Rom munu 5:6 - Kazambale lé Sebe Sauunu 1979

⁶ Bléyian va lé zi do kpen ’ka kaa lɛ lo, Krist ga Kazambale lé zi ma wenyané femunu lé we ma, bléyi lé Bale a dɔ, a nya.

Rom munu 5:6 ပူးပေါင်းရင်းမြစ်များ

Lɛrɛvɔ Sɛbɛ 1:1

Mian é ’ka tawoo mi plenu lé weplale yɛrama lo, ’Té é ’ka dɔa wenyanékɛlɛzannu lé zi ta lo, Yé ’té é ka nyanaan mi ma wenanazannu va lo,

Jérémi Lé Wuvɔ Sɛbɛ 1:6

Siɔn tɔbɔle faa san é lee; A nwiinzannu kɛlɛ bélé yilédiri lé É ’ka é blena do kpen yé lo, a zo, ’Té plɛplɛ ’ka a lee lo, yé éé fwian mi lé ke a zuo binna, a ’lɛ.

Daniɛl 11:15

Yirinwana bɛbolazia minwiinzan blɛn é dan go lɛ é ’lɛ, é dan tɛrɛ zun dɔ lɛ, yé é dan fla plɛplɛnu si lɛ. Yirinwana bɛyilazia sunyanu valé mi nwiinzan blɛn tɔzannu ’ka dan dɔ lɛ wo ’lɛ lo, plɛplɛ é dan nyaa lɛ wo lee, azama.

Mi Nɔnɔle 7:15

dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya;

Rom munu 11:26

’Ko zo lé Izraɛl faa é dan si lɛ we gi, é a é gyɛle sɛbɛ gi fɛan zo, a yɛrama; wo léé: Misiéwegizan é dan si lɛ Siɔn Yé é dan Kazambale lé zi ma wenyané fele si lɛ Jakɔb ’léé;

Rom munu 4:25

Kaalé wesɛrɛle ma lé Bale Jézu nɔ ga lɛ, yé é nwa gale va kaa kɛlɛle tegele we ma.

Rom munu 4:5

yé mian é ’ka dɔa a gi léé, ’é bélié élé nyanama ma lo, yé é bli voo mi lé éé Kazambale lé zi ma wenyané fezan kɛla tegele, ’bɛzan lɛ, a blipale éé kɛla a ma we tegele nya.

Rom munu 5:10

Dé ko nana Kazambale va a Be gale lé we ma, bléyian va lé ko ke a nyanézannu nya, ’bɛ bléyi va ’naan, ko nanale a va zuo ’té a Be bélile ’ka dan ko si lɛ we gi loo?

Rom munu 5:7

Mi éé gaan mi tegele lé we maa? Un, dé mi éé bli sié ébo lɛ yé é ga mi zin lé we gii?

Rom munu 5:8

Naa, Jézu zé ’ka ’bɛ zo lo. Bléyian va lé ko ke tan wenyanékɛlɛmunu nya, Krist ko gi ga wo; ’bɛ nya lé Kazambale a nagɔɔn léé, ko sɔ ’é lɛ webozen nya.

Rom munu 8:32

Mi lé é ’ka ébozen Be tadɔ lɛ lo yé é a nɔ kaa faa lé we gi ’naan, é kɛla kaa yé é ’ka dan fɛnu faa nɔ lɛ zin nya kaa lɛ Jézu va é ta lé kɔn‐an loo?

Rom munu 8:34

De ɛ dan wo gyɛ lɛ we nyaa? Jézu Krist ga, ’bɛ ta loru yé é nwa é ziin; é a Kazambale bɛyila, ’té éé goo kaalé muun nya Kazambale va.

Galasi munu 2:20

Wo maa valé Krist gyɛ ékeva yiliblan ta. ’Té mian é ke é yuɛma an gi, maa kaan lo; naa Krist ɛ ke é yuɛma an gi, yé sin, dé maa a é yuɛma an kɔlɛ gi, ’té maa a é yuɛma blipale nya Kazambale Be lé, an sɔ a lɛ, yé ébozen nɔ anlé we ma bɛ, a gi.

Galasi munu 4:4

Naa, a bléyi lɛ sɔɔ aan wo, Kazambale é Be pa zia; le do a yaa bélidɔwe wuozan nya;

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Kolɔs munu 2:13

’Kaa lé ka ke é gale kalé we sɛrɛlenu valé kalé ganedɔlelo we ma, é ka béli ékeva Jézu nya, ka ma we vole nya kalé we sɛrɛle faa ma;

1 Tɛsalɔnik munu 5:9

Naa, Kazambale ’ka kaa kɛlɛ lɛ léé, é bli é fli kaa ma lo; naa, é kaa kɛlɛ léé, Jézu Krist ’é kaa béli.

1 Timoté 1:9

’té dé mi a gi dɔɔ léé, wo ’ka a kɛlɛ lɛ mi tegele lé we ma lo, naa, wa kɛlɛ wenyanékɛlɛzannu lé we ma. Mi lɛrɛlɛrɛnu koo, mi lɛgamazannu koo, Kazambale lé zi ma wenyané fezannu koo, wenyanékɛlɛzannu koo, munu lé wo ’ka bazoroan lo koo, munu lé wo Kazambale lé we yé boawe nya koo, ti valé bu gyɛmunu koo, migyɛmunu koo,

Tite 2:12

Éé we paan ko gi léé, té ko kɛlɛ Kazambale lé zi ma wenyané fezannu nya lo; wenu lé tɛrɛlamunu bli éé bɔa wo ma, té ko bli é bɔ wo ma lo. Éé we paan ko gi léé, ko tawo bléyi ’ko va kobo kunle nya; ko we tegele kɛlɛ, Kazambale lé zi ’é sɔ ko lɛ,

Ébrunu 8:3

Wo Balebanmunu ’lɛzan faa dɔ Bale blannu nɔle valé sarakanu bole we gi; bɛwemalé, mi ’ko é ziin, é a lé é fɛ nɔ.

Ébrunu 9:26

dé é a a zo, é sia tɛrɛ bɔrale ma ’té é a kɔɔn léé, Krist é nyané ble gɔnɔ kiɛre nya, naa, lao, lɛɛnu nyaana, é bɔra gɔnɔ do kpen nya, yé ébo nɔ saraka nya wenyané nyaale we gi.

1 Piɛri 1:20

Bale Krist kɛlɛ ’blané nya é kyɛn tɛrɛ bɔrale ’lɛ, yé é a nagɔɔn bléyi voélanu nya kalé we ma.

2 Piɛri 3:7

yee dére duo nya lé lanu valé tɛrɛ lé é ke ana lao, Bale é yuɛ pa wo va yé é wo tadɔ wo kyɛblele we ma, yian nya lé Bale é dan munu lé we ble lɛ yé é Bale lé zi ma wenyané fezannu guru zana a gi, a yi nya. Wo gi san we ’konu ma wobo yuɛ va.

SEBE LÉ JUD A GYE (Épitre de Jude) 1:15

mi faa lé we blele we ma, yé Bale lé zi ma wenyanénu faa lé Bale lé zi ma wenyané fezannu a kɛlɛ, é valé dére naanénu faa lé wa fe Bale ma, yé é a zuo laa yee Bale lé zi ma wenyané fezannu lee.

SEBE LÉ JUD A GYE (Épitre de Jude) 1:18

Wo lé ka lɛ léé, bléyi voéla gi, mi ma we nana munu lé, woo tawoo ’wobo lé sɔlɛwe yɛrama, ’té woo Bale lé zi ma wenyané fé, wo dan kɛlɛ lɛ ana.

SEBE LÉ JUD A GYE (Épitre de Jude) 1:4

Naa, mi kenu wɔra ka méléna ka ma blaané pale nya; Bale lé zi ma wenyané fezannu lé wo nya; woo kolé Bale lé zin nɔlaan we vɔnle nya, ’té woo sɔn vɔa Kaazan do kpen lé é ke Mizan Jézu Krist nya, a ma. Ga lé sɛbɛ a fe é kyɛn, é a é dɔle wo nwiin.