Rom munu 5:1 - Kazambale lé Sebe Sauunu 1979

¹ Ko kɛlɛ tegele blipale ma, amalé ko nana sin Kazambale va, Kozan Jézu Krist lé we ma.

Rom munu 5:1 ပူးပေါင်းရင်းမြစ်များ

JOB (Job) 21:21

Naa, dé a monénu lɛ sɔɔ, Alé kɔn lé é vo a pa gi, ’bɛ é mɛ kɛla a lɛɛ?

Lɛrɛvɔ Sɛbɛ 122:6

’Ka Jérusalɛm vole drɔɔ ma laa, Munuan i sɔ wo lɛ, ’wo nyana woboma duaa ma.

Ézai 27:5

’té dé ka ’ka an si lɛ ka yɔɔna nya lo, yé kaa nana lo, yé kaa nana lo.

Ézai 32:17

We tegele kɛlɛwe é dan kɛlɛ lɛ vole drɔɔ nya, yé we tegele tɔnɔ é dan kɛlɛ lɛ flinle valé nyanale duaa nya, yifaama.

Ézai 54:13

I benu faa é dan kɛlɛ lɛ Gakelebale zuozannu nya, Yé wenu nyian é dan wo lɛ i benu lɛ kiɛre.

Ézai 55:12

Iin, ka dan bɔra lɛ ginanale nya, Yé maa dan go lɛ ka nya drɔɔ; Gɔblɛnnu valé gɔpanénu é dan fan lɛ ginanale nya ka ’lɛ, Yé féi yilinu faa é dan wo bɛ gyɛ lɛ.

Abaku 2:4

Bé ye, é blii boblɛn nya; a bli ’ka tegele lo. Naa, mi tegele éé voo é yuɛma élé blipale ma.

Zakari 6:13

É dan Gakelebale lé kɔn dɔ lɛ; tɔ é dan kɛlɛ lɛ a bɛ la; é dan nyana lɛ élé webleblin la yé é dan pla lɛ munu nwiin. É dan kɛlɛ lɛ Balebanzan nya élé webleblin la yé alé balebannyanama valé alé plale mi nwiin nyanama é dan tawo lɛ ékeva drɔɔ.

WENÉNÉ LÉ LUK A GYE (Évangile selon Luc) 19:38

yé wo léé: Minwiinzan lé é da Mizambale tɔ gi, a drɔɔ ’é vo ma. Lagi ’é vo drɔɔ, yé fuasan ’é kɛlɛ fɛna loru baa mi.

WENÉNÉ LÉ LUK A GYE (Évangile selon Luc) 19:42

yé é léé: Kyɔ yi ’ko nya, bii ’ka i vole drɔɔ zi dɔɔa lo baa? Naa, ’bɛ a é yɔɔle i ma.

WENÉNÉ LÉ LUK A GYE (Évangile selon Luc) 2:14

’Wo fua nɔ Kazambale lɛ fɛna loru baa mi, Yé munu lé wo sɔ a lɛ, ’wo vo drɔɔ tɛrɛ la ma.

WENÉNÉ LE JAN A GYE (Évangile selon Jean) 14:27

’Ka vo drɔɔ. Maa anlé vole drɔɔ no ka lɛ. Maa ’ka a no ka lɛ bélé fɛan zo lé tɛrɛlamunu a no ka lɛ, a zo lo. Té ka we do kpen gi bɔrɔ pa lo. Té ka kana monomono lo.

WENÉNÉ LE JAN A GYE (Évangile selon Jean) 16:33

Maa we ’konu fe ka lɛ ka vole drɔɔ an gi we ma. Ka dan nyané ble lɛ tɛrɛ la, naa, ’ka bli ta dɔ plɛplɛ; maa tɛrɛla kele.

WENÉNÉ LE JAN A GYE (Évangile selon Jean) 20:31

Naa, maa we ’konu gyɛ sɛbɛ gi ka bli vole a lɛ we ma léé, Jézu ɛ ke Krist nya, Kazambale Be nya, yé dé ka bli vo a lɛ yé ka béli a tɔ ma.

WENÉNÉ LE JAN A GYE (Évangile selon Jean) 5:24

Maa fe ka lɛ kyɔ webozen nya, mi lé éé an dére maan, yé éé bli voo mi lé é an pa zia, a lɛ, vole é yuɛma lé a glɛ ’ka lo, é a ’bɛzan gi, yé wo ’ka dan alé we ble lɛ monomono lo; naa, é so ga lee, yé é wɔra vole é yuɛma gi.

Kelewenu 10:36

É dére pa Izraɛl munu lɛ zia yé é wenéné ’ko fe wo lɛ léé, mi é vo drɔɔ Jézu Krist lé we ma. Yee ɛ ke mi faa zan nya.

Rom munu 1:17

Kazambale éé mi kɛla tegele fɛan zo, a na a é gɔɔnle Wenéné ’ko nya, kɛlɛle tegele lé mi a yé blipale ma, ’té éé blipale no munu lɛ bɛ, yee lé, fɛan zo lé é a é gyɛle sɛbɛ gi, a zo, léé: Mi lé é kɛlɛ tegele blipale ma, é dan béli lɛ.

Rom munu 1:7

’Kaa Rom munu faa lé ka we ke Kazambale lee, ’té é ka laa ka kɛlɛle élé munu nya we gi bɛ, an we ka va. Kaa Ti Bale valé Mizan Jézu Krist, ’wo zin kɛlɛ ka lɛ yé ’wo ka vo drɔɔ ma.

Rom munu 10:10

Naa, blipale nya lé mi éé bɔa kɛlɛlɛ lɛ tegele; a tɔ bɔrale munu va nya lé mi éé bɔa sile lɛ we gi, Kazambale lé sɛbɛ a fe fɛan zo, a zo; é léé:

Rom munu 10:15

Yé dé wo ’ka mi pa lɛ zia lo, wefezan éé kɛla ana kaa? We lé ke é gyɛle sɛbɛ gi, é a ’bɛ zo; wo léé: Munu lé woo vole drɔɔ we fé, ’Té woo wenéné fé, Wo ganenu a é nɔnɔmi.

Rom munu 14:17

Naa, Kazambale plale mi nwiin ’ka fɛblele valé fɛminile lé we nya lo; naa, kɛlɛle tegele koo, vole drɔɔ koo, gi nanale koo, wo nya lé é ke Léli Sauun gi.

Rom munu 15:13

Blivolɛ Bale ’é ka fan gi nanale nya yé ’é ka vo drɔɔ bɛ faa ma ka pale a ta we ma, fɔɔ yé ka bli é vo a lɛ tegelee, Léli Sauun lé plɛplɛ nya.

Rom munu 15:33

Mi vo drɔɔ Bale ’é vo ka faa va ma. Amɛɛn.

Rom munu 3:30

Bale a do kpen, yee ɛ ganedɔmunu kɛla tegele blipale ma, yé yee ɛ ganédɔlomunu kɛla tegele blipale ma. Amalé é a bɛn bɛnu lé Bale nya é ziin.

Rom munu 4:5

yé mian é ’ka dɔa a gi léé, ’é bélié élé nyanama ma lo, yé é bli voo mi lé éé Kazambale lé zi ma wenyané fezan kɛla tegele, ’bɛzan lɛ, a blipale éé kɛla a ma we tegele nya.

Rom munu 5:11

Yé ’bɛ saa kaan lo, naa, é ziin, Kozan Jézu Krist lé, Bale valé konu nana a ta, ko gi a é nanale Kazambale va alé we ma.

Rom munu 5:18

Bɛwemalé, fɛan zo lé we dɔ munu faa nwiin wesɛrɛle do kpen lé we ma, a zo duo lé we tegele do kpen lé we ma, kɛlɛle tegele lé éé mi bélié, é da mi faa zé nya.

Rom munu 6:23

Yé wenyané ma ban lé ke ga nya, naa, Kazambale lé blɛ pla lé ke vole é yuɛma lé a glɛ ’ka lo, a nya, Kaazan Jézu Krist gi.

Rom munu 9:30

Bɛwemalé, mɛ we lé ko féé? Bɛn bɛnu lé, wo ’ka kɛlɛle tegele naginina é vinin lo, wo kɛlɛ tegele; kɛlɛle tegele lé éé sié blipale va, yee lé wa ye;

Galasi munu 2:16

Naa, ko a gi dɔɔ léé, mi do kpen ’ka kɛla tegele bélidɔwe kɛlɛle nya lo. Bli vole Jézu Krist lɛ nya lé mi éé kɛla tegele. Ko é ziin, ko bli kɛlɛ Jézu Krist lɛ ko kɛlɛle tegele bli vole Jézu Krist lɛ we ma. Ko ’ka ko kɛlɛle tegele naginian bélidɔwe va lo. Mi do kpen ’ka dan kɛlɛ lɛ tegele bélidɔwe kɛlɛle nya lo, azama.

Galasi munu 3:25

Naa, blipale dale zuo kaa mawe ’ka zigɔɔnzan gi é dɛrɛ lo.

Galasi munu 5:22

Naa, wenu lé woo sié Kazambale Léli va, wo lé ke ’ko: sɔlɛle koo, ginanale koo, vole drɔɔ koo, bli tiéé koo, wezin kɛlɛle koo, bli zin koo, yarapale we la koo,

Éfez munu 2:7

léé, bléyinu lé wo dan bɔ lɛ bɛ, alé zin fua lé a glɛ ’ka lo, ’é a nagɔɔn ’bɛ bléyinu va. É dan a nagɔɔn lɛ wezin lé é a kɛlɛ ko lɛ Jézu gi, ’bɛ nagɔɔnle nya.

Filip munu 3:9

Yé dé an kɛlɛ Krist gi, maa ’ka a gi kɛlɛle tegele lé éé sié bélidɔwe va, ’bɛ we ma lo, naa, maa a a gi kɛlɛle tegele lé éé sié blivole Jézu Krist lɛ va, a we ma. Kɛlɛle tegele ’ko, Bale a no blipale ma.

Kolɔs munu 1:20

É sɔ Kazambale lɛ é ziin léé, ’yee valé munu faa ’é zén ékeva, yé Jézu nyɛ lé é zana yiliblan ta, yé ’wo nana ’bɛ ta, dé wa tɛrɛ laoo, dé wa lagioo, ’té yee lé.

Kolɔs munu 3:15

Yé Krist lé vole drɔɔ lé wo ka laa a gi, ka kɛlɛle kɔlɛ do kpen nya we gi bɛ, yee ’é kɛlɛ ka kuunzan nya ka bli gi ma. Yé ’ka kɛlɛ bɔvɔmunu nya ma.

1 Tɛsalɔnik munu 5:23

Mi vo drɔɔ Bale bozen ’é ka kɛlɛle sauun lɛ sɔɔ; ka léli koo, kabozen koo, ka kɔlɛ koo, wo faa ’é vo é tadɔle, ’té gun ’ka a ma lo fɔɔ yé Kaazan Jézu Krist dayi é bɔ.

2 Tɛsalɔnik munu 3:16

Mizan, mivodrɔɔzan bozen, ’é ka vo drɔɔ bléyi faa ma, bɛ faa ma. Mizan ’é kɛlɛ ka faa va ma.

Ébrunu 13:20

Mi vo drɔɔ Bale lé é ’Blatabinzan blɛn, Kaazan Jézu si gamunu va, yé é da a nya é ziin, gipawe lé é ’ka nyaan lo, a dɔ plɛplɛ nyɛ nya bɛ,