Rom munu 2:16 - Kazambale lé Sebe Sauunu 1979

¹⁶ Yee ɛ dan bɔra lɛ yian nya lé Kazambale é dan munu lé kyeengiwenu ble lɛ Jézu nya anlé Wenéné yɛrama, a yi nya.

Rom munu 2:16 ပူးပေါင်းရင်းမြစ်များ

Wepélisiananu 18:25

Mi tegele gyɛle mi nyané va, ’té mi tegele valé mi nyané lé we bɔ ékema, ’bɛ zo we kɛlɛle a é sile i ma baa boenwo. Mian éé tɛrɛlamunu faa lé we blé, é ’ka dan we tegele kɛlɛ lɛ loo?

Lɛrɛvɔ Sɛbɛ 50:6

Yé lanu é dan alé we tegele zana dɔɔ lɛ, Naa, Bale ɛ ke weblezan nya. Ka ye do.

Lɛrɛvɔ Sɛbɛ 96:13

Gakelebale ’lɛ ma. Naa, é a dana, É a dana tɛrɛlamunu lé we ble lɛ; É dan tɛrɛlamunu lé we ble lɛ tegele, É dan migɔnɔnu lé we ble lɛ é yara pale we ta yɛrama.

Lɛrɛvɔ Sɛbɛ 98:9

Gakelebale ’lɛ ma. É a dana tɛrɛlamunu lé we ble lɛ. Naa, é dan tɛrɛlamunu lé we ble lɛ tegele, Yé é dan migɔnɔnu lé we ble lɛ wedrɔle nya.

Bale Lé We Gifezan 12:14

An be, we lé é vo, we konu ’wo we paa i gi ma; sɛbɛpanu kɛlɛle ’ka nyaan lo, yé wedraanle a mi wɔlɛginyaawe nya.

Bale Lé We Gifezan 3:17

Maa lé an bli gi léé, Kazambale é dan mi tegele valé mi nyané lé we ble lɛ; naa, we faa valé ézé bléyi lé, yé nyanama faa pabléyi a.

Matio 16:27

Maa blami Be, an dan da lɛ an Ti lé fua tɔbɔle nya, é valé alé lanjenu nya, yé maa dan mi faa gooli pa lɛ do do wo kɛlɛwenu yɛrama.

WENÉNÉ LÉ LUK A GYE (Évangile selon Luc) 8:17

Fɛ lé ke é yɔɔle yé a ta ’ka dan bɔra lɛ lo, ’bɛ fɛ ’ka lo; yé kyeengiwe lé ’bɛ ’ka dan bɔra lɛ lo, ’bɛ ’ka lo.

WENÉNÉ LE JAN A GYE (Évangile selon Jean) 12:48

Mi lé éé sɔn vɔa an ma, yé é ’ka tawoo an dérenu ta lo, alé weblezan ana; dérenu lé maa wo fe, wo ta lé Bale é dan alé we ble lɛ yi voéla nya.

Kelewenu 10:42

Yé Jézu a pa ko ’léé léé, ko we fe munu lɛ yé ko fe léé, ’yee lé Kazambale ’é kɛlɛ mi yuɛmalenu valé migalenu lé weblezan nya.

Rom munu 16:25

Mi lé éé bɔa ka dɔle lɛ gligli anlé Wenéné valé Jézu Krist lé wefele yɛrama, we lé é ke é yɔɔle Bale bli gi, a bɔrale yɛrama bɛ, wa tɔ zin fe ma. We ’ko a é yɔɔle é li,

Rom munu 2:5

I tɔné gi plɛplɛ valé i bli lé é ’ka nɔlaan lo, wo nya lé i bliflile zun dɔa ibo ma, Kazambale blifliyi zé nya. ’Bɛ yi nya, Kazambale é dan élé weblele tegele nagɔɔn lɛ,

1 Korent munu 15:1

Bwenu, Wenéné ’ko lé maa a fe ka lɛ bɛ, yee lé ka a nyi si, ’té ka a é dɔle a gi gligli,

1 Korent munu 4:5

Amalé maa léé, té ka we do kpen ble a blebléyi ’lɛ lo, fɔɔ yé Mizan ’é da. Wenu lé é ke é yɔɔle gunutinu va, yee ɛ dan wo bɔra lɛ san va. Yee ɛ dan mi bɔngiwenu bɔra lɛ munu yuɛ va. Yé munu lé wo tɔ zin fe yara lé, Kazambale é dan wo tɔ zin fe lɛ.

2 Korɛnt Munu 5:10

Naa, é a lé kaa faa é dɔ Krist lé webleblin ’lɛ, mi faa do do lé é ban yele we ma, dé a kɛlɛwe zin léé? dé a nyané léé? ’té é wo kɛlɛ bléyian va lé é a é kɔlɛ gi bɛ, a yɛrama.

Galasi munu 1:11

Bwenu, maa lé ka lɛ léé, Wenéné lé maa a fe ka lɛ, é ’ka si lɛ munu va lo.

1 Timoté 1:11

Yee wepaale tegele éé sié gi nana Bale lé Wenéné lé ke bélé fuasan zo yé wa bɛ pa an lee bɛ, a va.

2 Timoté 2:8

Jézu Krist lé wa yaa David kululazan nya, yé é nwa gamunu va Wenéné lé maa alé we fé, a yɛrama, a sele ’é dɔ i gi ma.

2 Timoté 4:1

Kazambale valé Jézu Krist lé é dan mi galenu valé mi yuɛmalenu lé we ble lɛ bɛ, ko a wo ’lɛ; maa lé i lɛ Jézu dale valé a plale mi nwiin tɔ gi léé,

2 Timoté 4:8

Yé sin, mi tegele lé tɔkoro ta a é dɔle anzé nya. Mizan, Weblezan tegele, é dan a nɔ lɛ an lɛ ’bɛ yi la. Naa, an do lɛan é dan a nɔ lɛ lo; munu faa lé, a dale sɔ wo lɛ, é dan a nɔ lɛ wo lɛ é ziin.

Ébrunu 9:27

Naa, Bale a fe léé, mi faa é gaan gɔnɔ do kpen, ’bɛ zuo yé é wolé we ble.

1 Piɛri 4:5

Wo dan a zuo fe lɛ mi lé a ma ke é ’lɛrɛle miyuɛmalenu valé migalenu lé we blele we ma bɛ, a lɛ.

2 Piɛri 2:9

Dé Kazambale munu ’konu lé we faa yuɛ gi bo tegele a zo ’naan, ’té Mizan ’ka bɔalɛ léé, élé zisɔlɛmunu si wo gidanle gi loo? É ’ka bɔalɛ léé, é mi plenu tadɔ welɛdɔle wo gi webleyi nya we gi loo?