Rom munu 11:1 - Kazambale lé Sebe Sauunu 1979

¹ Bɛwemalé maa laa ka lee: Kazambale sɔn vɔ élé munu maa? Gba! Maa é ziin, maa a Izraɛl mi nya, Abraam kululazan nya, Bɛnjamɛn bɛn nya.

Rom munu 11:1 ပူးပေါင်းရင်းမြစ်များ

2 Minwiinzannu 23:27

Yé Gakelebale léé: Maa Izraɛl si an yuɛ gi fɛan zo, a zo duo lé maa dan Judanu si lɛ an yuɛ gi é ziin, yé fla ’ko, Jérusalɛm lé maa si a va, é valé kɔn lé maa a mawe fe léé, ’bɛna lé an tɔ é dan kɛlɛ lɛ, maa dan sɔn vɔ lɛ wo ma.

Lɛrɛvɔ Sɛbɛ 77:7

An gibɔrɔma anlé lɛrɛnu ma é béli, An ’wuogibɔrɔma an bli gi, Yé maa laan anbo lee léé:

Lɛrɛvɔ Sɛbɛ 94:14

Naa, Gakelebale ’ka daan élé munu ma lo, É ’ka sɔn vɔa élé munu ma lo;

OZÉ (Osée) 9:17

Wo ’ka tɔné dɔ lɛ anlé Bale lɛ lo, amalé é dan sɔn vɔ lɛ wo ma, yé wo dan kɛlɛ lɛ nɔɔzannu nya bɛnnu méléna.

WENÉNÉ LÉ LUK A GYE (Évangile selon Luc) 20:16

É dan da lɛ yé é féinwiinzannu ’konu gyɛ zamaga nya, yé é dɔrɔféi bɛ pa mi bɛnu lee. Wo ’bɛ ’ma aan wo, wo léé: Té ’bɛ é kɛlɛ lo ma.

Kelewenu 22:3

Maa a Juifi mi nya. Wo an yaa Taase, Silisi tɛrɛ la. Yee fla ’ko ta lé an tin yé Gamaliɛl kaa tranu lé bélidɔwe paa an gi tegele. ’Té Kazambale lé we a an bli gi blɛn, bélé fɛan zo lé é a ka bli gi blɛn kyɔ, a zo.

Kelewenu 26:4

É sia an kiéné ma fɔɔ kyɔ, ’té maa nyanaan Jérusalɛm an bɛnnu méléna, bɛwemalé Juifinu faa an kɛlɛwenu dɔɔ.

Rom munu 11:11

Bɛwemalé maa laa ka lee: Wo saanle lé we ma lé wo diéraa? Gba. Naa, wo saanle lé we ma lé sile we gi bɔ bɛn bɛnu va, wolé maawole nwale we ma.

Rom munu 3:4

Gba, é ’ka ’bɛ zo lo. ’Wo Kazambale dɔɔ wezen fezan nya ma, yé ’wo munu faa dɔɔ viézannu nya ma, fɛan zo lé é a é gyɛle sɛbɛ gi, a zo; wo léé: ’Wo i ye mi tegele nya i dérenu ma ma, Yé dé wo ilé we ble té we ’é i gyɛ lo ma.

Rom munu 9:3

É vo sɛ yé é sɔ an lɛ léé, an kɛlɛ balepamazan nya yé an si Krist gi an bwenu lé we ma. Dé é a tɛrɛlawe nya, wa an lelenu nya.

2 Korɛnt Munu 11:22

Wo léé, ’wa Ébrunu nyaa? Yé maa nii? Wo léé, ’wa Izraɛlnu nyaa? Yé maa nii? Wo léé, ’wa Abraam kulunu nyaa? Yé maa nii?

Filip munu 3:5

wo an gane dɔ an yi sɔraazan nya; wo an yaa Izraɛl mi nya, Bɛnjamɛn gɔnɔlazan nya, Ébru mi lé wa yaa Ébru mi ma, a nya; dé é a bélidɔwe zé nya, maa a Farizimi nya;

1 Samuɛl 12:22

É a Gakelebale gi léé, é ka kɛlɛ élé munu nya, amalé é ’ka dan élé munu vo lɛ wo saa lo, a tɔ blɛn lé we ma.