Rom munu 2:5 - Kazambale lé Sebe Sauunu 1979

⁵ I tɔné gi plɛplɛ valé i bli lé é ’ka nɔlaan lo, wo nya lé i bliflile zun dɔa ibo ma, Kazambale blifliyi zé nya. ’Bɛ yi nya, Kazambale é dan élé weblele tegele nagɔɔn lɛ,

Rom munu 2:5 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 30:8

Té ka kɛlɛ wemaplɛplɛzannu nya bélé ka tranu zo lo; ’ka ka ’wuo dɔ Gakelebale wuo. Alé fɛna sauun lé é a pa é yɛrama lɛɛ faa zé nya bɛ, ’ka da ana, yé ’ka Gakelebale kalé Bale bɔ, léé, alé bliflile plɛplɛ ’é si ka ma.

2 Minwiinmunu lé Wezuofe Sɛbɛ 36:13

Minwiinzan blɛn Nébukanɛsaa lé, é lé Sédésias lɛ léé, ’i bale ’nyɔɔn, Sédésias nwa ’bɛ ma é ziin. É tɔné gi dɔ plɛplɛ yé é bli ta dɔ plɛplɛ léé, ’é ’ka nɔlana ’é pa gi Gakelebale, Izraɛl lé Bale va lo.

JOB (Job) 21:30

Wa ye léé, we tɔntɔn bɔyi la, mi nyané éé soo we lee, Blifliyi la, éé sié bliflile wuo.

Lɛrɛvɔ Sɛbɛ 110:5

Mizan a é dɔle i bɛyila, A blifliyi nya é dan minwiinzannu zɔn lɛ.

Lɛrɛvɔ Sɛbɛ 95:8

Té ka bli dɔ a ma plɛplɛ bélé fɛan zo lé ka tranu a kɛlɛ Mériba, a zo lo; Fɛan zo lé wa kɛlɛ yi la Masa, a zo lo.

Fwile 14:17

Yé maa, maa dan Éjipiti munu bli ta dɔ lɛ plɛplɛ, wo wɔrale ana ka zuo we gi; yé maa dan anlé plɛplɛ nagɔɔn lɛ Faraɔn valé élé sunyanu faa koo, alé goronu valé alé wisootazannu koo, wo nya.

Fwile 32:34

Amalé ’i go, fɛ lé maa ana fe i lɛ, ’i go munu nya ’bɛna. I yua, anlé lanje é dan tawo lɛ i ’lɛ, naa, anlé welɛgipa yi nya, maa dan we lɛdɔ lɛ wo gi wolé wenyané ma.

Fwile 8:15

Yé yokɛlɛzannu lé Farɔn lɛ léé: Bale bɛnwɔlɛ lé. Naa, Faraɔn é bli kɛlɛ plɛplɛ yé é ’ka tɔné dɔ lɛ wo lɛ lo, Gakelebale a fe fɛan zo, a zo.

Wegɔnévɔlenu 1:18

yé wo, wolé tɛrɛ la lee lé wo zi dɔa, yé woboen lee lé woo san vɔa.

Wegɔnévɔlenu 11:4

Blifliyi nya, fuafɛnu ’ka we do kɛla lo, naa, we tegele kɛlɛle éé mi sié ga lee.

Wegɔnévɔlenu 28:14

Mi lé éé kanaan yifaama a gi éé nanaan. Naa, mi lé é bli dɔ plɛplɛ we tɔntɔn éé bɔa a ma.

Wegɔnévɔlenu 29:1

Mi lé a yara a lé, wo we pla a lɛ, yé é ’ka é ’wuo dɔa a wuo lo, wo dan a ’wii lɛ za ma, té a lia ’ka lo.

Bale Lé We Gifezan 12:14

An be, we lé é vo, we konu ’wo we paa i gi ma; sɛbɛpanu kɛlɛle ’ka nyaan lo, yé wedraanle a mi wɔlɛginyaawe nya.

Ézai 48:4

Maa gi dɔɔ léé, ka bli a plɛplɛ, Yé ka tɔné gi a plɛplɛ bélé foliɛwɔlɛ zo, Yé ka yuɛ ma a plɛplɛ bélé gɔlɛ zo,

Jérémi 40:3

yé é ’é dére lɛ sɔɔ. É wean fe, é a kɛlɛ. Naa, ka wenyané kɛlɛ Gakelebale ma, yé ka ’ka a dére lɛdɔ lɛ a ma lo, amalé we ’konu faa bɔ ka ma.

Ézékiɛl 11:19

Maa dan wo bli kɛlɛ lɛ do, yé maa dan bli dɛrɛ pa lɛ wo gi; maa dan gɔlɛbli si lɛ wo gi, yé maa dan bli zin pa lɛ wo gi,

Ézékiɛl 3:7

Naa, Izraɛlnu ’ka a nyi sié léé, wo tɔné dɔ i lɛ lo; wo ’ka a nyi si lɛ léé, wo tɔné dɔ an lɛ lo, azama. Naa, Izraɛlnu faa a yara plɛplɛzannu valé bli plɛplɛzannu nya.

Daniɛl 5:20

Naa, bléyian va lé é bo kɛlɛ blɛn yé a yuɛ ma kɛlɛ plɛplɛ fɔɔ yé é blii boblɛn nya, wa zun gla nya élé webleblin ta, yé wo alé fua si a lee.

OZÉ (Osée) 13:12

Éfraim lé weplenu ta a é dɔle, yé alé wenyané a é plale.

Amɔs 3:10

Gakelebale léma: Wo ’ka wedrɔle kɛlɛle gi dɔɔa lo; fɛnu lé wa si gla valé ta plɛplɛ nya, woo wo tééan ’wolé fuakɔnnu gi.

Rom munu 1:18

Munu lé wo webozen gi sɛra wolé weple kɛlɛle nya, Kazambale bli a flina wo ma la gi wolé Kazambale lé zi ma wenyané fele faa valé wolé weple faa lé we ma.

Rom munu 11:25

An bwenu, Kazambale lé we yɔɔle lé ke léé, Bale Izraɛl lɛ do tɔné ta vo fɔɔ yé bɛn bɛnu ’léé lɛ sɔɔle ’é wɔra, yé é ’ka sɔ lɛ an lɛ léé, ka vo ka tanyila weyɔɔle ’ko vazia lo, té ka kabo ye wedɔɔzannu nya lo we gi.

Rom munu 9:22

Yé dé é sɔ Kazambale lɛ léé, élé bliflile valé élé plɛplɛ nagɔɔn, yé bliflimabɔnu lé é wo dɔ wo sɛrɛle we gi bɛ, dé é ’wuo dɔ wo wuo bli tiéé baba nya, a leewe kaan loo?

2 Korɛnt Munu 5:10

Naa, é a lé kaa faa é dɔ Krist lé webleblin ’lɛ, mi faa do do lé é ban yele we ma, dé a kɛlɛwe zin léé? dé a nyané léé? ’té é wo kɛlɛ bléyian va lé é a é kɔlɛ gi bɛ, a yɛrama.

Bélidɔwesɛbɛ Fiézan 2:30

Naa, Esibɔn munu nwiinzan Sioni ’ka a nyi si lɛ léé, ko gié ’élé fɛna lo; Gakelebale, kalé Bale a bli dɔ kpɛɛn yé é a bli dɔ plɛplɛ a pale ka lee we gi, fɛan zo lé ka ye kyɔ, a zo.

Bélidɔwesɛbɛ Fiézan 32:34

An gi é saan ’bɛzowenu ma kaa? É a anlé fɛwezannu va, yé maa lɛ tan wo ta.

2 Tɛsalɔnik munu 1:5

We ’ko a gɔɔn tɔmase nya léé, Kazambale éé mi vaboo é zua, yé é a ye léé, a yara a ka yara léé, ka kɛlɛ Kazambale lé fuatɛrɛ la munu nya, amalé ka ke nyané blena bɛ.

Ébrunu 3:13

Naa, ’ka we pla ka ke lɛ yi faa do do ma, tu valé é kinile ma, té ka yi lɛbɛn lo, léé, té wenyané é dabli kɛlɛ ka va mi do kpen lɛ yé a tɔné gi é kɛlɛ yuyu lo.

Ébrunu 3:15

Dé Kazambale lé sɛbɛ a fe léé: Kyɔ, dé ka a dére ’ma, Té ka tɔné gi kɛlɛ a ma é yuyu bélé nwa Bale ma bléyi vamunu zé zo lo.

Ébrunu 4:7

Bɛwemalé Kazambale yi bɛ dɔ, yee lé ke kyɔ nya. Lɛɛ kiɛre giéle zuo é we fe David lɔlu nya, dére lé maa a fe ka lɛ lao bɛ, a nya. É léé: Kyɔ, dé ka a dére ’ma, Té ’ka tɔné gi kɛlɛ é yuyu lo.

SEBE LÉ JAK A GYE (Épitre de Jacques) 5:3

Gyan vɔ kalé kyan valé kalé gɔɔlifu ma; yé wo ma gyan é dan ka ma we fe lɛ, yé é dan ka nɛ ble lɛ bélé kyɛ zo. Ka fɛwezannu zun dɔ kazé nya yi voélazannu ’ko gi.

Jozué 11:20

Naa, Gakelebale munu ’konu bli kɛlɛ plɛplɛ gulidanna Izraɛl va, alé wo gyɛle tata yé a nyanai ’ka zén wo ta lo we ma, yé wo wo nɔ bale pale wo ma nya, fɛan zo lé Gakelebale a fe Moizi lɛ, a zo.

2 Piɛri 2:9

Dé Kazambale munu ’konu lé we faa yuɛ gi bo tegele a zo ’naan, ’té Mizan ’ka bɔalɛ léé, élé zisɔlɛmunu si wo gidanle gi loo? É ’ka bɔalɛ léé, é mi plenu tadɔ welɛdɔle wo gi webleyi nya we gi loo?

2 Piɛri 3:7

yee dére duo nya lé lanu valé tɛrɛ lé é ke ana lao, Bale é yuɛ pa wo va yé é wo tadɔ wo kyɛblele we ma, yian nya lé Bale é dan munu lé we ble lɛ yé é Bale lé zi ma wenyané fezannu guru zana a gi, a yi nya. Wo gi san we ’konu ma wobo yuɛ va.

SEBE LÉ JUD A GYE (Épitre de Jude) 1:6

Lanjenu lé we sele ’é dɔ ka gi é ziin; wo ’ka dɔ lɛ ’wo dɔna lo, yé wo sɔn vɔ ’wobozen nyanana ma yé Kazambale wo yere gɔgɔbalenu lé wo ’ka kinié monomono lo, wo nya, yé é wo tadɔ gunuti tiritirinu va, alé wolé we blele we gi yi blɛn nya. Yee kaan loo?

Wegɔɔnle 2:21

An bléyi ke nɔ a lɛ, a bli nɔlale we ma, yé é ’ka a va léé, é daan élé pɛnpɛnnégyɛle ma lo.

Wegɔɔnle 6:17

naa, wo blifliyi blɛn bɔ yé mi kyɛn ɛ bɔa dɔle lɛɛ?

1 Samuɛl 6:6

Mɛmalé ka bli kɛlɛ plɛplɛ bélé fɛan zo lé Éjipitinu valé Faraɔn ’wo bli kɛlɛ plɛplɛ, a zoo? Dé Gakelebale ’é lɛdɔ wo gi faa wo ’ka daan lɛ Izraɛl lé nénu ma yé ’bɛnu go loo?