Rom munu 1:3 - Kazambale lé Sebe Sauunu 1979

³ Wenéné ’ko, Kozan Jézu Krist lé ke Kazambale Be nya, alé we lé; dé é a Jézu lé tɛrɛlakɔlɛ nya, wa yaa David kululazan nya,

Rom munu 1:3 ပူးပေါင်းရင်းမြစ်များ

Wepélisiananu 3:15

Maa dan guli pa lɛ bii valé lezan méléna, a kulu valé i kulu méléna; a kulu é dan i ’wuo wii lɛ yé i kulu é dan suiɛ dɔ lɛ a kulu ganetɛn ma.

Lɛrɛvɔ Sɛbɛ 2:7

Maa dan i dére zana dɔɔ lɛ; Gakelebale lé maa lɛ léé: I a an be nya, Maa i yaa kyɔ.

Jérémi 33:26

’té an dan sɔn vɔ lɛ Jakɔb valé an wuozan David kulunu ma, yé munu lé wo dan pla lɛ Abraam koo, Izak koo, Jakɔb koo, wo kulunu nwiin, maa ’ka dan wo si lɛ David kulunu va lo. Naa, maa dan da lɛ wolé luugimunu nya wo pa gi, yé an nyanai é dan zén lɛ wo ta, azama.

Amɔs 9:11

’Bɛ bléyi va maa dan David kulu nwa lɛ é ziin; maa dan wolé gɔrɔnu burunanu béé lɛ, yé maa dan wolé fɛ sɛrɛlenu dɔ lɛ wo pa gi, yé maa dan wo dɔ lɛ ’wo dɔna bélé é vinin zé zo.

Matio 1:1

Jézu a David valé Abraam kululazan nya. Jézu Krist tranu tɔ nɔnɔle lé ke ’ko:

Matio 1:16

Jakɔb Jozɛfu yaa, yee lé ke Mari zana nya. Jézu lé, wa laama Krist, Mari a yaa.

Matio 1:6

Izai David yaa. Minwiinzan David Salomɔn yaa Uri na ma;

Matio 12:23

Munu faa ’léé ma wo ma yé wo léé: David Be‐an é ke bɛ loo?

Matio 15:22

Yé Kanaan le do lé é si tɛrɛ ’konu la, é siaa Jézu lɛ léé: Mizan, David Be, ’i nyanai zén an ta. An lu a nyané blena kaii yo lee.

Matio 26:63

Naa, Jézu vo é tadɔle. Balebanmunu ’lɛzan lé a lɛ léé: Maa lé i lɛ Bale yuɛmalé tɔ gi léé, dé bii ɛ ke Kazambale Be Krist nya, ’bé fe ko lɛ.

Matio 27:43

Ébo bɛ pa Kazambale lee, naa, dé é sɔ Kazambale lɛ, ’bɛ a si we gi sin ma. Jézu a fe é kyɛn léé, ’é a Kazambale Be nya, amalé wa fe.

Matio 3:17

Yé bé ye, dére do we la gi yé é léé: Mi ’ko, é a an be lé é sɔ an lɛ é baba, a nya. A va sɔlɛle a an gi blɛn.

Matio 9:27

Jézu si aan wo ’bɛna, yuɛwiimunu fié go a zuo siaale nya léé: David be, ’i nyanai zén ko ta.

WENÉNÉ LÉ LUK A GYE (Évangile selon Luc) 1:35

Lanje lé a lɛ léé: Léli Sauun é dan zén lɛ i ta, yé Loruzan lé plɛplɛ é dan zén lɛ i ta bélé furɔ zo. Amalé né sauun lé i dan a yaa lɛ bɛ, wo dan a laa lɛ Kazambale Be.

WENÉNÉ LÉ LUK A GYE (Évangile selon Luc) 1:69

É ko siéwegizan plɛplɛ nwa é wuozan David gɔnɔ gi,

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 1:34

Yé maa a ye, yé maa a mawe fe léé, é a Kazambale Be nya.

WENÉNÉ LE JAN A GYE (Évangile selon Jean) 1:49

Natanaɛl lé a lɛ léé: Anzan, bii a Kazambale Be nya. Bii a Izraɛl munu nwiinzan blɛn nya.

WENÉNÉ LE JAN A GYE (Évangile selon Jean) 10:30

Maa valé an Ti, ko a do.

WENÉNÉ LE JAN A GYE (Évangile selon Jean) 10:36

maa lé Kazambale an pa é yɛrama yé é an pa zia tɛrɛlamunu va, dé maa a fe léé, Bale Be lé ke an nya, yé ka léé, an Bale sɔnɔɔ?

WENÉNÉ LE JAN A GYE (Évangile selon Jean) 20:28

Tɔmas lé a lɛ léé: Anzan valé anzé Bale.

WENÉNÉ LE JAN A GYE (Évangile selon Jean) 20:31

Naa, maa we ’konu gyɛ sɛbɛ gi ka bli vole a lɛ we ma léé, Jézu ɛ ke Krist nya, Kazambale Be nya, yé dé ka bli vo a lɛ yé ka béli a tɔ ma.

WENÉNÉ LE JAN A GYE (Évangile selon Jean) 5:25

Maa fe ka lɛ kyɔ webozen nya, a bléyi é dan bɔ lɛ yé é bɔ sin, ’bɛ bléyi va gamunu é dan maa Kazambale Be dére ’ma lɛ, yé woan wo dan a ’ma lɛ bɛ, wo dan béli lɛ.

WENÉNÉ LE JAN A GYE (Évangile selon Jean) 7:42

Kazambale lé sɛbɛ ’ka a fe lɛ léé, David kulu gi lé é dan si lɛ loo? Krist ’ka dan si lɛ Bɛtléɛm, fɛana lé David ke é vinin, ana loo?

Kelewenu 2:30

É ke aan wo balelayezan nya, é a gi dɔɔ léé, Kazambale a fe ébo kunle nya léé, é dan David kululazan do nyana lɛ David lé webleblin ta.

Kelewenu 3:13

Abraam koo, Izak koo, Jakɔb koo, wozé Bale, kaa tranu zé Bale, ’bɛ é wuozan Jézu tɔ kɛlɛ blɛn. Yee lé ka liwo, yé ka sɔn vɔ a ma Pilat ’lɛ, ’té é dɔ ’bɛ gi léé, ’é dan a vo lɛ éboma.

Kelewenu 8:36

Wa gona aan wo yé wo bɔ ’yi ma. Miblale léé: ’Yi lo; mɛ fɛ ɛ yi ga an lee léé, té wo an batizéwo loo?

Kelewenu 9:20

Tɔɔn, yé é we fe bazorokɔnnu gi léé, Jézu a Kazambale Be nya.

Rom munu 1:9

Bale lé maa a bɔa an bli gi a Be lé Wenéné fele nya, é a anlé wenayezan nya léé, an bazoroan ka tɔ ma yifaama, an ’ka daan a ma lo,

Rom munu 4:1

Amalé mɛ we lé ko dan a fe lɛ ko tra Abraam lé we maa?

Rom munu 9:3

É vo sɛ yé é sɔ an lɛ léé, an kɛlɛ balepamazan nya yé an si Krist gi an bwenu lé we ma. Dé é a tɛrɛlawe nya, wa an lelenu nya.

Rom munu 9:5

Abraamnu a wo ɛ tranu nya, yé dé é a Krist lé tɛrɛlakɔlɛ lé we nya, wo ɛ kululazan lé, Krist lé ke fɛnu faa nwiin, ’té é ke Bale lé a drɔɔ ke é vole lɛɛfaama, a nya, wo ɛ kululazan lé. Amɛɛn.

1 Korent munu 1:9

Kazambale ɛ ka laa léé, ’ka nana é Be Kaazan Jézu Krist va, yé Kazambale a yarapawelazan nya.

1 Korent munu 10:18

’Ka gi bɔrɔ Izraɛl munu lé we ma do. Wo vamunu lé woo baleban?-?winu blé, wozé ’ka balebanle va loo?

Galasi munu 4:4

Naa, a bléyi lɛ sɔɔ aan wo, Kazambale é Be pa zia; le do a yaa bélidɔwe wuozan nya;

1 Tɛsalɔnik munu 1:10

Yé Bale Be Jézu lé é a nwa gamunu va bɛ, ’té éé ko sié Bale lé bliflile lé é dan da lɛ bɛ, a wuo, ka a a sile la gi lɛbɛnna fɛan zo, wa faa zuo fe ko lɛ.

1 Timoté 2:5

Naa, Kazambale a do kpen, yé Kazambale valé munu pa ékemazan a é ziin do kpen, Jézu Krist lé é ke blami nya,

1 Timoté 3:16

Kazambale bɔzi wɔlɛmawe a blɛn, webozen nya. Kazambale ébo nagɔɔn mi kɔlɛ gi, yé a Léli a tegele nagɔɔn, yé lanjenu a ye, yé munu alé we fe bɛnnu lɛ, yé munu bli vo a lɛ tɛrɛ la, yé wo goan la gi.

2 Timoté 2:8

Jézu Krist lé wa yaa David kululazan nya, yé é nwa gamunu va Wenéné lé maa alé we fé, a yɛrama, a sele ’é dɔ i gi ma.

1 Jan 1:3

Yee lé ko a ye yé ko a ’ma, ko a yee ɛ fena ka lɛ, kaa kɛlɛle do we ma. Naa, ko a é kɛlɛle do kaa Ti valé é Be Jézu Kristnu nya.

1 Jan 3:23

Alé bélidɔwe lé é ke ’ko: kaa bli vo a Be Jézu Krist tɔ lɛ ma, yé kaa sɔ kaa ke lɛ, bélidɔwe lé Jézu a nɔ kaa lɛ, a yɛrama.

1 Jan 3:8

Yonufaatagɔné wenyané kɛlɛle sia a pélisia bléyi va fɔɔ kyɔ, amalé mian éé wenyané kɛla ’bɛzan a yonufaatagɔné zé nya. Kazambale Be da yonufaatagɔné lé nyanama sɛrɛle we ma.

1 Jan 4:15

Dé mian é a fe léé, Jézu a Kazambale Be nya, ’té Kazambale a ’bɛzan gi, yé ’bɛzan a Kazambale gi.

1 Jan 5:1

Mi faa lé wo bli ke a lɛ léé, Jézu a Krist nya, wa Kazambale lé nénu nya, yé dé mi yaati sɔ miomian lɛ, ’té a giné éé sɔa a lɛ é ziin.

1 Jan 5:20

Kaa a gi dɔɔ é ziin léé, Kazambale Be da yé é kaa bɔn‐in kini kaa ma, Bale lé ke webozen nya, a dɔɔle we gi; yé kaa a Kazambale Be Jézu Krist gi, bɛwemalé kaa a Kazambale bozen gi. Jézu ɛ ke Bale bozen nya, é valé vole é yuɛma lé a glɛ ’ka lo, a nya.

1 Jan 5:5

Mi lé éé tɛrɛlawe keleé yé a ’wuo é vo a lɛ, dé é ’ka mi lé a bli ke a lɛ léé, Jézu a Kazambale Be nya, azan nya lo, ’té ’bɛzan lé é ke de nyaa?

2 Jan 1:7

Misaanmunu kiɛre ana tɛrɛ la sin. Wo léé: Jézu Krist ’ka da lɛ blami nya lo. Misaanzannu lé é ke wo nya; Jézu Krist mazannu lé é ke wo nya.

Wegɔɔnle 2:18

’I sɛbɛ pa Tiatii léglizi lé lanje lɛ zia. ’Bé fe a lɛ léé: Kazambale Be lé a yuɛ ke bélé kyɛnɛnɛ zo, ’té a ganenu ke bélé zéné lé kyɛ a tana, a zo, a dére lé é ke ’ko: