Rom munu 1:5 - Kazambale lé Sebe Sauunu 1979

⁵ Yee ɛ lé we ma lé Kazambale zin kɛlɛ an lɛ yé é an kɛlɛ nwunvɔzan nya, léé, ’maa go Jézu tɔ gi yé ’maa munu ye bɛnnu faa méléna, yé ’maa wo nɔla Bale vazia, yé wa lɛdɔma.

Rom munu 1:5 ပူးပေါင်းရင်းမြစ်များ

Malasi 1:11

É sia yiri nwale ma fɔɔ yé é bɔ yiri vɔle ma, an tɔ a blɛn bɛnnu faa méléna. Woo lasikɔrɔpo kyɛ blé an tɔ bɔle we ma fɛfaana, yé woo an baan fɛ zin nya, naa, an tɔ a blɛn bɛnnu faa méléna. A zo lé lai sunyanu lé Gakelebale a fe.

Malasi 1:14

Dablikɛlɛzan lé alé trubɛ gɔné a, yé é bale kun yé é Mizan ban wi kwééle nya, ’wo bale pa ’bɛzan ma ma. Lai sunyanu lé Gakelebale léma: Naa, maa a minwiinzan blɛn nya, yé an tɔ a kanamafɛ nya bɛnnu faa va.

WENÉNÉ LE JAN A GYE (Évangile selon Jean) 1:16

Fɛ lé é ke a gi saawo bɛ, é a ke nɔ ko faa lɛ blɛ nya, yé é zin kiɛre kɛlɛ ko lɛ.

Kelewenu 1:25

yé ’é kɛlɛ nyanama ’ko pazan nya, yé ’é kɛlɛ nwunvɔzan nya ko va; naa, Judas sɔn vɔ a ma yé é go fɛ lé ana a nyɛɛ, ana.

Kelewenu 15:14

An bwenu, ’ka tɔné dɔ an lɛ. Fɛan zo lé Kazambale bɛnnu nagini sin yé é mi lɛ do si wo va yé é ’é tɔ pa wo ma, yee lé Simɔn a fe bɛ.

Kelewenu 6:7

Kazambale dére lɛ si. Jézu zuomunu ’léé taa zén a va kiɛre Jérusalɛm, yé Balebanmunu kiɛre Bale lé we ’ko nyi si.

Kelewenu 9:15

Mizan lé a lɛ léé: ’I go. Mi ’ko, maa a si anlé wekɛlɛfɛ nya an tɔ bɔrale we gi, bɛnnu koo, minwiinmunu koo, Izraɛlnu koo, wo va.

Rom munu 12:3

Zin lé Bale a kɛlɛ an lɛ, a nya lé maa lé ka faa do do lɛ léé, té ka kabo ye mi zin baba nya lo; naa, bo kiéné bli ’é kɛlɛ ka gi ma, blipale lé Kazambale a guli ka faa do do ma, a yɛrama.

Rom munu 16:26

naa, sin, a ta bɔra balelayemunu lé sɛbɛ gyɛle nya. Gakelebale a béli dɔ a zo, yé sin wa nagɔɔn bɛnnu faa lɛ, wo bli vole Kazambale lé we lɛ we gi yé wa lɛdɔma.

Rom munu 3:29

Kazambale ’a Juifinu saa lé Bale nyaa? Gba. É ’ka bɛn bɛnu lé Bale nya loo? Yee lé. É a é ziin bɛn bɛnu lé Bale nya.

1 Korent munu 15:10

Maa ke fɛan nya ’ko, Kazambale lé zin ɛ an kɛlɛ a nya. Yé Kazambale ’ka élé zin sɛrɛ lɛ an ma lo, naa, an nyanama pa é baba, é mini wo faa ta. ’Té é ’ka maabozen nya lo, naa zin lé Kazambale a kɛlɛ an lɛ, yee lé.

1 Korent munu 9:2

Dé maa ’ka nwunvɔzan nya mi bɛnu yuɛ gi lo, maa a a nya ka yuɛ gi duowo; kalé we ma lé munu a gi dɔɔ léé, maa a Mizan lé nwunvɔzan nya.

Éfez munu 1:12

kaa lé, kaa bli kɛlɛ Krist lɛ é vinin, kaalé we ma lé ’wo Jézu lé fua tɔ bɔ.

Ébrunu 5:9

Gun si Bale Be ma aan wo, é kɛlɛ bélile lé a glɛ ’ka lo, a bɔrazan nya, munu lé wa lɛdɔama, wo lɛ.