Rom munu 12:3 - Kazambale lé Sebe Sauunu 1979

³ Zin lé Bale a kɛlɛ an lɛ, a nya lé maa lé ka faa do do lɛ léé, té ka kabo ye mi zin baba nya lo; naa, bo kiéné bli ’é kɛlɛ ka gi ma, blipale lé Kazambale a guli ka faa do do ma, a yɛrama.

Rom munu 12:3 ပူးပေါင်းရင်းမြစ်များ

Wegɔnévɔlenu 25:27

Zɔrɔnyɔnɔ kiɛre blele ’ka é zima lo, naa, mi bɛ tɔ zin fele a mi tɔbɔwe nya.

Wegɔnévɔlenu 26:12

Dé i mi ye, yé é dɔ a gi léé, ’é we dɔɔ, mi bli é vo ’tugyɛzan lɛ é mini yee ta.

Bale Lé We Gifezan 7:16

Té i kɛlɛ tegele yé é gié é glɛ la lo, té ibo nagɔɔn wedɔɔzan baba nya lo; mɛmalé é a lé ibo sɛrɛɛ?

Misé 6:8

Oo blami, we lé ke é zima, wa gɔɔn i lɛ; we lé é sɔ Gakelebale lɛ léé, bé kɛlɛ, yee lé ke léé, ’i we tegele kɛlɛ, yé nyanai zénle ’é sɔ i lɛ, yé ’i tawo bo kiéné nya ilé Bale va.

WENÉNÉ LÉ LUK A GYE (Évangile selon Luc) 18:11

Yee lé ke Farizimi nya, é dɔ loru, yé é bazoro ébo lɛ ’ko zo, léé: Oo Bale, maa i bɔ vɔa léé, maa ’ka bélé mi pɔnénu lé wo ke mitablezannu koo, mi plenu koo, leginizannu koo, é ziin vagɔɔlisizan ’ko koo, wo zo lo;

WENÉNÉ LE JAN A GYE (Évangile selon Jean) 3:34

Naa, Kazambale ’ka ’é Léli nɔle glɛ dɔ lɛ a lɛ lo; bɛwemalé, mi lé Kazambale a pa zia, Kazambale dérenu lé éé a fé.

Rom munu 1:5

Yee ɛ lé we ma lé Kazambale zin kɛlɛ an lɛ yé é an kɛlɛ nwunvɔzan nya, léé, ’maa go Jézu tɔ gi yé ’maa munu ye bɛnnu faa méléna, yé ’maa wo nɔla Bale vazia, yé wa lɛdɔma.

Rom munu 11:20

’Bɛ a webozen nya; wo ’ka wo bli pa lɛ lo, amalé wo wo bɔi yé bii a é dɔle blipale nya. Té ibo kɛlɛ blɛn lo ma; ’i kana.

Rom munu 11:25

An bwenu, Kazambale lé we yɔɔle lé ke léé, Bale Izraɛl lɛ do tɔné ta vo fɔɔ yé bɛn bɛnu ’léé lɛ sɔɔle ’é wɔra, yé é ’ka sɔ lɛ an lɛ léé, ka vo ka tanyila weyɔɔle ’ko vazia lo, té ka kabo ye wedɔɔzannu nya lo we gi.

Rom munu 12:16

’Ka ka ke mawenu dɔɔ ma. Té kabo kɛlɛ blɛn lo. ’Ka nyi si yé ka nyanama kiéné pa. Té ka kɛlɛ wedɔɔzannu nya kabozen yuɛ gi lo ma.

1 Korent munu 15:10

Maa ke fɛan nya ’ko, Kazambale lé zin ɛ an kɛlɛ a nya. Yé Kazambale ’ka élé zin sɛrɛ lɛ an ma lo, naa, an nyanama pa é baba, é mini wo faa ta. ’Té é ’ka maabozen nya lo, naa zin lé Kazambale a kɛlɛ an lɛ, yee lé.

1 Korent munu 3:10

Kazambale lé zin lé é a kɛlɛ an lɛ, a nya lé maa kɔngane vɔ bélé kɔn ninikinizan lé é we dɔɔ, a zo; ’té mi bɛ éé kɔn dɔa a ta. Ka faa do do, ’ka yuɛ pa kabozen va a dɔle a ta lé we ma.

1 Korent munu 7:17

Naa, duowo, Mizan ka bɔra bɛan gi, é ka laa ’té ka dɔbɛ a fɛan zo bɛ, ka faa do do ’é vo yee bɛ duo gi ma. ’Ko zo lé maa léglizinu gimunu faa béli dɔ.

2 Korɛnt Munu 10:13

É ’ka sɔ lɛ ko lɛ léé, ko kobo ze vɔ yé é gié é glɛ ta lo, naa, Kazambale glɛan dɔ ko lɛ ko voo ’bɛ la, naa, Kazambale ko dia a glɛ ’ko zi, yé é zi nɔ ko lɛ léé, ko bɔ Korɛnt.

2 Korɛnt Munu 12:13

Maa ’ka kɛlɛ lɛ ka nwiin kɔné nya lo, dé ’bɛ kaan lo, mɛ we zin lé maa a kɛlɛ léglizi bɛnu lɛ yé maa ’ka ’bɛ kɛlɛ lɛ ka lɛ loo? Kalé zanté wenyané ’ko ma.

2 Korɛnt Munu 12:7

Té an blii boblɛn nya lo we gi wegɔɔnle zinnu ’ko lé we ma, Kazambale Satan lé nwunvɔzan do wɔra an kɔlɛ gi, é a an ma bélé léli zo, yé é an tua yé ’bɛ an bliile boblɛn nya yi ga.

Galasi munu 6:3

Dé é dɔ mian gi léé, ’é a blɛn, dɔlé té é ’ka we do kpen nya lo, ’té é a ébozen saanna é wo.

Éfez munu 3:2

Naa, ka ’ka a ’ma lɛ léé, Kazambale élé zin bɛ pa an lee kalé tɔnɔ yele we ma loo?

Éfez munu 3:4

Dé ka a tafe?-?na, ka dan a gi dɔɔ lɛ léé, weyɔɔle lé é ke Krist nya, maa a gi ’ma.

Éfez munu 4:16

Kɔlɛvafɛnu faa a é yerele ékema yé wo kɛlɛ fɛ zénle ékeva plɛplɛ do nya, gane plinna valé bɛ plinna miinnu lé we ma, yé Krist ma lé a tinle éé sié, plɛplɛ lé é ke a kɔlɛvafɛnu do do zé nya é zima bɛ, a yɛrama, ’té kɔlɛ ébo dɔa gligli sɔlɛle gi.

Filip munu 2:13

Naa, Kazambale a nyanama pana ka gi, é bɔn‐in danwe lɛsɔɔle we ma; éé ka gya a lɔrɔ nya yé éé a lɛsɔɔ plɛplɛ no ka lɛ.

Kolɔs munu 1:29

We ’ko ma lé maa nyanama paan, guli boen nya, Krist lé plɛplɛ lé é ke nyanama pana an gi plɛplɛ, a nya.

Kolɔs munu 2:13

’Kaa lé ka ke é gale kalé we sɛrɛlenu valé kalé ganedɔlelo we ma, é ka béli ékeva Jézu nya, ka ma we vole nya kalé we sɛrɛle faa ma;

1 Timoté 1:14

Yé Kaazan élé zin kiɛre kɛlɛ an lɛ yé blipale valé sɔlɛle lé é ke Jézu Krist gi, é wo vɔ an bli gi blɛn.

1 Timoté 2:15

naa, lomu é dan si lɛ we gi né yaale ma duowo, ’té dé wo yara pa blipale koo, sɔlɛle koo, kɛlɛle sauun koo, wo ta yaragyɛle nya.

1 Timoté 2:9

É sɔ an lɛ é ziin léé, lomu ’é sɔ zén wo ta é zima, yaragyɛle nya, té ’wo ’wo ma bɔra lo; té wo ’lɛrɛ nwin tanle koo, kyan koo, wɛɛwɔlɛnu koo, sɔvlɛzannu koo, wo nya lo;

Tite 2:12

Éé we paan ko gi léé, té ko kɛlɛ Kazambale lé zi ma wenyané fezannu nya lo; wenu lé tɛrɛlamunu bli éé bɔa wo ma, té ko bli é bɔ wo ma lo. Éé we paan ko gi léé, ko tawo bléyi ’ko va kobo kunle nya; ko we tegele kɛlɛ, Kazambale lé zi ’é sɔ ko lɛ,

Tite 2:2

’Bé fe mi segelenu lɛ léé, ’wo ’wobo kun, ’wo kɛlɛ tegele, ’wo kɛlɛ wedrɔzannu nya, yé ’wo kɛlɛ é ziin mi tegelenu nya, blipale koo, sɔlɛle koo, bli tiéé koo, wo gi.

Tite 2:4

É a lé wa paa gɔné na boronénu gi léé, ’bɛnu ’é ’wo zananu valé wolé nénu lɔrɔ pa,

Tite 2:6

A zo duo lé, ’i we pla pɛniɛnu lɛ léé, ’wo ’wobo kun we faa gi,

SEBE LÉ JAK A GYE (Épitre de Jacques) 4:6

Naa, Kazambale éé zin taa kɛla kaa lɛ, bɛwemalé Kazambale lé sɛbɛ léé: Kazambale éé dɔa boblɛnmunu ma plɛplɛ; Naa, éé zin kɛla bokiénémunu lɛ.

1 Piɛri 1:13

Amalé ’ka ka gi bɔrɔlenu dɔ bélé woo doa dɔa ’wo gyɛn fɛan zo, a zo; ’kabo kun, yé zin lé Bale é dan a kɛlɛ lɛ ka lɛ Jézu Krist bɔrayi nya, ’ka bli kɛlɛ a yele lɛ tegele ma.

1 Piɛri 4:11

Dé mi do a we fena, ’é a fe Kazambale dére yɛrama; dé mi do a mi mawe kɛlɛna, ’é a kɛlɛ, plɛplɛ lé Kazambale a nɔ a lɛ, a nya. ’Ka we faa kɛlɛ Kazambale tɔ bɔle we gi Jézu Krist lé, fua valé plɛplɛ ke a lee lɛɛfaama bɛ, a nya. Amɛɛn.

1 Piɛri 4:7

Fɛnu faa bɔ nyaana. ’Ka kɛlɛ ’wuoatazannu nya yé ’kabo kun, yé ’ka bazoro.

1 Piɛri 5:5

É ziin, ’kaa mi boronénu, ’ka pla mi segelenu wuo. Yé ’kaa faa, ’ka ka ke kun é zima we faa gi, bo kɛlɛle kiéné nya, naa, Kazambale éé dɔa boblɛnmunu ma, Yé éé zin kɛla bokiénémunu lɛ.

1 Piɛri 5:8

’Ka kɛlɛ ’wuoatazannu nya ma. ’Ka vo é vuole ma. Ka nyanézan yonufaatagɔné a giéna bélé golizra lé é ke wena, a zo, mi lé é dan a ble lɛ, a mavɔɔle nya, bɛwemalé ’ka kɛlɛ ’wuoatazannu nya yé ’ka vuo.

3 Jan 1:9

Maa dére sɛ gyɛ sɛbɛ gi léglizigimunu zé nya, naa, Diotrɛf lé, é sɔ a lɛ léé, ’é kɛlɛ mi vininzan nya wo va, ko ’ka a yuɛ gi bɔ lɛ lo.