Rom munu 3:5 - Kazambale lé Sebe Sauunu 1979

^5-6 Naa, dé kolé weple éé Kazambale lé we tegele nagɔɔn‐an wéiin, ’té mɛ we lé ko féé? Dé Kazambale éé we lɛgi paan, ’té éé weple kɛlaa? Gba! Maa a wefena mi lé wefebɛ gi. Dé é kɛlɛ ’bɛ zo, ’té Kazambale éé tɛrɛlamunu lé we blé kaa?

Rom munu 3:5 ပူးပေါင်းရင်းမြစ်များ

Wepélisiananu 18:25

Mi tegele gyɛle mi nyané va, ’té mi tegele valé mi nyané lé we bɔ ékema, ’bɛ zo we kɛlɛle a é sile i ma baa boenwo. Mian éé tɛrɛlamunu faa lé we blé, é ’ka dan we tegele kɛlɛ lɛ loo?

JOB (Job) 8:3

Kazambale ɛnɔ we drɔle gi sɛraa? Plɛplɛfaazan ɛnɔ we tegele gi sɛraa?

Naum 1:2

Gakelebale a maawobale nya; é ézé lɛgi paan; Gakelebale é ézé lɛgi paan, a wɛwɛ a é baba. Gakelebale é ézé lɛgi paan ’é mazannu ma, Éé é nyanézannu va we paan é bli gi.

Rom munu 12:19

An blibɔmamunu, té ka kabozen lé we lɛgi pa lo; naa, ’ka ’bɛ vo Kazambale lé bliflile lee. Naa, é a é gyɛle sɛbɛ gi léé: Mizambale léé: Maa ɛ we lɛgi paan; maa ɛ mi banwoo.

Rom munu 2:5

I tɔné gi plɛplɛ valé i bli lé é ’ka nɔlaan lo, wo nya lé i bliflile zun dɔa ibo ma, Kazambale blifliyi zé nya. ’Bɛ yi nya, Kazambale é dan élé weblele tegele nagɔɔn lɛ,

Rom munu 3:19

Ko a gi dɔɔ léé, we faa lé bélidɔwe ke a fena, é a fena munu lé wo ke bélidɔwe la, wo lɛ, mi faa ’léé lɛ tanle we gi yé munu faa ’é kɛlɛ wegyɛmunu nya Kazambale yuɛ gi.

Rom munu 3:7

Dé maa viéwo, dé ’bɛ lé we ma lé munu Kazambale tɔ bɔ taawo léé, Bale éé we fé é boen ma, mɛmalé ’naan yé wo anlé we ble bélé fɛan zo lé maa a wenyanékɛlɛzan nya, a zoo?

Rom munu 4:1

Amalé mɛ we lé ko dan a fe lɛ ko tra Abraam lé we maa?

Rom munu 5:8

Naa, Jézu zé ’ka ’bɛ zo lo. Bléyian va lé ko ke tan wenyanékɛlɛmunu nya, Krist ko gi ga wo; ’bɛ nya lé Kazambale a nagɔɔn léé, ko sɔ ’é lɛ webozen nya.

Rom munu 6:1

Bɛwemalé kaa fé nɔɔ? Kaa vo wenyané kɛlɛna Bale lé zin kɛlɛle kiɛre we maa?

Rom munu 6:19

Maa a wefena munu lé wefebɛ gi ka dɔbɛ kyɛn tɔɔtɔɔ lé we ma. Fɛan zo lé ka ka kɔlɛvafɛnu nɔ luu nya we tiridɔle valé weple lɛ, weple kɛlɛle we gi, a zo duo lé sin ’ka ka kɔlɛvafɛnu nɔ luu nya we tegele lɛ, kɛlɛle sauun we gi.

Rom munu 7:7

Amalé kaa fé nɔɔ? Bélidɔwe a wenyané nyaa? Gba! Naa, dé é ’ka bélidɔwe nya lo, ’té an ’ka wenyané va sina dɔɔa lo. Dé bélidɔwe ’ka a fe lɛ léé, té i bli é bɔ fɛnu ma lo lo, ’té maa ’ka blibɔle fɛnu ma lé we gi dɔɔa lo.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Rom munu 9:30

Bɛwemalé, mɛ we lé ko féé? Bɛn bɛnu lé, wo ’ka kɛlɛle tegele naginina é vinin lo, wo kɛlɛ tegele; kɛlɛle tegele lé éé sié blipale va, yee lé wa ye;

1 Korent munu 15:32

Guli lé maa a dan winu va Éfɛz, dé maa a dan fɛyebli nya an gi bélé munu zé zo, ’té mɛ tɔnɔ lé maa a ye ’bɛ maa? Dé mi galenu ’ka nwaan lo, ’té weboen lé sɛbɛ a fe. É léé: Kaa gaan tɛlɛ, bɛwemalé kaa fɛ ble ma, yé kaa fɛ mini ma.

1 Korent munu 9:8

Maa we ’konu fé blami lé wedɔɔle yɛramaa? Bélidɔwe é ziin, ’bɛ ’ka yee we duo fena loo?

2 Korɛnt Munu 6:4

Ko kle ble, fɛ nyaan ko lee, ko nyané ble, wo ko bla, wo ko vɔ bokɔn gi, flamunu nwa ko ma, ko nyanama pa, ko vo é vuole é béli, ko lɔrɔ sɔn. We ’konu faa gi, ko bli kɛlɛ tiéé é baba yé kobo gɔɔn Kazambale wuomunu nya.

2 Korɛnt Munu 7:11

Yé blikyɛdɔle ’ko lé éé sié Kazambale va, ka ’ka a ma tɔnɔ ye lɛ kiɛre loo? Ka ’ka kwa kuli lɛ léé, we é si ka nwiin loo? Ka bli ’ka nwa lɛ loo? Kana ’ka zén lɛ ka gi loo? An dale lɔrɔ ’ka ka gyɛ lɛ loo? Ka fuu ’ka dɔ lɛ ka ta loo? Ka ’ka we lɛdɔ lɛ mi ’ko gi loo? Ka ana gɔɔn bɛ faa ma léé, ka a tegele we ’ko gi.

Galasi munu 2:18

Naa, wenu lé maa wo zana a gi é kyɛn bɛ, dé maa wo kɛlɛ é ziin wo pa gi, ’bɛ gi léé, ’té maa anbozen nagɔɔn‐an wesɛrɛzan nya.

Galasi munu 3:15

Bwenu, tɛrɛlawe do lé maa go fe lɛ ka lɛ ’ko, ’é we ’ko gi dɔ ka gi ma. Dé mi fié ’wo gi pa do yé we ’ko kɛlɛ gipawe nya wo méléna, mi do kpen ’ka a sɛra lo, yé mi do kpen ’ka a taa paan lo.

Wegɔɔnle 15:3

Yé wo Kazambale wuozan Moizi lé lɛrɛ vɔ, yé wo ’Blané lé lɛrɛ vɔ yé wo léé: Mizambale, Plɛplɛfaazan, i kɛlɛwenu a blɛn yé wo tɔ a é bɔle. Bɛnnu nwiinzan, ilé zinu a tegele yé wa webozen nya.

Wegɔɔnle 18:20

La, i gi ’é nana a sɛrɛle lé we ma ma. Yé ’kaa Kazambale lé munu koo, nwunvɔmunu koo, balelayemunu koo, ka gi ’é nana é ziin ma. Kazambale alé we nyaa a zo, amalé é we tegele kɛlɛ ka lɛ.