:15

Naomi lé Rut lɛ léé: Bé ye, i vla go é pai élé munu valé élé balenu va; ’i diéra bélé i vla zé zo.

RUT (Ruth) 1:17

dé i ga fɛana, ana lé an dan ga lɛ, ana lé wo dan an pa lɛ. Dé é ’ka ga do kpen nya lo, dé fɛ bɛ maa valé bii kini ékema, Gakelebale ’é lɛdɔ an gi élé plɛplɛ faa nya ma!

RUT (Ruth) 2:6

A wuozan lé ke ’sagyɛmunu nwiinzan nya, é a zi pa léé: Moab le boroné do lé wo si Naomi nya Moab tɛrɛ la, yee lé.

RUT (Ruth) 4:15

Né ’ko é dan i léli fuu dɔ lɛ ’é ta, yé é dan kɛlɛ lɛ i pazan nya ilé kwa ta gi; naa, i be na lé i sɔ a lɛ yé a fila vɔ i lɛ é mini négɔné sɔrafié ta, yee ɛ a yaa, azama.