Rom munu 13:7 - Kazambale lé Sebe Sauunu 1979

⁷ Fɛ lé é a lé wa nɔ mi lɛ, ’ka a nɔ wo lɛ ma; ’ka lɛnpo gɔnɔ faa banwo é banwolɛmunu lɛ, ’ka kana ka kana lee munu lee, mi lé é a lé ka a lɛdɔama, ’ka a lɛdɔma ma.

Rom munu 13:7 ပူးပေါင်းရင်းမြစ်များ

1 Minwiinzannu 3:17

A do léé: Anzan, ilé zanté, maa valé an bɔluzan ’ko, ko nyanaan kɔn do gi, yé an né yaa ana mi.

Fwile 20:12

I ti valé i bu lɛdɔma, ilé yinu kɛlɛle kiɛre we gi, tɛrɛ lé Gakelebale, ilé Bale a nɔ i lɛ, a ta.

Wegɔnévɔlenu 24:21

An be, ’i kana Gakelebale valé minwiinzan blɛn lee; té i vɔ awomunu va lo.

Wegɔnévɔlenu 3:27

Mi lé a yara lé i we zin kɛlɛ a lɛ, té bé nyané kɛlɛ a lɛ lo, ’té dé fɛ a i lee.

Lévinu 19:3

Ka faa do do, ’ka ti valé ka bu lɛdɔma yé ’ka anlé flinyi lé we kɛlɛ. Maa a Gakelebale, kalé Bale nya.

Lévinu 19:32

Dé nwanabɔzan bɔ i ma é nyanale, ’i nwa; ’i mi segele lɛdɔma. ’I kana Bale lee. Maa a Gakelebale nya.

Matio 17:25

Piɛri wɔra aan wo kɔn gi Jézu we fe é vinin yé é léé: Simɔn, é dɔ i gi kaa? Tɛrɛ la minwiinmunu, wo fɛ ban valé vagɔɔli sié denu lee? Wobo lé tɛrɛlamunu lee laa, bɛnnu lee?

Matio 22:21

Wo léé: Sézaa zé lé. Yé é lé wo lɛ léé: Amalé ’ka Sézaa zé fɛ nɔ Sézaa lɛ yé ’ka Kazambale zé fɛ nɔ Kazambale lɛ.

Maak 12:17

Yé é lé wo lɛ léé: ’Ka Sézaa zé fɛ nɔ Sézaa lɛ, yé ’ka Kazambale zé fɛ nɔ Kazambale lɛ. Yé wo gi vuru alé we ma.

WENÉNÉ LÉ LUK A GYE (Évangile selon Luc) 20:22

A se a ko lɛ léé, ko gɔɔli banwo Sézaa lɛ laa, té ko a banwo loo?

WENÉNÉ LÉ LUK A GYE (Évangile selon Luc) 20:25

Yé é lé wo lɛ léé: Amalé ’ka Sézaa zé fɛ nɔ Sézaa lɛ, yé ’ka Kazambale zé fɛ nɔ Kazambale lɛ.

WENÉNÉ LÉ LUK A GYE (Évangile selon Luc) 23:2

Wo kun we dɔle ma a nwiin yé wo léé: Ko bɔ mi ’ko ma kolé munu gi pana léé, ’wo nwa minwiinzan blɛn ma, a fele nya léé, té wo gɔɔli banwo Sézaa lɛ lo, yé é léé, yeebozen ɛ ke Krist nya, minwiinzan nya.

Rom munu 12:10

Ka bwenu ’é sɔ ka lɛ tegele ma. ’Ka ka bɔluzan kɛlɛ blɛn é mini kaboen ta.

Rom munu 13:6

We ’ko duo ma lé ka lɛnpo banwoo. Minwiinmunu a Kazambale wuozannu lé wo yara ke é pale nyanama ’ko ta, wo nya.

Éfez munu 5:33

Yé é ziin, ka faa nanu ’é sɔ ka lɛ bélé kabozen zo ma, yé ’kaa lomu, ’ka zananu lɛdɔma ma.

Éfez munu 6:5

Mi wuomunu, kazannu lé wo ke tɛrɛlamunu nya, ’ka wo lɛdɔma, kanale valé manyɔɔnle nya, bli do nya bélé fɛan zo lé ka a kɛlɛna Krist ɛ lɛ, a zo.

1 Timoté 5:13

Yé é ziin, dé wa é pla tɔɔn, ’té wo kun gole ma kɔnnu gi nuu. ’Bɛ ta loru, woo we faa ’wuo kunwo kwɛkwɛ ’té wa sɔɔlaan, ’té woo goo vɔle nya mi bɛnu lé we gi, yé we lé é ’ka lé wa fe lo, ’té wa fé.

1 Timoté 5:17

Léglizigimi segelenu lé woo we yuɛ gi boo é zima, é a lé ka wo lɛdɔma, wo bɛn ’é vo ka gi ma; wo lé woo Bale dére fé yé woo we paan munu gi wo zua, é a lé ’bɛnu lɛdɔmale é mini wo faa ta.

1 Timoté 6:1

Munu faa lé wo ke luubale gi, é a lé ’wo ’wozannu ye munu lé woo wo lɛdɔama, wo nya, té munu é Kazambale tɔ valé alé wepaale sɛrɛ lo we ma.

1 Piɛri 3:7

’Kaa gɔnénu, le ’ka plɛplɛ bélé gɔné zo lo, amalé ’ka nyana ka nanu va wedɔɔle nya. Fɛan zo lé kabozen vole é yuɛma ye zin nya, a zo duo lé wa ye é ziin, amalé ’ka wo kun é zima, té kalé bazorole é sɛrɛ lo we gi.

1 Samuɛl 12:18

Samuɛl Gakelebale laa, yé Gakelebale zagelenu ban yé é lɛɛ pa zia ’bɛ yi duo nya. Munu faa kana Gakelebale valé Samuɛl lee é baba.