Rom munu 2:8 - Kazambale lé Sebe Sauunu 1979

⁸ naa, munu lé woo webozen lɛgaanma, ’té woo weple lɛdɔama zavɔle nya bɛ, é ’élé bli tɔntɔn valé ’élé bliflile tadɔ ’bɛnu zé nya.

Rom munu 2:8 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 6:23

’i tɔné dɔ lanu gi, ’i we kɛlɛ; ’i i leezannu lé we ble; ’i wegyɛzan gyɛ we nya, yé ’i ’bɛzan kɛlɛwe dɔ ébo nwiin; ’i weanwiinlozan zé kɛlɛ néné, yé ’i we kɛlɛ a lɛ alé we néné yɛrama.

JOB (Job) 24:13

A kenu a san nyanézannu nya, Yé wo ’ka san lé zinu dɔɔa lo, Yé wo ’ka wo ta tawoo lo.

Lɛrɛvɔ Sɛbɛ 90:11

De ɛ ilé bliflile lé plɛplɛ dɔɔ? Yé de ɛ i bli tɔntɔn yé kanamawe nyaa?

Wegɔnévɔlenu 11:23

We lé mi tegelenu bli bɔ a ma, wezin saa lé; we lé mi nyanénu ke a lɛbɛnna, bliflile lé.

Wegɔnévɔlenu 13:10

Boblɛn do kpen nya lé wesiale éé dan, naa, munu lé woo tɔné dɔa weplalenu lɛ, wo we dɔɔ.

Ézai 50:10

Dé ka va miomian éé kanaan Gakelebale lee, ’É tɔné dɔ a wuozan lɛ ma. Dé miomian é ke tawona gunutinu va, ’té kyɛsan vuru a ma, ’É pa Gakelebale tɔ ta ma, ’É vɔ élé Bale zi ma.

Jérémi 34:18

Munu lé wo anlé gipawe sɔnné sɛrɛ, ’té dére lé ko pa do wo nya, giéle nya diriboroné bɔile fié méléna bɛ, yé wo ’ka yee déretawenu kɛlɛ lɛ lo bɛ, maa dan wo pa lɛ munu lee.

Ézékiɛl 22:31

Maa dan an wɛwɛ dɔ lɛ wo ma. An bli é dan fli lɛ wo ma bélé kyɛblele zo. Maa dan wo kɛlɛwenu dɔ lɛ wo nwiin. A zo lé Mizan Gakelebale a fe.

Naum 1:6

De ɛ dan dɔ lɛ a wɛwɛ dɔle ’lɛɛ? De ɛ dan dɔ lɛ alé bliflile blɛn maa? A wɛwɛ éé sɔɔlaan bélé kyɛ zo, Yé gɔlɛgɔnu éé ’wiié a ’lɛ.

Rom munu 1:18

Munu lé wo webozen gi sɛra wolé weple kɛlɛle nya, Kazambale bli a flina wo ma la gi wolé Kazambale lé zi ma wenyané fele faa valé wolé weple faa lé we ma.

Rom munu 10:16

Naa, wo faa ’ka wenéné lɛdɔ lɛ a ma lo. É ziin, Ézai léé: Mizambale, we lé ko fe bɛ, de ɛ nyi sii?

Rom munu 15:18

Naa, wenu lé Jézu Krist a kɛlɛ maa nya, yé bɛn bɛnu ’é kɛlɛ a lɛdɔmazannu nya, ’bɛ we saa lé maa a fé, maa ’ka we bɛ fé lo. An dére valé an kɛlɛwenu koo,

Rom munu 6:17

’Wo Kazambale bɔ vɔ léé, Bale lé we lé wa paa ka gi, ka alé bélidɔwe lɛdɔma ka bli faa nya, dɔlé té ka a wenyané lé luu nya é vinin.

Rom munu 9:22

Yé dé é sɔ Kazambale lɛ léé, élé bliflile valé élé plɛplɛ nagɔɔn, yé bliflimabɔnu lé é wo dɔ wo sɛrɛle we gi bɛ, dé é ’wuo dɔ wo wuo bli tiéé baba nya, a leewe kaan loo?

1 Korent munu 11:16

Dé é sɔ mian lɛ léé, éé zavɔa we ’ko ma, kozé kɛlɛbɛ ’ka ’bɛ nya lo. Kazambale lé léglizigimunu é ziin, wozé kɛlɛbɛ ’ka ’bɛ nya lo.

2 Korɛnt Munu 12:20

Naa, an kana léé, dé maa bɔ ka va, maa ’ka dan ka ye lɛ bélé fɛan zo lé é sɔ an lɛ, a zo lo, yé ka dan maa ye lɛ fɛan zo lé é ’ka sɔ lɛ ka lɛ lo, a zo. An kana léé, wesiale koo, maawole koo, zapale koo, zakɛlɛle koo, mi tɔ sɛrɛle koo, mi tɔ naané bɔle koo, boblɛn koo, we bilibili koo, maa dan wo ye lɛ.

Galasi munu 5:20

miyili banle koo, zɔɔ tanle koo, nyanézan kɛlɛle koo, zɔdɔle koo, maawole koo, zapale koo, zavɔle koo, kan kinile koo,

Filip munu 1:17

Naa, zakɛlɛmunu woo Krist lé we fé zakɛlɛbli nya, wo ’ka a fé wo bli tegele nya lo, naa, é sɔ wo lɛ léé, wo an fuu si an ta.

Filip munu 2:3

Té ka we do kpen kɛlɛ zakɛlɛle valé kabozen ze vɔle nya lo, naa, ’kabo kɛlɛ kiéné yé ’ka mi bɛnu ye blɛn é mini kabozen ta.

2 Tɛsalɔnik munu 1:8

É dan da lɛ kyɛnɛnɛ méléna, munu lé wo ’ka Kazambale dɔɔa lo, é valé munu lé wo ’ka Kaazan Jézu lé Wenéné lɛdɔama lo, we lɛdɔle wo gi we ma.

Tite 3:9

Naa, boa zavɔlenu koo, mi tranu dɔgɔnɔ gɔɔnle koo, wesialenu koo, bélidɔwe ta zavɔle koo, ’i paa wo ma. Wo tɔnɔ ’ka lo; wa we planu nya.

Ébrunu 10:27

naa, ’té weblele valé kyɛ plɛplɛ lé é dan tɔnégiplɛplɛzannu ble lɛ bɛ, ’té yee lé kaa ke a lɛbɛnna kaa zuru va nyɛ kinile blɛɛn nya.

Ébrunu 11:8

Kazambale Abraam laa aan wo, é Bale lɛdɔma yé blipale nya lé é go fɛana lé é dan tɔnɔ ble lɛ, ana, yé fɛ lé é ’ka ana dɔɔa lo, é go ana.

Ébrunu 5:9

Gun si Bale Be ma aan wo, é kɛlɛ bélile lé a glɛ ’ka lo, a bɔrazan nya, munu lé wa lɛdɔama, wo lɛ.

SEBE LÉ JAK A GYE (Épitre de Jacques) 3:14

Naa, dé maawole valé zakɛlɛbli a ka gi, té kabo tɔ bɔ lo; té ka viéwo webozen ma lo.

SEBE LÉ JAK A GYE (Épitre de Jacques) 3:16

Fɛana lé maawole valé zakɛlɛle ke, ana lé wele wooo valé kɛlɛwe naané gɔnɔ faa ke.

1 Piɛri 3:1

Gɔné nanu, ka é ziin, ’ka pla ka zananu wuo, léé, dé gɔné kenu ’ka Bale dére lɛdɔama lo, dé mi do kpen ’ka we fé wo lɛ looo, wo dan si lɛ we gi ’wo nanu kɛlɛwe ma,

1 Piɛri 4:17

Weblebléyi bɔ sin, yé a péli éé sian Kazambale lé kɔngimunu va. Yé dé a pélisia kaa va, munu lé wo ’ka Kazambale lé Wenéné lɛdɔama lo, wozé we ’wuo é dan pla lɛ kaa?

Wegɔɔnle 14:10

yee é ziin, é dan Kazambale lé bliflile mini lɛ bélé nwɛ zo. Bliflile ’ko ’ka é vɔɔle lo, é a Kazambale lé bliflile zéngikana gi, yé azan é dan a mini lɛ, yé é dan nyané ble lɛ kyɛ valé povun kyɛ va, lanje sauunnu valé ’Blané yuɛ va.

Wegɔɔnle 16:19

Yé fla blɛn a é pale fɛana bɛ, ana tɛrɛ fee bo yaa, yé fla blɛn Babilɔn sele dɔ Kazambale gi yé é élé bliflile baba nɔ a lɛ kana gi bélé nwɛ zo.