Rom munu 9:4 - Kazambale lé Sebe Sauunu 1979

⁴ Wa Izraɛl munu nya; wo ɛ ke Kazambale lé né bozennu nya; wo ɛ Kazambale lé fuasan ye; Kazambale é gi pa do wo ɛ va; Kazambale bélidɔwe nɔ wo ɛ lɛ; wo ɛ Kazambale bɔ é bangikɔn gi; Kazambale blivolɛdére fe wo ɛ lɛ;

Rom munu 9:4 ပူးပေါင်းရင်းမြစ်များ

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

Wepélisiananu 17:10

Gipawe lé é a lé i dɔ a ta, bii valé ilé nénu lé wo dan kɛlɛ lɛ i zuo, yee lé ke ’ko: ’ka ka va gɔnénu faa gane dɔ.

Wepélisiananu 17:2

Maa dan an gi pa lɛ do i va, yé maa dan i kɛlɛ lɛ di, fɔɔ ’bɛ glɛ ’ka lo.

Wepélisiananu 17:7

Maa dan an gi pa lɛ do i va, yé maa dan an gi pa lɛ do ilé nénu lé wo dan kɛlɛ lɛ i zuo, wo va, wo kulu é kulu nya; ko gipawe ’ka dan sɛrɛ lɛ monomono lo, amalé an dan kɛlɛ lɛ ilé Bale nya yé maa dan kɛlɛ lɛ ilé nénu lé Bale nya i zuo.

Wepélisiananu 32:28

É lé é ziin léé: I tɔ ’ka dan kɛlɛ lɛ Jakɔb é dɛrɛ lo, naa, wo dan i laa lɛ Izraɛl; i buo si Kazambale valé munu va yé i wo kele a nya, azama.

1 Minwiinzannu 8:11

Lati lé we ma lé Balebanmunu ’ka bɔa vole lɛ ana wolé nyanama pale we gi lo; Gakelebale lé fuasan Gakelebale lé kɔn fan, azama.

Néémi 13:29

Oo, anlé Bale, wo sele ’é dɔ i gi, naa, ilé baleban nyanama valé ilé gipawe lé Balebanzannu valé Lévinu a kɛlɛ, wa sɛrɛ.

Lɛrɛvɔ Sɛbɛ 147:19

É é dére gi wéiin fé Jakɔb lɛ, Éé ’élé bélidɔwenu valé déretawenu wɔlɛma bɔraan Izraɛl munu lɛ;

Lɛrɛvɔ Sɛbɛ 63:2

Oo Bale, bii a anlé Bale nya, maa bii ɛ naginian, I lɔrɔ an boen gya, i lɔrɔ an gya bélé ’yiminilɔrɔ zo, Bélé maa a tɛrɛ lé a gi ke é gale wakawaka, a ta, ’té ’yi do kpen ’ka ana lo, a zo.

Lɛrɛvɔ Sɛbɛ 73:1

Azafa lé lɛrɛ lé. Iin, Bale éé wezin kɛla Izraɛl lɛ, Munu lé wo bli gi ke é bɔle, wo lɛ.

Lɛrɛvɔ Sɛbɛ 78:61

É daan é tɔbɔzannu ma léé, wo go wo nya luu gi, Yé ’élé fuasan vo é nyanézannu lee.

Lɛrɛvɔ Sɛbɛ 89:3

Naa, maa léé: Ilé zin a é dɔle gligli lɛɛfaama zé nya; I i yarapale we ta dɔ plɛplɛ la gi.

Lɛrɛvɔ Sɛbɛ 89:34

Naa, maa ’ka dan anlé zin si lɛ a lee lo, Yé maa ’ka dan an yara pale we ta nyané kɛlɛ lɛ a lɛ lo.

Lɛrɛvɔ Sɛbɛ 90:16

’I ilé nyanama gɔɔn i wuozannu lɛ ma, Yé wolé nénu i dɔɔ mi blɛn nya ma.

Fwile 12:25

Dé ka wɔra tɛrɛ lé Gakelebale dan a nɔ lɛ ka lɛ élé blivolɛdére yɛrama bɛ, ana, ’ka we sauun ’ko kɛlɛ ana.

Fwile 34:27

Gakelebale lé Moizi lɛ léé: ’I dére ’konu gyɛ; naa, dére ’konu yɛrama lé maa dan an gi pa lɛ do bii valé Izraɛl va.

Fwile 4:22

I dan a fe lɛ Faraɔn lɛ léé: Gakelebale léma: Izraɛl a ’é be nya, ’élé né vininzan nya.

Fwile 40:34

Yé lati bua zén‐ékevasɔkɔn ta, yé Gakelebale lé fuasan sɔkɔn fan.

Ézai 41:8

Naa, bii Izraɛl, an wuozan, Jakɔb lé maa a si a va, Abraam kulu lé é sɔ an lɛ,

Ézai 46:3

Jakɔb lé munu, ’ka tɔné dɔ an lɛ, ’Kaa Izraɛl lé mi pɔné lé ka vo, ’Té kalé we a an nwiin, é sia ka pélisiana, ’Té maa ka kɔné si, é sia ka yaabléyi va bɛ, ’Ka faa tɔné dɔ an lɛ.

Ézai 5:2

É tɛrɛ ma nɔla, é gɔlɛnénu si a va yé é yiliné zima suru ana; É dɔtafɛ do kɛlɛ a méléna, Yé é dɔrɔyi borona do kɛlɛ é ziin ana. A bli a a lɛ léé, é dan dɔrɔporo zima baa lɛ, Naa, é dɔrɔporo naané ɛ baa.

Ézai 60:19

Yiri ’ka dan bi lɛ i ta é yiéyi é dɛrɛ lo; Moné ’ka dan i va kini lɛ é dɛrɛ lo. Naa, Gakelebale é dan kɛlɛ lɛ ilé san nya yifaama, Ilé Bale é dan kɛlɛ lɛ i tɔbɔmazan nya.

Jérémi 31:20

Éfraim a an be wezan nyaa? É a anlé ginanama né nyaa? Naa, dé maa a a mawe fena bléyio‐bléyian va, A sele éé dɔa an gi léé, an be lé. Yé é ziin, a lɔrɔ an gya; An nyanai é dan zén lɛ a ta. Maa Gakelebale ɛ ke a fena.

Jérémi 31:33

Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

Jérémi 31:9

Woo dan wuvɔle nya, naa, woo bazoroan bléyian va, ’té an goo wo nya; Maa goo wo nya ’yi yoronmu vazia, Zi do lé mi ’ka vɔa a ’léé danké danké lo, ana. Naa, maa a Izraɛl munu ti nya, Yé Éfraim a anlé né vininzan nya.

Ézékiɛl 1:28

San bile nyananyana ’ko lé wa yé a zi, é a bélé bɔmlɛ lé wa yé lati gi lɛɛ dayi la, a zo. Yuɛzi we ’ko é a Gakelebale lé fuasan foto do nya. Dé maa a ye tɔɔn, an dia an bli la, yé maa mi do dére ’ma.

OZÉ (Osée) 11:1

Dé Izraɛl a kiéné bléyian va, ’té é sɔ an lɛ, Yé maa an be laa léé, ’é si Éjipiti.

Mi Nɔnɔle 7:89

Moizi wɔra zén‐ékevasɔkɔn gi bléyian va, wefele Gakelebale lɛ we ma, mi lé ke we fena nyanai zén mi ta nyanana lé ke gipawe pagikɛsu ta loru, é azan dére ’ma sérubɛn fié méléna. Yé é we fe Gakelebale lɛ.

Matio 21:33

’Ka tɔné dɔ gɔné do vɔle lɛ é ziin. Gɔnézan do ana, kɔnzan lé, yé é dɔrɔféi pa. É gɔrɔ bo a zi, yé é dɔrɔ borona kɛlɛ, yé é dɔtafɛ kɛlɛ féi naginile we ma. A zuo é a bɛ pa féinwiinzannu lee, yé é si tɛrɛ ’ko la.

WENÉNÉ LE JAN A GYE (Évangile selon Jean) 1:17

Moizi ɛ da bélidɔwe nya, naa, Jézu Krist ɛ da zin valé webozen nya.

WENÉNÉ LE JAN A GYE (Évangile selon Jean) 1:47

Jézu Natanaɛl ye aan wo dana é va, é a mawe fe léé: Izraɛl mi do lé, dabli we do kpen ’ka a gi lo, yee lé é ke ’ko webozen nya.

Kelewenu 2:39

Blivolɛdére a ’kaa valé kalé nénu koo, munu lé wo ke baa koo, kazé nya. Munu ’lééan Mizan kozé Bale é dan wo laa lɛ, wo ’léé duo lé.

Rom munu 3:2

É a blɛn bɛ faa ma; a vininzan lé ke ’ko: Kazambale é dérenu bɛ pa Juifinu lee.

Rom munu 8:15

Yé ka ’ka luu bli ye lɛ yé ka kanaan é ziin lo, naa, mi né bozen bli lé ka a ye, a nya lé kaa siaan: Aba, ’bɛ gi léé, an ti.

Rom munu 9:6

É ’ka kɛlɛ lɛ léé, Kazambale dére ’lɛ ka lo lo; naa, munu lé wo ke Izraɛl kulu nya, wo faa ’ka Izraɛl bozen nya lo,

2 Korɛnt Munu 11:22

Wo léé, ’wa Ébrunu nyaa? Yé maa nii? Wo léé, ’wa Izraɛlnu nyaa? Yé maa nii? Wo léé, ’wa Abraam kulunu nyaa? Yé maa nii?

Galasi munu 3:16

Naa, Bale blivolɛdérenu fe Abraam valé é kulu lɛ. É ’ka a fe lɛ léé, kulunu, lo, bélé fɛan zo lé wa kiɛre, a zo lo, naa, é a fe, i kulu, ’bɛ gi léé, mi do kpen lé, yee lé ke Krist nya.

Éfez munu 2:12

’Bɛ bléyi va, ’té Krist ’ka kazé nya lo; ’té a se ’ka ka lɛ léé, ka nyana Izraɛl lo; blivolɛdére lé Kazambale a fe é gi pale do nya munu va, ’té kazé ’ka a va lo; ’té ka bli ’ka we do lɛ lo; ’té ka a tɛrɛ la dublaa, ’té Kazambale ’ka kalé Bale nya lo.

Bélidɔwesɛbɛ Fiézan 14:1

Ka a Gakelebale, kalé Bale lé nénu nya. Té ka pɔɔ gyɛ ka kɔlɛ ma lo, té ka nwin puiyɛ ka bɛlo la mi gale lé we ma lo.

Bélidɔwesɛbɛ Fiézan 29:1

Gipawe lé Gakelebale a fe Moizi lɛ léé, ’é a kɛlɛ Izraɛl lé nénu va Moab tɛrɛ la, yee lé ke ’ko, naa, gipawe lé é a kɛlɛ Orɛb gɔ ma, ’bɛ kaan lo.

Bélidɔwesɛbɛ Fiézan 29:14

Gipawe ’ko lé woo wɔraan a gi bale ’nyɔɔnle nya, é ’ka ka do zé nya lo.

Bélidɔwesɛbɛ Fiézan 31:16

Gakelebale lé Moizi lɛ léé: Bé gini, i dan yi gyɛ lɛ i tranu va. Yé munu ’ko é dan nwa lɛ yé bɔrɔdɛ le éé goo gɔnénu zuo fɛan zo, wo dan go lɛ bale bɛnu zuo a zo, tɛrɛ lé wo dan bɔ lɛ a ta, ana. Wo dan sɔn vɔ lɛ an ma, yé anlé gipawe lé maa a kɛlɛ wo va, wo dan a sɛrɛ lɛ.

Bélidɔwesɛbɛ Fiézan 4:13

Élé gipawe zana dɔɔ ka lɛ, yé é léé, é a lé ka a lɛdɔma; bélidɔwe vu lé, é wo gyɛ gɔlɛfén fié ta, yee lé.

Bélidɔwesɛbɛ Fiézan 7:6

Naa, ka a munu lé Gakelebale, kalé Bale wo pa é yɛrama ézé nya, wo nya; Gakelebale, kalé Bale ka si bɛnnu faa lé wo ke tɛrɛ la, wo va, ka kɛlɛle azé nya we gi.

Ébrunu 9:1

Gipawe vinin zé Bale bɔle lé bélidɔwenu ana é ziin, yé alé fɛna sauun ana tɛrɛ la.

Ébrunu 9:10

Balebanle ’ko zo a tɛrɛla bélidɔwe nya é pla; fɛblele koo, minifɛnu koo, fɛ valé mi zurubɛ faa koo, ’bɛnu a a ma wenu nya, yé wo vo ana fɔɔ yé we tavɔɔ bléyi bɔ.

Ébrunu 9:3

Sɔ fiézan lé ke kɔnmi nya, wa zuo zia laama fɛna sauun tinle.

Ébrunu 9:5

Gipawe pagikɛsu ta loru Kazambale lé sérubɛnnu ana, ’té wo furɔ éé zén‐é nyanai zén mi la nyanana ta. Bléyi ’ko ’ka wo ma we do do faa febléyi nya lo.

Ébrunu 9:6

Wo fɛ ’konu faa pla ’wo plana a zo. Balebanmunu éé wɔraan yifaama sɔkɔn gi vininzan na, wolé balebannyanama pale we ma.