Rom munu 7:18 - Kazambale lé Sebe Sauunu 1979

¹⁸ Maa a gi dɔɔ léé, wezin do kpen ’ka an gi lo, ’bɛ gi léé, an dɔbɛ kyɛn gi lo; an bli bɔ wezin kɛlɛle ma, naa, a kɛlɛ plɛplɛ ’ka an lee lo.

Rom munu 7:18 ပူးပေါင်းရင်းမြစ်များ

Wepélisiananu 6:5

Gakelebale a ye léé, munu a weple kɛlɛna é baba tɛrɛ la, yé wolé gi bɔrɔle faa a gona wenaané saa va yi faa do do ma.

Wepélisiananu 8:21

Gakelebale fɛ gin néné si, yé Gakelebale lé é bli gi léé: Dé munu bɔn‐in bɔrɔle naané pélisia wo kénéné la bléyi vaoo, maa ’ka dan bale pa lɛ tɛrɛ ma munu lé we ma é dɛrɛ lo. Fɛnu faa lé ke é yuɛma, maa ’ka dan wo bla lɛ é dɛrɛ, bélé maa kɛlɛ fɛan zo ’ko, a zo lo.

JOB (Job) 14:4

É kɛla ka yé fɛ gibɔle é si fɛ tiridɔle vaa? ’Bɛ ’ka kɛla lo.

JOB (Job) 25:4

Mi é bɔalɛ léé, é kɛlɛ tegele Kazambale yuɛ gi kaa? Mi lé lezan a yaa, a gi éé bɔa kaa?

Lɛrɛvɔ Sɛbɛ 119:173

’I bɔ an va, Naa, maa i déretawenu si a va anzé nya.

Lɛrɛvɔ Sɛbɛ 119:176

An vola bélé ’bla lé é saan, a zo; ’i i wuozan nagini ma, Naa, an gi ’ka saan ilé bélidɔwe sɔnnénu ma pelo.

Lɛrɛvɔ Sɛbɛ 119:32

’I anlé we ’male taa pa, ’Té an vlan buruwo ilé bélidɔwe sɔnnénu ta.

Lɛrɛvɔ Sɛbɛ 119:40

Bé ye, é sɔ an lɛ léé, an tawo i dére ta; Amalé ’i an vo é yuɛma, ilé we tegele gi ma.

Lɛrɛvɔ Sɛbɛ 119:5

An kɛlɛwenu ’é kɛlɛ tegele, Yé ’an dɔ i déretawenu ta;

Lɛrɛvɔ Sɛbɛ 51:5

Naa, maa anlé bélidɔwe sɛrɛlenu dɔɔ, Yé anlé wenyané sele a an gi bléyi faa va.

Ézai 64:6

Mi do ’ka ana yé ’bɛ i tɔ laan lo, mi do ’ka vuo lɛ yé é yere i ma lo; amalé i yara yɔɔ ko ma é ziin, yé i ko vo yé ko zamaga wo kolé wenyané blɛnnu ma.

Matio 15:19

Gibɔrɔle naané koo, migyɛle koo, leginile valé gɔnéginile koo, pɛnpɛnnégyɛle koo, kyeenwole koo, viéwole mi ma koo, mi tɔ sɛrɛle koo, woo ɛ sié mi bli gi.

WENÉNÉ LÉ LUK A GYE (Évangile selon Luc) 11:13

Naa, ka‐an ka ke é naané, dé ka fɛ zin nɔle gi dɔɔ kalé nénu lɛ, ka Lagi Ti ’ka dan Léli Sauun nɔ lɛ munu lé wa laan a lee, wo lɛ loo?

WENÉNÉ LE JAN A GYE (Évangile selon Jean) 3:6

Fɛ lé wa yaa mi ma, ’bɛ a mi nya, yé fɛ lé wa yaa léli ma, ’bɛ a léli nya.

Rom munu 13:14

Naa, ’ka nɔla Mizan Jézu Krist nya brɔkɔɔ; té ’ka ka dɔbɛ kyɛn lé gibɔrɔ pa lo, alé blibɔmawenu kɛlɛle we gi lo.

Rom munu 7:15

Wenu lé maa a kɛla, maa ’ka a gi maan lo; we lé é sɔ an lɛ léé, maa a kɛlɛ, maa ’ka a kɛla lo, yé we lé é ’ka sɔ lɛ an lɛ léé, maa a kɛlɛ lo, yee lé maa a kɛla.

Rom munu 7:19

Naa, wezin lé é sɔ an lɛ léé, maa a kɛlɛ, maa ’ka a kɛla lo, yé wenyané lé é ’ka sɔ lɛ an lɛ léé, maa a kɛlɛ lo, yee lé maa a kɛla.

Rom munu 7:25

Kaazan Jézu Krist lé! ’Wo Kazambale bɔ vɔ ma. ’Ko zo lé maabozen, maa a Kazambale lé bélidɔwe lé luu nya anlé bɔn‐in bɔrɔle gi, naa, an dɔbɛ kyɛn gi maa a wenyané lé luu nya.

Rom munu 7:5

Bléyian va lé kaa ke kaa dɔbɛ kyɛn nya, bélidɔwe éé wenyané kɔɔlenu ’léé wɛɛ?-?an kaa bli gi, yé woo nyanama paan kaa kɔlɛvafɛnu gi yé a tɔnɔ kɛlɛ kaa ma gale nya.

Galasi munu 5:17

Naa, mi dɔbɛ kyɛn lé blibɔmawe a Kazambale Léli lé blibɔmawe ma é yɛrama, yé Kazambale Léli zé a é ziin mi dɔbɛ kyɛn zé ma é yɛrama; wa za kɛlɛna. Amalé wenu lé é sɔ ka lɛ léé, ka wo kɛlɛ bɛ, ka ’ka bɔa wo kɛlɛle lɛ lo.

Galasi munu 5:24

Munu lé wo ke Jézu Krist zé nya, wo ’wo dɔbɛ kyɛn gyɛ yiliblan ta, é valé élé blibɔmawenu valé é lɔrɔ nya.

Filip munu 2:13

Naa, Kazambale a nyanama pana ka gi, é bɔn‐in danwe lɛsɔɔle we ma; éé ka gya a lɔrɔ nya yé éé a lɛsɔɔ plɛplɛ no ka lɛ.

Filip munu 3:12

É ’ka kɛlɛ lɛ léé, maa vlanza kɛlɛle ma ban ye é kwakwa lo; é ’ka kɛlɛ lɛ léé, gun ’ka an ma lo lo, naa, maa a vlanburuna, a ma ban sile gla nya we ma. Maa é ziin, Jézu Krist an si gla nya, azama.

Tite 3:3

Naa, é vinin, ko é ziin, ko a tavozannu koo, mi lɛgamazannu koo, mi sanlenu koo, wo nya; ko bli éé bɔa fɛ faa ma; wenaané gɔnɔ faa lɔrɔ a ko ma; ko wenyané kɛla ’té ko maawoo; ’té munu lé ko za pa yara lé, ’té ko ko ke za paan.

1 Piɛri 4:2

léé, alé tɛrɛlayinu lé wo vo a lee, té ’é wo kɛlɛ tɛrɛlamunu lé blibɔmawe yɛrama é dɛrɛ lo, naa, ’é wo kɛlɛ Kazambale lé blibɔmawe yɛrama.