Rom munu 7:4 - Kazambale lé Sebe Sauunu 1979

⁴ A zo duo lé, an bwenu, ka é ziin, ka kɛlɛle Krist kɔlɛ va lé we ma lé ka ga bélidɔwe vazia, ka kɛlɛlɛ mi bɛ zé nya we ma, mian é nwa gamunu va, ka kɛlɛlɛ ’bɛzan zé nya we ma, Kazambale lé tɔnɔ yele kaa ma we gi.

Rom munu 7:4 ပူးပေါင်းရင်းမြစ်များ

Ézai 54:5

I kɛlɛzan a i zana nya, azama. A tɔ lé, lai sunyanu lé Gakelebale; Izraɛl lé Mi Sauun a i tabozan nya; A tɔ lé, tɛrɛ faa la munu lé Bale;

Ézai 62:5

Pɛniɛ éé blɛnzan sié fɛan zo, A zo duo lé i benu é dan i si lɛ. Fɛan zo lé bodɛrɛsizan é zana gi nana, A zo lé i dan ilé Bale gi nana lɛ.

Matio 26:26

Wa yee fɛ blena aan wo, Jézu buru si, yé dé é Bale bɔ vɔ faa, é a bɔi, yé é a nɔ é zuomunu lɛ a fele nya léé: Buru ’ko, an kɔlɛ lé; ’ka a si, ’ka a ble.

Maak 4:20

A wɔlɛnu lé wo dia tɛrɛ zima la, ’bɛ gi lé ke ’ko: dé mi kenu Bale dére ’ma, yé wa nyi sié, yé wo ma tɔnɔ éé kɛla, a do éé kɛla yɔ do wɔlɛ vu, a do éé kɛla yɔ yaa, yé a do éé kɛla yɔ soru.

WENÉNÉ LE JAN A GYE (Évangile selon Jean) 15:8

Dé ka baan di, ’bɛ a gɔɔn léé, ka a an zuomunu nya, yé ’bɛ é dan an Ti tɔ bié lɛ.

WENÉNÉ LE JAN A GYE (Évangile selon Jean) 3:29

Mi lé le dɛrɛ ke a lee, yee ɛ ke lesizan nya; naa, lesizan béé lé, ’bɛ ke é dɔle ana, ’té ’bɛ éé tɔné dɔa lesizan dére lɛ bɛ, ’bɛ gi éé nanaan lesizan dére lé we ma; yé é ziin, gi nanale ’ko lé é ke anzé nya, ’bɛ lɛ a é sɔɔle.

WENÉNÉ LE JAN A GYE (Évangile selon Jean) 6:51

Maa a mibéliburu lé é si la gi, a nya. Dé mi buru ’ko ble, é dan vo lɛ é yuɛma lɛɛfaama, a glɛ ’ka dɔa lo. Yé buru lé maa dan a nɔ lɛ a lɛ, an wi lé, yee lé maa dan a nɔ lɛ tɛrɛlamunu bélifɛ nya.

Rom munu 6:11

A zo duo lé, kabozen, ’ka kabo ye é gale wenyané vazia yé ’ka kabo ye é yuɛma Jézu Krist gi Kazambale zé nya.

Rom munu 6:14

Ka ’ka bélidɔwe la lo, ka a zin la, amalé wenyané ’ka dan pla lɛ ka nwiin monomono lo.

Rom munu 6:2

Gba. Kaa lé, kaa ga wenyané vazia, é kɛlɛ kaa yé kaa vo wenyané kɛlɛna é ziin?

Rom munu 6:22

Naa, sin ka si wenyané lee yé ka kɛlɛ Kazambale lé luu nya, ’té ka ma tɔnɔ lé ke kɛlɛle sauun nya yé a ’wuoplana lé é ke vole é yuɛma lé a glɛ ’ka lo, a nya.

Rom munu 7:3

Amalé dé é kɛlɛ gɔné bɛ na nya é zana yuɛma bléyi va, wo dan a laa lɛ gɔnégini le; naa, dé a zana ga, ’té bélidɔwe a é sile a ma, yé dé é kɛlɛ gɔné bɛ na nya ’té é ’ka gɔnégini le nya lo.

Rom munu 7:6

Sin, kaa ga bélidɔwe ’ko lé, é kaa kun luu nya, a vazia, yé kaa si a la, Kazambale bɔle é bɔbɛ dɛrɛ nya we gi, léli yɛrama, té kaa a bɔ sɛbɛ kwa yɛrama é ziin lo.

Rom munu 8:2

Naa, Kazambale Léli lé bélidɔwe lé éé mi bélié Jézu Krist gi, é an si wenyané lé bélidɔwe valé ga wuo.

1 Korent munu 10:16

Jézu nyɛ tɔmase miniégikana lé éé kaa drɔɔ voo bɛ, ’té kaa Bale bɔ vɔa alé we ma bɛ, dé kaa fɛ mini a gi, ’té kaazé ’ka Krist nyɛ va loo? Buru lé kaa a bɔié bɛ, dé kaa blé, ’té kaazé ’ka Krist kɔlɛ va loo?

2 Korɛnt Munu 11:2

Maa ka pu dɔ lesizan do kpen ɛ lɛ, yé maa ka nɔ Krist lɛ, blɛn lé é ’ka tan gɔné dɔɔa lo, a nya, bɛwemalé maa a ka ta maawona bélé Kazambale lé maawole zo.

Galasi munu 3:13

Krist kaa tabo bélidɔwe lé balepale lee yeebozen kɛlɛle balepamazan nya kaalé we gi we ma; naa, é a é gyɛle sɛbɛ gi léé: Dé wo mian dun yiliblan ta, ’bɛzan a balepamazan nya.

Galasi munu 5:18

Naa, dé Kazambale Léli éé goo ka nya, ’té ka ’ka bélidɔwe ta lo.

Éfez munu 2:15

naa, é bélidɔwe valé a sɔnnénu nyaa ’é kɔlɛ gi, Juifinu valé bɛn bɛnu kɛlɛle mi dɛrɛ nya do kpen yeebozen gi we ma, yé ’bɛ zo lé é wo zén ékeva.

Filip munu 1:11

yé we tegele kɛlɛle ma tɔnɔ lé éé sié Jézu Krist va, yé kazé ’é kɛlɛ kiɛre, Kazambale tɔ bɔle valé a tɔ zin fele we ma.

Filip munu 4:17

É ka kɛlɛ lɛ léé, maa a blɛnu ginina lo; naa, é sɔ an lɛ léé, ka tɔnɔ ye yé ka gooli ye a ma.

Kolɔs munu 1:10

yé dé ka a dɔɔ yé ka tawo Mizan lé tawobɛ yɛrama yé kalé we ’é sɔ a lɛ bɛ faa ma. Ko a laan a lee é ziin léé, ’é tɔnɔ ye ka ma we zin gɔnɔ faa kɛlɛle nya yé ’ka kɛlɛ segele Kazambale dɔɔle gi;

Kolɔs munu 1:22

Naa, sin, é ka nana ’é va Krist lé tɛrɛlakɔlɛ gale we ma, léé, ’é da ka nya ’é va mi sauunnu nya, ’té we do kpen ’ka ka ma lo, ’té gun ’ka ka ma lo;

Kolɔs munu 1:6

Wenéné ’ko, é bɔ ka va, é a tɛrɛ la fɛfaana, ’té a tɔnɔ éé kɛla a ma yé ’té a gi éé gya bélé fɛan zo lé é a kɛlɛna ka va, a zo. É sia yian nya lé ka Kazambale lé zin lé we ’ma yé ka a dɔɔ webozen nya, a yi ma, we ’konu a nyanama pana ka va.

Kolɔs munu 2:14

bélidɔwenu lé wo ke é gyɛle sɛbɛ gi, ’té wo ke kaa ma, we dɔle kaa nwiin we ma bɛ, é wo fwi, yé é wo lɛ ga yiliblan ta.

Kolɔs munu 2:20

Dé ka a é gale Krist va tɛrɛlafɛnu vazia, mɛmalé wo ke ka bélidɔna bélé fɛan zo lé ka a é yuɛma tɛrɛlamunu vazia, a zoo?

Ébrunu 10:10

Kazambale lé blibɔmawe lé é a fe bɛ, a lɛsɔɔle nya lé kaa kɛlɛ sauun; Jézu ébo kɔlɛ nɔ saraka nya gɔnɔ do kpen lɛɛ faa zé nya, azama.

1 Piɛri 2:24

é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.

Wegɔɔnle 19:7

Kaa gi ’é nana ma, yé kaa vo gi nanale blɛn gi ma, kaa a tɔ bɔ ma; naa, Blané lé lesile bɔ yé a na ma’lɛrɛle nyaa,

Wegɔɔnle 21:9

A zuo, lanje sɔrafié lé, kana sɔrafié ke wo lee, ’té wo ke é fanle migyɛgyɛ sɔrafié voélazannu nya, wo va lanje do we fe an lɛ yé é léé: ’I da, yé bosizan lé é ke ’Blané na nya, maa a nagɔɔn i lɛ.