Rom munu 8:1 - Kazambale lé Sebe Sauunu 1979

¹ Amalé sin, we do kpen ’ka é dɔle Jézu Krist gimunu nwiin lo.

Rom munu 8:1 ပူးပေါင်းရင်းမြစ်များ

Ézai 54:17

Gulidanfɛ faa lé wa foli i gyɛle we ma, é ’ka dan we do kɛlɛ lɛ i lɛ lo; Yé mi faa lé wo nwa i tɔ fele we ma, I dan wo gyɛ lɛ we nya. ’Bɛ zo lé Gakelebale wuozannu lé tɔnɔ ke, ’Bɛ zo lé maa dan wo si lɛ we gi. Gakelebale ɛ fe.

Ézékiɛl 18:9

’té éé tawoo anlé bélidɔwenu valé an déretawenu ta yarapalale nya, ’bɛzan a tegele, é dan vo lɛ é yuɛma; yee lé Mizan Gakelebale a fe.

WENÉNÉ LE JAN A GYE (Évangile selon Jean) 14:20

’Bɛ yi la, ka dan a dɔɔ lɛ léé, maa a an Ti gi, yé ka a an gi, yé maa a ka gi.

WENÉNÉ LE JAN A GYE (Évangile selon Jean) 15:4

’Ka vo an gi, yé maa dan vo lɛ ka gi. Fɛan zo lé dé yilibɛ ’ka yili ma lo, yee a bɛ ’ka bɔa baale lɛ éboan lo, a zo duo lé ka é ziin, dé ka ’ka voo an gi lo, ka ’ka bɔa baale lɛ lo.

WENÉNÉ LE JAN A GYE (Évangile selon Jean) 5:24

Maa fe ka lɛ kyɔ webozen nya, mi lé éé an dére maan, yé éé bli voo mi lé é an pa zia, a lɛ, vole é yuɛma lé a glɛ ’ka lo, é a ’bɛzan gi, yé wo ’ka dan alé we ble lɛ monomono lo; naa, é so ga lee, yé é wɔra vole é yuɛma gi.

Rom munu 16:3

An we Prisil valé Akilas lé wo ke anlé nyanama pa béénu nya Jézu Krist gi, wo va;

Rom munu 16:7

Andrɔniku valé Junias lé wo ke an lelenu nya, an we wo va; wa é ziin an va kasola béénu nya, wa mi segelenu nya nwunvɔmunu va yé wa é ziin Krist gi an ’lɛ.

Rom munu 5:1

Ko kɛlɛ tegele blipale ma, amalé ko nana sin Kazambale va, Kozan Jézu Krist lé we ma.

Rom munu 5:16

É ziin, mi do lé wenyané kɛlɛle zuowe valé blɛ kɛlɛle zuowe ’ka bɔ lɛ ékema lo. Wenyané kɛlɛle zuowe ɛ ke weblele nya yé ’bɛ ’wuo pla welɛdɔle mi gi nya, naa, wenyané kiɛre kɛlɛle zuo Kazambale élé blɛ kɛlɛ yé ’bɛ ’wuo pla mi kɛlɛle tegele nya.

Rom munu 7:17

Dé é a ’bɛ zo, ’té ’bɛ gi léé, wenyané lé é ke an gi, yee ɛ ke we kɛlɛna, maa kaan lo.

Rom munu 7:20

We lé é ’ka sɔa an lɛ léé, maa a kɛlɛ lo, dé maa ’bɛ kɛla, a kɛlɛzan ’ka maa nya é dɛrɛ lo, wenyané lé é ke an gi, ’té yee ɛ kɛla.

Rom munu 8:11

Mi lé é Jézu nwa gamunu va, dé ’bɛzan Léli a é nyanale ka gi, ’té mi lé é Krist nwa gamunu va é dan kalé gakɔlɛ béli lɛ é ziin, a Léli lé é ke é nyanale ka gi bɛ, a nya.

Rom munu 8:14

naa, munu faa lé Kazambale Léli éé goo wo nya, wo ɛ ke Kazambale benu nya.

Rom munu 8:2

Naa, Kazambale Léli lé bélidɔwe lé éé mi bélié Jézu Krist gi, é an si wenyané lé bélidɔwe valé ga wuo.

Rom munu 8:34

De ɛ dan wo gyɛ lɛ we nyaa? Jézu Krist ga, ’bɛ ta loru yé é nwa é ziin; é a Kazambale bɛyila, ’té éé goo kaalé muun nya Kazambale va.

Rom munu 8:39

lagi plɛplɛ valé tɛrɛ va plɛplɛnu koo, kɛlɛfɛ bɛ koo, wo va fɛ do kpen ’ka bɔa kaa valé Kazambale lé sɔlɛle lé é ke é gɔɔnle Kaazan Jézu Krist gi, a kinile lɛ ékema lo.

Rom munu 8:4

É we ’ko kɛlɛ bélidɔwe lé we tegele lɛ sɔɔle kaa gi we ma; kaa lé kaa ’ka tawoo kaa dɔbɛ kyɛn yɛrama lo, ’té kaa tawoo Kazambale Léli yɛrama bɛ, kaa gi.

Rom munu 8:9

Yé ’kaa, ka ’ka ka dɔbɛ kyɛn gi lo, ka a Kazambale Léli dɔbɛ gi, ’té dé Kazambale Léli a ka gi. Dé Krist Léli ’ka mian gi lo, ’té ’bɛzan ’ka azé nya lo.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

1 Korent munu 15:22

Yé fɛan zo lé Adam da ga nya yé mi faa éé gaan, a zo duo lé Krist da bélile nya yé munu faa é dan béli lɛ,

2 Korɛnt Munu 12:2

Maa Krist gi mi do dɔɔ; a lɛɛ vu ta ziɛn lo wa sia yé wo goan fɔɔ la yaazan gi. Dé é a é kɔlɛ gii? Dé é si é kɔlɛ gii? Maa ’ka ’bɛ gi dɔɔa lo, Kazambale ɛ ’bɛ dɔɔ.

2 Korɛnt Munu 5:17

Dé mi a Krist gi, ’té é a mi dɛrɛ nya; we kyɛnnu faa gié yé wenu faa kinin we dɛrɛnu nya.

Galasi munu 3:13

Krist kaa tabo bélidɔwe lé balepale lee yeebozen kɛlɛle balepamazan nya kaalé we gi we ma; naa, é a é gyɛle sɛbɛ gi léé: Dé wo mian dun yiliblan ta, ’bɛzan a balepamazan nya.

Galasi munu 3:26

Naa, ka faa a Kazambale benu nya, blivole Jézu Krist lɛ we ma.

Galasi munu 3:28

Juifi mi valé Grɛki mi ’ka é dɛrɛ lo; luu valé migɔné ’ka é dɛrɛ lo; gɔné valé le ’ka é dɛrɛ lo, naa, ka faa a mi do nya Jézu Krist gi.

Galasi munu 5:16

Wean maa ke a fena, yee lé ke ’ko: ’ka tawo Kazambale Léli yɛrama, yé ka ’ka dan ka dɔbɛ kyɛn lé blibɔmawe kɛlɛle lɛ sɔɔ lɛ lo.

Galasi munu 5:25

Dé kaa voo é yuɛma Kazambale Léli nya, kaa tawo é ziin Kazambale Léli lé we yɛrama ma.

Éfez munu 1:1

’Kaa Kazambale lé munu lé ka ke Éfɛz, ’té ka ke Jézu Krist gi yarapawelazannu nya bɛ, an we ka va. Maa Pɔl lé, an kɛlɛ nwunvɔzan nya Kazambale lé blibɔmale nya, maa ɛ ke sɛbɛ ’ko gyɛna ka lɛ.

Filip munu 3:9

Yé dé an kɛlɛ Krist gi, maa ’ka a gi kɛlɛle tegele lé éé sié bélidɔwe va, ’bɛ we ma lo, naa, maa a a gi kɛlɛle tegele lé éé sié blivole Jézu Krist lɛ va, a we ma. Kɛlɛle tegele ’ko, Bale a no blipale ma.