Rom munu 1:1 - Kazambale lé Sebe Sauunu 1979

¹ Maa Pɔl lé an ke Jézu Krist lé luugɔnéné nya, maa ɛ ke sɛbɛ ’ko gyɛna ’kaa Rom munu lɛ. Bale an laa léé, an kɛlɛ nwunvɔzan nya, yé é an dɔ élé Wenéné fezan nya.

Rom munu 1:1 ပူးပေါင်းရင်းမြစ်များ

Minwiinzannu lé Wezuofe Sɛbɛ 23:13

Amaram benu: Arɔn valé Moizi. Arɔn a é pale é yɛrama a kɛlɛle segele we gi, yee valé é benu nya lɛɛfaama a glɛ ’ka lo, léé, ’wo lasikɔrɔ kyɛ ble Gakelebale ’lɛ, yé wo alé nyanama pa, yé wo munu drɔɔ vo Gakelebale tɔ nya yifaama.

Ézai 49:1

Wɛyiworona tɛrɛ lamunu, ’ka tɔné dɔ. Tɛrɛ baa lamunu, ’ka an ban ka tɔné nya. Gakelebale an laa an yaabléyi va, An bu lé an yaale tɔɔn é an tɔ pa.

Jérémi 1:5

Dé maa ’ka tan i kɛlɛle péli sia lɛ i bu bɔn gi lo, ’té maa i dɔɔ. Yé maa i pa é yɛrama yé maa i dɔ munu faa lé balelayezan nya i bu lé i yaale ’lɛ.

Maak 1:14

Dé wo Jan vɔ bokɔn gi faa, yé Jézu go Galilé, Kazambale lé Wenéné fele nya.

WENÉNÉ LE JAN A GYE (Évangile selon Jean) 12:26

Dé é sɔ mian lɛ léé, é anlé nyanama pa, ’é da an zuo ma; yé fɛana lé an ke, ana lé anlé nyanamapazan é dan kɛlɛ lɛ é ziin. Mian éé anlé nyanama paan, an Ti é dan ’bɛzan tɔ kɛlɛ lɛ blɛn.

WENÉNÉ LE JAN A GYE (Évangile selon Jean) 15:15

We lé mi a kɛla, a wuozan ’ka a dɔɔa lo, bɛwemalé maa ’ka ka laan an wuomunu é dɛrɛ lo; we faa lé maa a ’ma an Ti va, maa ka bɔn‐in kini a nya, bɛwemalé maa ka laa an béénu.

WENÉNÉ LE JAN A GYE (Évangile selon Jean) 15:20

Dére lé maa a fe ka lɛ, a sele ’é dɔ ka gi; maa fe kɔɔn ka lɛ léé, mi wuozan ’ka minié ézan lɛ lo. Dé wo nyané pa an ta, wo dan nyané pa lɛ é ziin ka ta; dé wo tawo an dére ta, wo dan tawo lɛ é ziin ka dére ta.

Kelewenu 13:9

Yé Sɔl lé wa laama é ziin Pɔl, Léli Sauun a kun yé é yuɛ vo gɔnézan va téiin yé é léé:

Kelewenu 20:24

Naa, an ’ka we do kpen kɛla anlé tɛrɛla we ma, bélé fɛan zo lé a we a an lee, a zo lo. We fié lé ke an bli gi, yee lé é ke ’ko: zi lé Mizan a gɔɔn an lɛ, maa lé a ta tawole lɛsɔɔle gi nanale nya a do; nyanama lé Mizan Jézu a nɔ an lɛ, Bale lé zin lé Wenéné fele nya, ’bɛ lɛsɔɔle a do, woo lé ke bɛ; an ma we bɛ ’ka lo.

Kelewenu 21:40

Yé sunyanuzan zi nɔ a lɛ, yé é dɔ sikalié ta loru yé é bɛ nwa tɔmase nya. Yé munu faa vo é tadɔle, yé Pɔl we fe wo lɛ Ébru dére gi, yé é léma:

Kelewenu 22:21

Yé é lé an lɛ léé: ’I go. Maa dan i pa lɛ zia baa bɛn bɛnu va.

Kelewenu 22:7

Maa dia tɛrɛ va, yé maa dére do ’ma, yé ’bɛ lé an lɛ léé: Sɔl, Sɔl, mɛmalé i nyané paan an taa?

Kelewenu 26:1

Agripa lé Pɔl lɛ léé: Ko zi nɔ i lɛ; ’izé gi fe. Yé Pɔl é bɛ soi yé é we si é ma dére ’konu nya yé é léé:

Kelewenu 26:14

Ko faa dia tɛrɛ va, yé maa dére do ’ma yé é we fe an lɛ Ébru dére gi yé é léé: Sɔl, Sɔl, mɛmalé i nyané paan an taa? I guli vɔ turu an lɛ, ibo lɛ lé bé kɛlɛ, bélé diri lé é gane zun ézan lé foroné ma, a zo.

Kelewenu 27:23

Bale lé, maa ke azé nya, ’té maa a bɔa bɛ, alé lanje do bɔra an va kyɔ é béli,

Kelewenu 9:15

Mizan lé a lɛ léé: ’I go. Mi ’ko, maa a si anlé wekɛlɛfɛ nya an tɔ bɔrale we gi, bɛnnu koo, minwiinmunu koo, Izraɛlnu koo, wo va.

Rom munu 1:16

Naa, yara ’ka an gya Wenéné ma lo. É a Kazambale lé plɛplɛ do nya blipaalɛmunu faa bélifɛ nya, Juifinu zé lé é vinin, ’bɛ zuo é a Grɛkinu zé nya.

Rom munu 1:5

Yee ɛ lé we ma lé Kazambale zin kɛlɛ an lɛ yé é an kɛlɛ nwunvɔzan nya, léé, ’maa go Jézu tɔ gi yé ’maa munu ye bɛnnu faa méléna, yé ’maa wo nɔla Bale vazia, yé wa lɛdɔma.

Rom munu 1:9

Bale lé maa a bɔa an bli gi a Be lé Wenéné fele nya, é a anlé wenayezan nya léé, an bazoroan ka tɔ ma yifaama, an ’ka daan a ma lo,

Rom munu 11:13

Maa lé ’kaa bɛn bɛnu lɛ léé, Bale an nwunvɔ bɛn bɛnu va, ’té maa anbo lé nyanama tɔ zin bɔa,

Rom munu 15:16

Bale va nyanama lé ke Kazambale lé Wenéné fele nya, yee lé maa ke a pana bɛn bɛnu va léé, Léli Sauun lé we ma bɛnnu ’é kɛlɛ saraka lé é sɔ Kazambale lɛ, a nya.

Rom munu 15:29

Maa gi dɔɔ léé, dé maa a gona ka va, maa dan go lɛ Krist lé drɔɔ vole lɛsɔɔle nya an ta.

Rom munu 16:18

Naa, mi ’ko zoɛnu ’ka Kaazan Krist wuozannu nya monomono lo, naa, wa ’wobo bun‐an wuozannu nya, ’té woo mi tɔɔtɔɔnu bli sɛra dére nénénu valé dabli dérenu nya.

Rom munu 16:25

Mi lé éé bɔa ka dɔle lɛ gligli anlé Wenéné valé Jézu Krist lé wefele yɛrama, we lé é ke é yɔɔle Bale bli gi, a bɔrale yɛrama bɛ, wa tɔ zin fe ma. We ’ko a é yɔɔle é li,

1 Korent munu 1:1

Maa Pɔl lé Kazambale an laa léé, an kɛlɛ Jézu Krist lé nwunvɔzan nya alé blibɔmale nya, maa valé bwe Sositɛne, ko ɛ ke sɛbɛ ’ko gyɛna ’kaa Korɛnt munu lɛ.

1 Korent munu 9:1

Maa ’ka anboma loo? Maa ’ka nwunvɔzan nya loo? Maa ’ka Mizan Jézu ye lɛ loo? Ka ’ka anlé nyanama tɔnɔ nya Mizan gi loo?

2 Korɛnt Munu 1:1

Maa Pɔl lé an ke Jézu Krist lé nwunvɔzan nya Kazambale lé blibɔmale nya, maa valé bwe Timoté, ko ɛ ke sɛbɛ ’ko gyɛna ’kaa Korɛnt munu lɛ. ’Kaa Kazambale lé léglizigimunu lé ka ke Korɛnt, ko we ka va. ’Kaa Kazambale lé munu faa lé ka ke Akai tɛrɛ faa la, ko we ka va. Sɛbɛ ’ko a kazé nya é ziin.

2 Korɛnt Munu 11:5

Naa, é dɔ an gi léé, nwunvɔzan dɛnnu zima zima ’ko, wo ’ka gié lɛ an ta we do kpen kɛlɛle gi lo.

2 Korɛnt Munu 11:7

Maa anbozen kɛlɛ aan wo kiéné, ka kɛlɛle blɛn we gi, Kazambale lé Wenéné fele nya ka lɛ é pla, ’bɛ a wenyané nyaa?

2 Korɛnt Munu 12:11

Dé maa a tavozan nya, ’té ka ɛ an kɛlɛ a nya, dɔlé ’té é a lé ka ɛ an ma we zin fe; nwunvɔzan dɛn zima zimanu ’ko, wo ’ka mini lɛ an ta we do kpen gi lo, dɔlé ’té maa ’ka fɛ do kpen nya lo.

2 Korɛnt Munu 2:12

We pɔné lé é ke ’ko: an bɔ aan wo Troas Krist lé Wenéné fele we ma, Mizan zi nɔ aan wo an lɛ, maa ’ka aan wo an bwe Tite ye lɛ lo, amalé an gi ’ka ma lɛ an ma lo.

2 Korɛnt Munu 4:5

Ko ’ka kobozen lé we fena lo; Mizan Jézu Krist lé we lé ko ke a fena, yé ko léé, ko a ka wuozannu nya Jézu lé we ma.

Galasi munu 1:1

’Kaa léglizigimunu faa lé ka ke Galasi tɛrɛ la, ko we ka va. Maa Pɔl valé bwenu faa lé wo ke an va ’ko, ko ɛ ke sɛbɛ ’ko gyɛna ka lɛ. Maa Pɔl, maa a nwunvɔzan nya; munu ’ka an dɔ lɛ ’bɛ nya lo, yé mi do kpen ’ka an nwunvɔ lɛ lo. Naa, Jézu Krist valé Tibale lé é Jézu nwa gamunu va bɛ, wo ɛ an dɔ, yé wo ɛ an nwunvɔ.

Éfez munu 1:1

’Kaa Kazambale lé munu lé ka ke Éfɛz, ’té ka ke Jézu Krist gi yarapawelazannu nya bɛ, an we ka va. Maa Pɔl lé, an kɛlɛ nwunvɔzan nya Kazambale lé blibɔmale nya, maa ɛ ke sɛbɛ ’ko gyɛna ka lɛ.

Éfez munu 1:13

Ka é ziin, webozen dére lé é ke ka siéwegi Wenéné nya, ka a ’ma aan wo, ka bli vo a lɛ yé ka wɔra Krist gi, yé é fɛ dɔ ka ma Léli Sauun lé, wa nɔle we fe, a nya;

Éfez munu 4:11

Alé blɛnu lé ke ’ko: é mi kenu kɛlɛ nwunvɔmunu nya; é a kenu kɛlɛ Balelayemunu nya; é a kenu kɛlɛ wenéné fezannu nya; é a kenu kɛlɛ léglizigimunu pazannu valé wepaamigizannu nya,

Bélidɔwesɛbɛ Fiézan 10:8

’Bɛ bléyi va Gakelebale Lévi bɛn si a va yé é lé wo lɛ léé, ’wo ’élé gipawe pagikɛsu kɔné si, yé ’wo dɔ ’é ’lɛ ’é bɔle we gi, yé wo munu drɔɔ vo ’é tɔ nya; yé Lévinu vo ’bɛ kɛlɛna fɔɔ kyɔ.

Filip munu 1:1

’Kaa Kazambale lé munu faa lé ke Jézu Krist gi Filip, é valé léglizi tabinzannu koo, léglizigimunu wuozannu koo, ko we ka va. Maa Pɔl valé Timoté, Jézu Krist wuozannu, ko ɛ ke sɛbɛ ’ko gyɛna ka lɛ.

Filip munu 2:11

’té nɛnɛ faa a fé léé, Jézu Krist a Mizan nya, Tibale tɔ bɔle we ma.

Kolɔs munu 1:1

Maa Pɔl lé an ke Jézu Krist lé nwunvɔzan nya Kazambale lé blibɔmale nya, maa valé bwe Timoté, ko ɛ ke sɛbɛ ’ko gyɛna ka lɛ.

Kolɔs munu 1:25

An kɛlɛ léglizi wuozan nya, we lé Kazambale a bɛ pa an lee kazé nya, a we ma; é léé, maa Kazambale dére faa fe ka lɛ.

1 Tɛsalɔnik munu 2:2

Ka a gi dɔɔ léé, ko nyané ble yé wo kle pa ko ta Filip. ’Bɛ zuo Kazambale ko bli ta dɔ plɛplɛ yé ko Kazambale lé Wenéné fe ka lɛ, yé wo nwa guli nya ko ma kiɛre.

1 Tɛsalɔnik munu 2:8

Ka wea ko lee é baba, amalé é ’ka sɔ lɛ ko lɛ léé, ko Kazambale lé Wenéné saa nɔ ka lɛ lo, é a lé ko kobozen nɔ ka lɛ ’bɛ ta loru.

1 Tɛsalɔnik munu 2:9

Bwenu, kolé nyanama valé kolé nyanéblele sele a ka gi. Ko Kazambale lé Wenéné fe ka lɛ, yé tu valé é kinile ma ko a nyanama ta, té ko kɛlɛ kɔné nya ka va mi do kpen nwiin lo we ma.

1 Timoté 1:1

Bii Timoté lé i ke anbozen lé né nya Kazambale lé we gi, an we i va. Tibale valé Kaazan Jézu Krist ’wo zin kɛlɛ i lɛ ma, yé wo nyanai ’é zén i ta ma, yé ’wo i vo drɔɔ ma. Maa Pɔl ɛ ke sɛbɛ ’ko gyɛna i lɛ. Kaa Siéwegizan Bale valé Jézu Krist lé, ko bli ke a lɛ, wo dére ta lé an kɛlɛ Jézu Krist lé nwunvɔzan nya.

1 Timoté 2:7

Aléwemalé Bale an kɛlɛ yee we fezan valé nwunvɔzan nya, blipale lé we valé webozen paale bɛn bɛnu gi we ma. Maa a webozen fena, maa ’ka viéwona lo.

2 Timoté 1:11

Kazambale an dɔ nwunvɔzan nya Wenéné ’ko lé we ma yé é an dɔ a fezan valé a paamigizan nya.

Tite 1:1

Maa Pɔl lé an ke Kazambale wuozan valé Jézu Krist lé nwunvɔzan nya, maa ɛ ke sɛbɛ ’ko gyɛna bii Tite lɛ. Bale an kɛlɛ nwunvɔzan nya léé, munu lé Kazambale wo si a va, maa bɔ wo va yé wo bli é vo Bale lɛ tegele yé webozen lé é ke Kazambale lé zi yɛrama, yé wo dɔ gligli ’bɛ gi.

Ébrunu 5:4

Mi do kpen ’ka dɔna blɛn ’ko sié lo, ’té dé Kazambale ’ka a laa lɛ lo, bélé fɛan zo lé é Arɔn laa, a zo lo.

Ébrunu 7:26

Balebanmunu ’lɛzan ’ko zo, ’bɛ a kaazé nya é zima; é a sauun, we ’ka a nwiin lo, a bɔn gi tiri ’ka lo, é kan kini wenyanékɛlɛmunu ma, yé é a loru baa é mini lanu ta.

SEBE LÉ JAK A GYE (Épitre de Jacques) 1:1

’Kaa bɛn vu ta fié lé ka ke é kinile ékema, maa Jak lé an ke Kazambale valé Mizan Jézu Krist lé lugɔnéné nya, an we ka va.

1 Piɛri 4:17

Weblebléyi bɔ sin, yé a péli éé sian Kazambale lé kɔngimunu va. Yé dé a pélisia kaa va, munu lé wo ’ka Kazambale lé Wenéné lɛdɔama lo, wozé we ’wuo é dan pla lɛ kaa?

2 Piɛri 1:1

’Kaanu lé ka blipale wezan duo ye ko va, kaalé Bale valé Mibélizan Jézu Krist tegele lé we ma bɛ, an we ka va. Maa Simɔn Piɛri lé an ke Jézu Krist lé luugɔnéné valé alé nwunvɔzan nya, maa ɛ ke sɛbɛ ’ko gyɛna ka lɛ.

SEBE LÉ JUD A GYE (Épitre de Jude) 1:1

’Kaanu lé Tibale ka laa, ’té ka sɔ a lɛ yé é ka tadɔ Jézu Krist zé nya bɛ, maa we ka va. Maa Jud lé an ke Jézu Krist lé luugɔnéné nya, Jak bwe nya, maa ɛ ke sɛbɛ ’ko pana ka lɛ zia.

Wegɔɔnle 1:1

We lé Kazambale a gɔɔn Jézu Krist lɛ, yee lé ke ’ko. Wenu lé wo bɔle ’ka vo lɛ baa lo, Kazambale a gɔɔn a lɛ, alé wo gɔɔnle é wuomunu lɛ we gi. É a nagɔɔn élé lanje nwunvɔle nya, maa a wuozan Jan lɛ.

Wegɔɔnle 22:6

É lé an lɛ léé: We ’ko a sɔbɛlawe nya, yé é a webozen nya; yé Mizan, balelayezannu lélinu zé Bale, é ’élé lanje nwunvɔ wenu lé wo kɛlɛbléyi bɔ é pu, wo nagɔɔnle we gi ’é wuozannu lɛ.

Wegɔɔnle 22:9

Naa, é lé an lɛ léé: Té bé kɛlɛ lo. Bii koo, i bwe balelayemunu koo, munu lé wo ke tawona sɛbɛ ’ko dérenu ta koo, maa a ka vazan do nya. ’I Kazambale ɛ bɔ.