Rom munu 5:8 - Kazambale lé Sebe Sauunu 1979

⁸ Naa, Jézu zé ’ka ’bɛ zo lo. Bléyian va lé ko ke tan wenyanékɛlɛmunu nya, Krist ko gi ga wo; ’bɛ nya lé Kazambale a nagɔɔn léé, ko sɔ ’é lɛ webozen nya.

Rom munu 5:8 ပူးပေါင်းရင်းမြစ်များ

Ézai 53:6

Ko faa zi saan bélé ’blanu zo, Ko faa do do kobo lé zi sia, Yé Gakelebale kolé weplenu faa dɔ a nwiin.

WENÉNÉ LE JAN A GYE (Évangile selon Jean) 15:13

Sɔlɛle lé é ke blɛn é mini mi gale é béénu ta lɛ, ’bɛ sɔlɛle ’ka lo.

WENÉNÉ LE JAN A GYE (Évangile selon Jean) 3:16

Naa, Kazambale bli bɔ tɛrɛlamunu ma é baba, amalé é ’é Be wɔlɛ do kpen nɔ wolé we gi, léé, dé miomian bli vo a lɛ, é ’ka zamaga woo monomono lo, naa, é dan vo lɛ é yuɛma lɛɛfaama, ’bɛ glɛ ’ka lo.

Rom munu 3:5

Naa, dé kolé weple éé Kazambale lé we tegele nagɔɔn‐an wéiin, ’té mɛ we lé ko féé? Dé Kazambale éé we lɛgi paan, ’té éé weple kɛlaa? Gba! Maa a wefena mi lé wefebɛ gi. Dé é kɛlɛ ’bɛ zo, ’té Kazambale éé tɛrɛlamunu lé we blé kaa?

Rom munu 4:25

Kaalé wesɛrɛle ma lé Bale Jézu nɔ ga lɛ, yé é nwa gale va kaa kɛlɛle tegele we ma.

Rom munu 5:20

Naa, bélidɔwe da, léé, wesɛrɛle ’é kɛlɛ di, yé fɛana lé wenyané kɛlɛ di, ana lé zin kɛlɛ di é minini,

Rom munu 5:6

Bléyian va lé zi do kpen ’ka kaa lɛ lo, Krist ga Kazambale lé zi ma wenyané femunu lé we ma, bléyi lé Bale a dɔ, a nya.

Rom munu 5:7

Mi éé gaan mi tegele lé we maa? Un, dé mi éé bli sié ébo lɛ yé é ga mi zin lé we gii?

Rom munu 8:32

Mi lé é ’ka ébozen Be tadɔ lɛ lo yé é a nɔ kaa faa lé we gi ’naan, é kɛla kaa yé é ’ka dan fɛnu faa nɔ lɛ zin nya kaa lɛ Jézu va é ta lé kɔn‐an loo?

Rom munu 8:39

lagi plɛplɛ valé tɛrɛ va plɛplɛnu koo, kɛlɛfɛ bɛ koo, wo va fɛ do kpen ’ka bɔa kaa valé Kazambale lé sɔlɛle lé é ke é gɔɔnle Kaazan Jézu Krist gi, a kinile lɛ ékema lo.

Galasi munu 2:20

Wo maa valé Krist gyɛ ékeva yiliblan ta. ’Té mian é ke é yuɛma an gi, maa kaan lo; naa Krist ɛ ke é yuɛma an gi, yé sin, dé maa a é yuɛma an kɔlɛ gi, ’té maa a é yuɛma blipale nya Kazambale Be lé, an sɔ a lɛ, yé ébozen nɔ anlé we ma bɛ, a gi.

Éfez munu 2:7

léé, bléyinu lé wo dan bɔ lɛ bɛ, alé zin fua lé a glɛ ’ka lo, ’é a nagɔɔn ’bɛ bléyinu va. É dan a nagɔɔn lɛ wezin lé é a kɛlɛ ko lɛ Jézu gi, ’bɛ nagɔɔnle nya.

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

1 Timoté 1:16

Naa, yee we ’ko ma lé Bale nyanai zén an ta, léé, Jézu Krist élé bli tiéé nagɔɔn an ta, léé, munu lé wo dan wo bli vo lɛ Jézu lɛ, ’wo vo é yuɛma lɛɛfaama a glɛ ’ka lo, yé ’an kɛlɛ wolé wekɛlɛmazan nya.

Ébrunu 8:3

Wo Balebanmunu ’lɛzan faa dɔ Bale blannu nɔle valé sarakanu bole we gi; bɛwemalé, mi ’ko é ziin, é a lé é fɛ nɔ.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

1 Jan 3:16

Ko sɔlɛle dɔɔ wean ma, yee lé é ke ’ko: Jézu ga kaalé we gi, yé kaa é ziin, é a lé kaa ga kaa bwenu lé we gi.