Rom munu 2:2 - Kazambale lé Sebe Sauunu 1979

² Ko a gi dɔɔ léé, munu lé wo ke we ’ko zoɛnu kɛlɛna, Kazambale lé wolé we blele a webozen nya.

Rom munu 2:2 ပူးပေါင်းရင်းမြစ်များ

Wepélisiananu 18:25

Mi tegele gyɛle mi nyané va, ’té mi tegele valé mi nyané lé we bɔ ékema, ’bɛ zo we kɛlɛle a é sile i ma baa boenwo. Mian éé tɛrɛlamunu faa lé we blé, é ’ka dan we tegele kɛlɛ lɛ loo?

JOB (Job) 34:23

Kazambale mawe ’ka a gi léé, é mi do nagini gɔnɔ fié Yé é da a nya weblena é va lo.

Lɛrɛvɔ Sɛbɛ 145:17

Gakelebale a tegele élé wekɛlɛbɛnu faa gi. Yé é a nyanaizénzan nya é panyanama faa gi.

Lɛrɛvɔ Sɛbɛ 9:4

An nyanézannu éé goo ’wo zuozia, Woo diaan yé woo zamaga woo i yara.

Lɛrɛvɔ Sɛbɛ 96:13

Gakelebale ’lɛ ma. Naa, é a dana, É a dana tɛrɛlamunu lé we ble lɛ; É dan tɛrɛlamunu lé we ble lɛ tegele, É dan migɔnɔnu lé we ble lɛ é yara pale we ta yɛrama.

Lɛrɛvɔ Sɛbɛ 98:9

Gakelebale ’lɛ ma. É a dana tɛrɛlamunu lé we ble lɛ. Naa, é dan tɛrɛlamunu lé we ble lɛ tegele, Yé é dan migɔnɔnu lé we ble lɛ wedrɔle nya.

Ézai 45:19

Maa ’ka we fe lɛ kyeen gi Tɛrɛ la gunuti do kpen va lo; Maa ’ka a fe lɛ Jakɔb kulu lɛ léé: ’Ka an nagini é pla, lo. Maa Gakelebale, maa we fé é fena, Maa we drɔle ɛ fé.

Ézai 45:21

’Ka a lɛ kini wo lɛ, yé ’ka da wo nya. ’Wo we pla wo ke lɛ ma. De ɛ we ’konu lɛ kini a pélisia bléyi va, Yé ana mɔn ’té éé wo zana dɔɔan? Maa Gakelebale kaan loo? Dé é ’ka maa nya lo, Bale bɛ ’ka lo, Bale tegele lé éé mi bélié, maa do kpen ɛ ke a nya.

Jérémi 12:1

Gakelebale, bii a tegele fɛan zo bɛ, é ’ka dɔ lɛ an gi léé, an zavɔ i va lo; Naa, duowo, maa a a va léé, maa we fe ilé weblele ma. Mɛmalé i mi nyanénu ma wenu nyian woo? Mɛmalé i dablikɛlɛmunu voo é yuɛma drɔɔ?

Ézékiɛl 18:25

Ka léma: Mizan lé wekɛlɛbɛ ’ka é drɔle lo. Amalé, Izraɛlnu, ’ka tɔné dɔ. Maa ɛlé wekɛlɛbɛ ’ka é drɔle lo loo? Naa, ka‐an kalé wekɛlɛbɛ ’ka é drɔle lo loo?

Ézékiɛl 18:29

Izraɛlnu léma: Mizan lé wekɛlɛbɛ ’ka é drɔle lo. Izraɛlnu, maa ɛlé wekɛlɛbɛ ’ka é drɔle loo? Ka‐an kalé wekɛlɛbɛ ’ka é drɔle lo loo?

Daniɛl 4:37

Yé sin, maa Nébukanɛsaa, an lanu Nwiinzan blɛn tɔ zin fé, maa a tɔ biéan, maa a tɔ nwaan. A panyanamanu faa a webozen nya, yé alé wekɛlɛbɛ faa a tegele. Yé munu lé woo tawoo boblɛn nya, éé wo zunwo.

Sofoni 3:5

Gakelebale a wo va mi tegele nya; é ’ka weple kɛla pelo. Bladi faa do do ma éé élé webledérenu bɔraan gɔrɔ la, é ’ka yi do kpen buuan lo. Naa, mi lé éé weple kɛla, é ’ka yaragyɛwe dɔɔa lo.

Rom munu 2:1

Bɛwemalé, bii lé i mi bɛ ma we blé, dé i a miomian nya, ibozen dɔna ’ka lo; bii lé i mi bɛ ma we blé, bii, wo kɛlɛwe duoan bé kɛla loo? Amalé dé i mi bɛ ma we blé, ’té i we dɔa ibozen nwiin.

Rom munu 2:3

Bii lé i bɛzowe kɛlɛmunu ma we blé, ’té i yee we duo kɛla, é a i gi léé, Kazambale ’ka dan ilé we ble lɛ loo?

Rom munu 2:5

I tɔné gi plɛplɛ valé i bli lé é ’ka nɔlaan lo, wo nya lé i bliflile zun dɔa ibo ma, Kazambale blifliyi zé nya. ’Bɛ yi nya, Kazambale é dan élé weblele tegele nagɔɔn lɛ,

Rom munu 9:14

Bɛwemalé ko dan mɛ we fe lɛɛ? Kazambale éé weple kɛlaa? Gba!

Wegɔɔnle 16:5

Maa ’yinu lé lanje dére ’ma, ’té éé a fé léé: Bii lé i ke, bii lé i ke é kyɛn, bii lé i ke sauun, i we ’konu ble é blena, amalé i a tegele.

Wegɔɔnle 19:2

naa, alé weblelenu a webozen valé we tegele nya; gɔnégini le baba lé, é tɛrɛ sɛrɛ élé pɛnpɛnnégyɛle nya, é alé we ble, yé ’é wuomunu nyɛ lɛgi pa a ma.