Rom munu 9:5 - Kazambale lé Sebe Sauunu 1979

⁵ Abraamnu a wo ɛ tranu nya, yé dé é a Krist lé tɛrɛlakɔlɛ lé we nya, wo ɛ kululazan lé, Krist lé ke fɛnu faa nwiin, ’té é ke Bale lé a drɔɔ ke é vole lɛɛfaama, a nya, wo ɛ kululazan lé. Amɛɛn.

Rom munu 9:5 ပူးပေါင်းရင်းမြစ်များ

Wepélisiananu 12:3

Munuan, wo dan i drɔɔ vo lɛ, maa dan wo drɔɔ vo lɛ. Munuan wo dan bale pa lɛ i ma, maa dan bale pa lɛ wo ma, yé i ma lé tɛrɛ la lelenu faa tere drɔɔ é dan vo lɛ.

Wepélisiananu 49:10

Plaminwiin soowolivwii ’ka dan si lɛ Juda lee pelo, Plaminwiin yili ’ka da si lɛ a gane worona lo Fɔɔ yé Siilo é da, ’bɛ gi léé, mi drɔɔ, Yé munu a lɛdɔma.

1 Minwiinzannu 1:36

Jéojada be Bénaja a zi pa minwiinzan lɛ léé: ’É kɛlɛ a zo. Gakelebale, anzan minwiinzan lé Bale, ɛ fe a zo.

Minwiinzannu lé Wezuofe Sɛbɛ 16:36

Gakelebale, Izraɛl munu zé Bale, A drɔɔ ’é vo ma, lɛɛfaama a glɛ ’ka lo. Yé munu faa a fe léma: Amɛɛn. ’Ka Gakelebale tɔ zin fe.

Lɛrɛvɔ Sɛbɛ 103:19

Gakelebale élé webleblin dɔra gligli la gi, Yé é a é plale fɛnu faa nwiin.

Lɛrɛvɔ Sɛbɛ 106:48

Gakelebale, Izraɛlnu zé Bale, a drɔɔ ’é vo ma, Lɛɛfaama, a glɛ ’ka lo! Yé munu faa a fe léma: Amɛɛn! ’Ka Gakelebale tɔ zin fe!

Lɛrɛvɔ Sɛbɛ 41:13

Anlé we a tegele, amalé i bɔ an va, Yé i an dɔ i ’lɛ yifaama.

Lɛrɛvɔ Sɛbɛ 45:6

Ilé sawɔlɛnu lɛa; Munu é dan dia lɛ i wuo; Ilé sawɔlɛnu é dan minwiinzan blɛn nyanézannu zuru fɔn lɛ.

Lɛrɛvɔ Sɛbɛ 72:19

’Wo a tɔ zin bɔle drɔɔ vo yifaama ma! Tɛrɛ faa ’é fan a tɔbɔle nya ma! Amɛɛn! Amɛɛn!

Lɛrɛvɔ Sɛbɛ 89:52

Gakelebaleoo, Bale, i nyanézannu an sɔnɔ fɛan zo, a sele ’é dɔ i gi, Sɔnɔdére lé wa fe ilé nyɔnɔzénnwiinzan ma, a sele ’é dɔ i gi ma.

Ézai 11:1

Izai bɛ do é dan dɔ lɛ é ma bélé yilibɛ zo, yé a suni do é dan fɔn lɛ a ta.

Ézai 7:14

Amalé Mizan bozen é dan tɔmase do kɛlɛ lɛ ka lɛ. Le boroné é dan bɔn si lɛ yé é dan négɔné yaa lɛ, yé é dan a tɔ laa lɛ Émanuɛl.

Jérémi 28:6

Balelayezan Jérémi léma: Amɛɛn. Gakelebale a kɛlɛ ’bɛ zo ma. Dérenu lé bé fe balelawefele nya bɛ, Gakelebale ’é a lɛ sɔɔ ma. Gakelebale lé kcn gi nyanamapafɛnu valé luugimunu faa lé wo ke Babilɔn bɛ, ’é da wo nya é ziin fɛkona ma.

Misé 5:2

Bɛwemalé Bale é dan élé munu pa lɛ munu lee, fɔɔ yé lezan lé néyaabléyi ’é bɔ, yé a bwe pɔnénu é da Izraɛlnu va.

Matio 28:20

yé we faa lé maa ka béli dɔ a nya, ’ka a ta tawole paa wo gi. Yé ka ye, maa a ka va yifaama, fɔɔ yé tɛrɛ la é nyaa a zo.

Matio 6:13

Té i go ko nya ko gi danna lo; ’i ko si Satan lé plɛplɛ wuo. Plale mi nwiin koo, plɛplɛ koo, fuablele koo, wa izé nya lɛɛfaama. Amɛɛn.

WENÉNÉ LÉ LUK A GYE (Évangile selon Luc) 20:44

David Krist laa ’ézan ’naan, é kɛlɛ kaa yé Krist kɛlɛ David be nyaa?

WENÉNÉ LE JAN A GYE (Évangile selon Jean) 10:30

Maa valé an Ti, ko a do.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

Kelewenu 3:13

Abraam koo, Izak koo, Jakɔb koo, wozé Bale, kaa tranu zé Bale, ’bɛ é wuozan Jézu tɔ kɛlɛ blɛn. Yee lé ka liwo, yé ka sɔn vɔ a ma Pilat ’lɛ, ’té é dɔ ’bɛ gi léé, ’é dan a vo lɛ éboma.

Rom munu 1:25

wo Kazambale lé webozen tavɔɔ vié nya yé Fɛfaakɛlɛzan lé, é a lé mi a drɔɔ vo lɛɛfaama a glɛ ’ka lo, wo ’bɛ vo yé wo ’bɛ kɛlɛfɛnu lɛdɔama ’bɛ pa gi, ’té woo ’bɛnu bɔa, azama. Amɛɛn.

Rom munu 1:3

Wenéné ’ko, Kozan Jézu Krist lé ke Kazambale Be nya, alé we lé; dé é a Jézu lé tɛrɛlakɔlɛ nya, wa yaa David kululazan nya,

Rom munu 10:12

Glɛ ’ka é dɔle Juifinu valé Grɛkinu gi lo. Wo faa zan a do kpen, Mizan nya, yé é a é zin munu faa lé wa tɔ laan, wo lɛ.

Rom munu 11:28

Dé é a Wenéné lé we nya, wa Kazambale nyanézannu nya kalé we ma; naa, dé é a munu vabole lé we nya, wo sɔ Kazambale lɛ wo tranu lé we ma.

1 Korent munu 14:16

Dé ’bɛ kaan lo, dé i Kazambale bɔ vɔa i léli nya, mi lé é ’ka tan ézé ye lɛ lo, wean bé fe bɛ, dé é ’ka a gi maan lo, é dan we lɛ amɛɛn, kaa?

2 Korɛnt Munu 11:31

Kazambale lé ke Mizan Jézu Ti nya, ’té wa drɔɔ voo lɛɛfaama a glɛ ’ka lo, é a gi dɔɔ léé, an ’ka viéwona lo.

Bélidɔwesɛbɛ Fiézan 10:15

Naa, duowo, ka tranu saa ɛ sɔ a lɛ yé é buvɔ wo ma; yé wo é zuo, ka lé ka ke wo kulu nya, é ka é si munu faa va, ka yé kyɔ fɛan zo ’ko, a zo.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

1 Timoté 6:15

Dé a bléyi bɔ, Kazambale é dan Jézu gɔɔn lɛ munu yuɛ va. Kazambale lé é ke minwiinzan blɛn do kpen nya, ’té a gi éé nanaan, ’té é ke minwiinzannu é nwiinzan nya, mizannu ézan nya,

2 Timoté 2:8

Jézu Krist lé wa yaa David kululazan nya, yé é nwa gamunu va Wenéné lé maa alé we fé, a yɛrama, a sele ’é dɔ i gi ma.

Ébrunu 7:24

Naa, Jézu ’ka gaan lo, bɛwemalé alé balebannyanama ta ’ka vɔɔan lo.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

Wegɔɔnle 1:18

An ga, yé maa lo, maa a é yuɛma sin lɛɛfaama, a glɛ ’ka lo. Yé ga valé gamunu nyanana lé lakléwɔlɛnu a maa ɛ lee.

Wegɔɔnle 22:16

Maa Jézu, maa anlé lanje nwunvɔ we ’konu lé we fele ka lɛ we gi, léglizinu gi. Maa ɛ ke David kulu valé a punla nya, bladi monéné bile nya.

Wegɔɔnle 22:20

Mi lé é ke we ’konu fena, é léé: Iin, an dale bɔ é pu. Amɛɛn! Mizan Jézu, ’i da.

Wegɔɔnle 5:14

Yé fɛ yuɛmale ziɛn léé: Iiin, é a a zo. Yé mi segelenu dia ’wo bli la, ’té woo Bale bɔa.