Rom munu 3:4 - Kazambale lé Sebe Sauunu 1979

⁴ Gba, é ’ka ’bɛ zo lo. ’Wo Kazambale dɔɔ wezen fezan nya ma, yé ’wo munu faa dɔɔ viézannu nya ma, fɛan zo lé é a é gyɛle sɛbɛ gi, a zo; wo léé: ’Wo i ye mi tegele nya i dérenu ma ma, Yé dé wo ilé we ble té we ’é i gyɛ lo ma.

Rom munu 3:4 ပူးပေါင်းရင်းမြစ်များ

JOB (Job) 36:3

Maa dan anlé wedɔɔle si lɛ loru, Yé maa dan an Kɛlɛzan tegele nagɔɔn lɛ.

JOB (Job) 40:8

’I wo yɔɔ ékeva vun wuo, ’I wo yara yɔɔ gunutinu va.

Lɛrɛvɔ Sɛbɛ 100:5

Naa, Gakelebale a é zin; alé zin éé voo ana yifaama, É a yarapawelazan nya mi kulu é kulunu faa zé nya.

Lɛrɛvɔ Sɛbɛ 116:11

Maa a nyané biɛn blena yé maa léé: Munu faa a dabli kɛlɛzannu nya.

Lɛrɛvɔ Sɛbɛ 119:160

I dére pun sina lé ke webozen nya, Yé ilé bélidɔwe tegelenu glɛ ’ka lo.

Lɛrɛvɔ Sɛbɛ 138:2

Maa diaan an bli la ilé kɔn sauun gi, Yé maa i tɔ ma gya, ilé zin valé ilé yarapalale we ma, Naa, ilé blivolɛdére lɛsɔɔle we ma lé i tɔ kɛlɛ blɛn.

Lɛrɛvɔ Sɛbɛ 51:4

’I an zuru tata yé ’i anlé weple si an ma, ’I anlé wenyané si yé ’i an gi bɔ.

Lɛrɛvɔ Sɛbɛ 62:9

Migɔnɔnu, ’ka pa a ta bléyi faa va, ’Ka blinu faa nɔ a lɛ. Bale a ko yɔɔna nya. Ka ye do.

Misé 7:20

I dan a gɔɔn lɛ Jakɔb lɛ léé, i a yarapawelazan nya, yé i dan a gɔɔn lɛ Abraam lɛ léé, i a é zin, fɛan zo lé bé fe ko tranu lɛ ibo ’nyɔɔnle nya é vinin, a zo.

Matio 11:19

Maa blami Be da, ’té an fɛ blé, ’té an fɛ minian, yé wo léé, bun‐anzan valé nwɛminizan lé maa nya; vagɔɔlisimunu valé wenyanékɛlɛmunu béé lé maa nya. Naa, wedɔɔle mawenu éé wedɔɔle nagɔɔn‐an we tegele nya.

WENÉNÉ LÉ LUK A GYE (Évangile selon Luc) 20:16

É dan da lɛ yé é féinwiinzannu ’konu gyɛ zamaga nya, yé é dɔrɔféi bɛ pa mi bɛnu lee. Wo ’bɛ ’ma aan wo, wo léé: Té ’bɛ é kɛlɛ lo ma.

WENÉNÉ LE JAN A GYE (Évangile selon Jean) 3:33

Mi lé é ’wuo dɔ a dére wuo, ’bɛzan léé: Kazambale a webozen nya.

Rom munu 11:1

Bɛwemalé maa laa ka lee: Kazambale sɔn vɔ élé munu maa? Gba! Maa é ziin, maa a Izraɛl mi nya, Abraam kululazan nya, Bɛnjamɛn bɛn nya.

Rom munu 11:11

Bɛwemalé maa laa ka lee: Wo saanle lé we ma lé wo diéraa? Gba. Naa, wo saanle lé we ma lé sile we gi bɔ bɛn bɛnu va, wolé maawole nwale we ma.

Rom munu 3:31

’Té ko bélidɔwe kɛla weboa nya blipale nyaa? Gba. Ko bélidɔwe dɔa gligli.

Rom munu 6:15

É dɔ ka gi kaa? Kaa ’ka bélidɔwe la lo, kaa a zin la, bɛwemalé kaa dan wenyané kɛlɛ lɛɛ? Gba.

Rom munu 6:2

Gba. Kaa lé, kaa ga wenyané vazia, é kɛlɛ kaa yé kaa vo wenyané kɛlɛna é ziin?

Rom munu 7:13

We zima éé kɛla an gyɛfɛ nyaa? Gba! Naa, we lé ke é zima, wenyané an gyɛ a nya, yé ’bɛna lé ébo nagɔɔn wenyané nya. ’Bɛ zo lé, wenyané a wenaané boen nya fɛan zo, bélidɔwe a nagɔɔn.

Rom munu 7:7

Amalé kaa fé nɔɔ? Bélidɔwe a wenyané nyaa? Gba! Naa, dé é ’ka bélidɔwe nya lo, ’té an ’ka wenyané va sina dɔɔa lo. Dé bélidɔwe ’ka a fe lɛ léé, té i bli é bɔ fɛnu ma lo lo, ’té maa ’ka blibɔle fɛnu ma lé we gi dɔɔa lo.

Rom munu 9:14

Bɛwemalé ko dan mɛ we fe lɛɛ? Kazambale éé weple kɛlaa? Gba!

1 Korent munu 6:15

Ka ’ka a gi dɔɔa léé, ka kɔlɛnu a Krist kɔlɛvafɛnu nya loo? Maa Krist kɔlɛvafɛnu sié ’té maa wo kɛla bɔrɔdɛ le kɔlɛvafɛnu nyaa? Pelo!

2 Korɛnt Munu 1:18

Kazambale a yarapawelazan nya, é ’ka ’bɛ zo lo. We lé ko a fe ka lɛ, é ’ka é vɔɔle iin valé gba nya lo.

Galasi munu 2:17

Naa, bléyian va lé ko ke kɛlɛle tegele naginina Krist gi, dé é kɛlɛ léé, kobozen a tan wenyané kɛlɛna bélé bɛn bɛnu zo duowo, ’bɛ gi léé, Krist a wenyané vɔ mi ’wuo mazan nyaa? Gba.

Galasi munu 2:21

An ’ka sɔn vɔa Kazambale lé zin ma lo; naa, dé bélidɔwe nya lé mi éé kɛla tegele, ’té Krist ga é pla.

Galasi munu 6:14

Naa, dé é a maa nya, dé é ’ka Kaazan Jézu Krist lé yiliblan lé we nya lo, ’té an ’ka anbo ze vɔa we do kpen gi lo. A nya lé tɛrɛlafɛnu ga yiliblan ta an vazia, bélé fɛan zo lé an ga yiliblan ta tɛrɛlafɛnu vazia, a zo.

Bélidɔwesɛbɛ Fiézan 32:4

É a bélé gɔlɛ zo; gun ’ka a kɛlɛwenu ma lo, Alé tawobɛ faa a tegele, azama; É a Bale lé éé yara paan we la, ’té weple ’ka a gi lo, a nya. É a tegele, é a é drɔle.

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

Tite 1:2

We ’konu ma lé mi bli a vole é yuɛmale lé a glɛ ’ka lo, a yele lɛ. Bléyian va lé tɛrɛ ’ka tan bɔra lɛ lo, Kazambale lé é ’ka viéwoo monomono lo, é léé, é dan vole é yuɛma nɔ lɛ munu lɛ.

Ébrunu 6:18

Yé we fié ’ko lé wo ’ka nɔlaan monomono lo, ’té Kazambale ’ka bɔaléé, é viéwo wo gi lo, woo plɛplɛ no kaa lɛ. Kaa lé, kaa kaa yɔɔna ye, we fié ’ko, woo plɛplɛ no kaa lɛ, yé yee yɔɔna lé é ke blivolɛdére lé Bale a fe kaa lɛ, a nya.

1 Jan 5:10

Mian é bli vo Kazambale Be lɛ, yee wenayedére ’ko a ’bɛzan gi. Yé mian é ’ka é bli voo Kazambale lɛ lo, é a Bale kɛlɛna viézan nya. É ’ka é bli vo lɛ Kazambale lé wenayedére lé é a fe é Be ma bɛ, a lɛ lo, azama.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko: