Rom munu 7:12 - Kazambale lé Sebe Sauunu 1979

¹² Bélidɔwe a plɛplɛ yé a sɔnnénu a plɛplɛ, wa tegele, wa é zima.

Rom munu 7:12 ပူးပေါင်းရင်းမြစ်များ

Néémi 9:13

I zun Sinai gɔ nwiin, i we fe wo lɛ lagi loru, yé i déretawe tegelenu koo, bélidɔwe boennu koo, weplalenu valé bélidɔwe sɔnné zimanu koo, i wo nɔ wo lɛ.

Lɛrɛvɔ Sɛbɛ 119:127

Bɛwemalé ilé bélidɔwenu sɔ an lɛ, É mini kyan lɛ; é mini kyan tegele lɛ.

Lɛrɛvɔ Sɛbɛ 119:137

Oo Gakelebale, bii a tegele, Yé ilé weblelenu a é sɔke.

Lɛrɛvɔ Sɛbɛ 119:140

Wo i dére faa gi dan, Yé é sɔ maa i wuozan lɛ.

Lɛrɛvɔ Sɛbɛ 119:172

’Maa i dére vɔ lɛrɛ nya ma, Naa, ilé bélidɔwe sɔnnénu faa a tegele.

Lɛrɛvɔ Sɛbɛ 119:38

Blivolɛdére lé ke munu lé woo kanaan i lee, wozé nya, ’Bé lɛ sɔɔ, maa i wuozan lɛ.

Lɛrɛvɔ Sɛbɛ 119:86

Ilé bélidɔwenu a yara pale we ta saa nya, Woo nyané paan an ta é pla. ’I bɔ an va.

Rom munu 12:2

Té ka kabo kɛlɛ laomunu zo lo, naa, ka ’wuogibɔrɔle a fɛan zo bɛ, ’ka zi nɔ Bale lɛ yé é ’bɛ nɔla yé ’bɛna lé ’ka kɛlɛ é yɛrama, yé ka bɔ Kazambale lé blibɔmawe dɔɔle lɛ; yee ɛ ke é zima, yee ɛ ke é sɔke, gun ’ka yee ɛ ma lo.

Rom munu 3:31

’Té ko bélidɔwe kɛla weboa nya blipale nyaa? Gba. Ko bélidɔwe dɔa gligli.

Rom munu 7:14

Kaa gi dɔɔ léé, bélidɔwe a léliwe nya; naa, maa a mi dɔbɛ kyɛn gi, é danle wenyané lee.

Rom munu 7:16

Naa, we lé é ’ka sɔ lɛ an lɛ léé, maa a kɛlɛ lo, dé maa ’bɛ kɛla, ’bɛ gi léé, maa a nyi sié léé, bélidɔwe a é zima.

Bélidɔwesɛbɛ Fiézan 10:12

Amalé, sin, Izraɛl munu, Gakelebale a a va léé, ka mɛ kɛlɛɛ? É ’ka a va léé, ’ka kana é lee, yé ’ka tawo élé zinu ta, yé ’ka ’é lɔrɔ pa yé ’ka ’é bɔ ka bli faa valé kaboen faa nya loo?

Bélidɔwesɛbɛ Fiézan 4:8

Yé bɛn blɛn kyɛn lé bélidɔwenu valé wolé gɔnɔlawenu a tegele bélé bélidɔwenu faa lé maa wo fe ka lɛ kyɔ ’ko, a zoo?

1 Timoté 1:8

Kaa a gi dɔɔ léé, bélidɔwe a é zima, ’té dé mi a ye bélidɔwe nya tegele,