Rom munu 7:7 - Kazambale lé Sebe Sauunu 1979

⁷ Amalé kaa fé nɔɔ? Bélidɔwe a wenyané nyaa? Gba! Naa, dé é ’ka bélidɔwe nya lo, ’té an ’ka wenyané va sina dɔɔa lo. Dé bélidɔwe ’ka a fe lɛ léé, té i bli é bɔ fɛnu ma lo lo, ’té maa ’ka blibɔle fɛnu ma lé we gi dɔɔa lo.

Rom munu 7:7 ပူးပေါင်းရင်းမြစ်များ

Wepélisiananu 3:6

Lezan a ye aan wo léé, yili ’ko poro a blefɛ zima nya, yé é a nɔnɔmi mi yuɛ gi, yé é a mi bɔn‐in kinifɛ zima nya, é a poro so yé é a ble; a zana lé ’bɛ ke a va bɛ, é a ke nɔ ’bɛ lɛ yé ’bɛ a ble.

2 Samuɛl 11:2

Yi do nya nyanadi, David nwa élé yialafɛ ta; é a dɔwona minwiinzan lé kɔn gwa ta aan wo, é le do ye zuruna; le ’ko a é nɔnɔmi.

Lɛrɛvɔ Sɛbɛ 119:96

Fɛnu faa lé gun ’ka wo ma lo, maa ye léé, wo glɛ a; Naa, ilé bélidɔwenu glɛ ’ka lo.

Fwile 20:17

Té i bli é bɔ mi bɛ lé kɔn ma lo; té i bli é bɔ mi bɛ na ma lo; a wuogɔné koo, a wuole koo, alé diri koo, alé sokofale koo, alé fɛnu koo, té i bli é bɔ wo va fɛ do kpen ma lo.

Misé 2:2

Wo bli éé bɔa féinu ma, ’té woo wo sié. Wo bli éé bɔa kɔnnu ma, ’té woo wo sié. Woo gla kɛla munu valé wolé kɔnnu ta; woo gla kɛla munu valé wolé zarafɛnu ta.

Matio 5:28

Naa, maa lé ka lɛ léé, miomian é yuɛ vɔ le do ta é bli bɔle a ma we gi, ’té é a gini é bli gi kwakwa.

WENÉNÉ LÉ LUK A GYE (Évangile selon Luc) 12:15

A zuo é lé wo lɛ léé: ’Ka yuɛ pa kabozen va é zima blibɔle fɛnu ma lé we ma. Dé mi lé fɛnu a dioo, a vole é yuɛma ’ka sié ’bɛ va lo.

WENÉNÉ LÉ LUK A GYE (Évangile selon Luc) 20:16

É dan da lɛ yé é féinwiinzannu ’konu gyɛ zamaga nya, yé é dɔrɔféi bɛ pa mi bɛnu lee. Wo ’bɛ ’ma aan wo, wo léé: Té ’bɛ é kɛlɛ lo ma.

Kelewenu 20:33

An bli ’ka bɔ lɛ mi lé gɔɔli koo, alé kyan koo, alé sɔnu koo, wo do ma lo.

Rom munu 13:9

Bélidɔwenu lé ke ’ko: té i le bɛ valé gɔné bɛ gini lo; té i mi gyɛ lo; té i kyeenwo lo; té i bli é bɔ fɛnu ma lo; yé dé a bɛ ana é ziin, ’bɛ koo, a faa lɛ a é sɔɔle dére ’ko nya, léé, ’i bɔluzan ’é sɔ i lɛ bélé biibozen zo.

Rom munu 3:20

Naa, mi do kpen ’ka dan kɛlɛ lɛ tegele a yuɛ gi bélidɔwe kɛlɛwenu nya lo, naa, bélidɔwe éé mi bɔn‐in kinié léé, ’é a wenyanékɛlɛzan nya.

Rom munu 3:5

Naa, dé kolé weple éé Kazambale lé we tegele nagɔɔn‐an wéiin, ’té mɛ we lé ko féé? Dé Kazambale éé we lɛgi paan, ’té éé weple kɛlaa? Gba! Maa a wefena mi lé wefebɛ gi. Dé é kɛlɛ ’bɛ zo, ’té Kazambale éé tɛrɛlamunu lé we blé kaa?

Rom munu 4:1

Amalé mɛ we lé ko dan a fe lɛ ko tra Abraam lé we maa?

Rom munu 4:15

Naa, bélidɔwe éé dan bliflile nya yé dé bélidɔwe ’ka lo, a sɛrɛwe ’ka lo é ziin.

Rom munu 5:20

Naa, bélidɔwe da, léé, wesɛrɛle ’é kɛlɛ di, yé fɛana lé wenyané kɛlɛ di, ana lé zin kɛlɛ di é minini,

Rom munu 6:15

É dɔ ka gi kaa? Kaa ’ka bélidɔwe la lo, kaa a zin la, bɛwemalé kaa dan wenyané kɛlɛ lɛɛ? Gba.

Rom munu 7:11

Naa, wenyané zi ye aan wo, é dabli kɛlɛ an lɛ bélidɔwe nya yé é an gyɛ a nya.

Rom munu 7:13

We zima éé kɛla an gyɛfɛ nyaa? Gba! Naa, we lé ke é zima, wenyané an gyɛ a nya, yé ’bɛna lé ébo nagɔɔn wenyané nya. ’Bɛ zo lé, wenyané a wenaané boen nya fɛan zo, bélidɔwe a nagɔɔn.

Rom munu 7:5

Bléyian va lé kaa ke kaa dɔbɛ kyɛn nya, bélidɔwe éé wenyané kɔɔlenu ’léé wɛɛ?-?an kaa bli gi, yé woo nyanama paan kaa kɔlɛvafɛnu gi yé a tɔnɔ kɛlɛ kaa ma gale nya.

Rom munu 7:8

Wenyané zi ye aan wo, yé é da blibɔle fɛ ma gɔnɔ faa nya an bli gi bélidɔwe lé we ma; naa, dé bélidɔwe ’ka lo, ’té wenyané a bélé fɛ gale zo.

1 Korent munu 15:56

Gale furu a wenyané nya, yé wenyané lé plɛplɛ éé sié bélidɔwe va.

Éfez munu 5:3

Pɛnpɛnnégyɛle koo, we tiridɔle gɔnɔ faa koo, blibɔle fɛ ma koo, té wo ’bɛ do kpen tɔ ’ma ka méléna lo. ’Bɛ zo lé é ke é zima Kazambale lé munu zé nya.

Bélidɔwesɛbɛ Fiézan 5:21

Té i bli é bɔ i bɔluzan na ma lo; alé kɔn koo, alé féi koo, a wuogɔné koo, a wuole koo, alé diri koo, alé sokofale koo, dé é a alé fɛofɛan nya, té i bli é bɔ a do kpen ma lo.

Kolɔs munu 3:5

Bɛwemalé, we lé ke ka gi tɛrɛlawe nya, ’ka wo yi ga, ’bɛ gi léé, leginile koo, pɛnpɛnnégyɛle koo, bli bɔle fɛ ma koo, bli bɔle weple ma koo, bli bɔle gɔɔli ma lé é ke miyili bɔle nya, ’bɛ koo, ’ka wo yi ga.

1 Tɛsalɔnik munu 4:5

Té ka kabo nɔ le lé we gi bélé fɛan zo lé yolémunu lé wo ’ka Kazambale dɔɔa lo, wa kɛla fɛan zo, a zo lo.

Jozué 7:21

Bé ye, Sinéaa sɔ lé é ke nɔnɔmi koo, gɔɔlifu sikla wuru do koo, kyan kuru do lé a bɛn ke sikla yɔ fié wɔlɛ vu nya koo, an bli bɔ wo ma yé maa wo si, wa é yɔɔlé tɛrɛ wuo anlé sɔkɔn worona yé gɔɔlifu a a wuo.