Wegɔɔnle 9:3 - Kazambale lé Sebe Sauunu 1979

³ Gangannu bɔra kyɛgoi va, yé wo nwɛɛn tɛrɛ la; yé Bale plɛplɛ nɔ wo lɛ bélé tɛrɛla gableseené zé zo.

Wegɔɔnle 9:3 ပူးပေါင်းရင်းမြစ်များ

1 Minwiinzannu 12:11

Sin, an ti luubale fɔnɔ ka bɔrɔ ma, yé maa dan a taa fɔnɔ lɛ é ziin. An ti we lɛdɔ ka gi plén nya, yé maa dan we lɛdɔ lɛ ka gi wɛsɛnénu nya.

2 Minwiinmunu lé Wezuofe Sɛbɛ 10:11

Sin, an ti luubale fɔnɔ ka bɔrɔ ma, yé maa dan a taa fɔnɔ lɛ é ziin. An ti we lɛdɔ ka gi plén nya, yé maa dan we lɛdɔ lɛ ka gi wɛsɛnénu nya.

2 Minwiinmunu lé Wezuofe Sɛbɛ 10:14

yé é we fe wo lɛ, we lé pɛniɛnu a fe a lɛ, a yɛrama. É léé: An ti luubale fɔnɔ ka bɔrɔ ma, yé maa dan a taa fɔnɔ lɛ; an ti we lɛdɔ ka gi plén nya, yé maa dan we lɛdɔ lɛ ka gi wɛsɛnénu nya.

Ézai 33:4

Wo ilé gulizarafɛ si bélé flɛlɛ gaan éé ’sa blé fɛan zo, a zo; wo zén a ta bélé flɛlɛ gaan éé zén‐é fɛ ta fɛan zo, a zo.

Ézékiɛl 2:6

Yé bii blami be, té i kana wo lee lo. Té i kana wolé wefele lee lo, dɔlé té i nyanaan goligyɛné valé lélinu va, ’té i nyanaan zɛnɛanu va. Té i kana wolé wefele lee lo; té i kana wo yara lee lo, dɔlé ’té wa tɔné gi plɛplɛ gɔnɔ nya.

Joɛl 1:4

Fɛ lé zalogan a vo, nanikpénnɛ a ble; Fɛ lé nanikpénnɛ a vo, yuuwɔlɛnénu a ble; Fɛ lé yuuwɔlɛnénu a vo, flɛflɛ a ble.

Joɛl 2:25

Zalogan koo, nanikpénnɛ koo, yuuwɔlɛnu koo, flɛflɛ koo, Wa anlé sunya gu blɛn lé maa a pa ka ma zia, a nya, Yé féifɛnu lé wa ble lɛɛ kiɛre gi, Maa dan wo lɛgi nɔ lɛ ka lɛ.

Naum 3:15

’Bɛna lé kyɛ é dan i ble lɛ; gwɔun é dan i kulu ga lɛ; é dan i ble lɛ bélé gangannu zo. ’Ka kɛlɛ kiɛre bélé seenénu zo. ’Ka fan bélé gangannu zo.

Naum 3:17

Ilé minwiinzannu a bélé gangannu zo; ilé fla zilɛzannu a bélé gangan gu blɛn lé woo nyanaan gɔrɔnu ta dunu bléyi va, wo zo; dé yiri siéla tɔɔn, woo sié, yé woo goo, yé wa kɔɔn fɛana é vinin bɛ, mi ’ka ’bɛna dɔɔa é dɛrɛ lo.

WENÉNÉ LÉ LUK A GYE (Évangile selon Luc) 10:19

Ka ye, maa tawole ménénu valé zɛnɛanu ta se kɛlɛ ka lɛ, yé maa plɛplɛ nɔ ka lɛ léé, ka pla mi nyanézan lé plɛplɛ faa nwiin; yé fɛan é bɔa wenyané kɛlɛle lɛ ka lɛ, ’bɛ fɛ do kpen ’ka lo.

Bélidɔwesɛbɛ Fiézan 8:15

É go ka nya bwi blɛn ’ko lé, a ta éé kana zén‐é mi gi, ’té méné suiɛ yaale valé zɛnɛanu ke ana, a la; é go ka nya fɛna galenu na, ’té ’yi ’ka ana lo, yé é ’yi si gɔlɛ plɛplɛ gi ka lɛ;

Wegɔɔnle 9:5

Wo zi nɔ wo lɛ léé, ’wo nyané pa munu ta moné soru, naa, té ’wo wo gyɛ lo; nyané lé wa pa wo ta, é a bélé gableseené suiɛ lee nyanéblele zo, ’té dé é a dɔ mi ma.

Wegɔɔnle 9:7

Gangannu ’ko, wa bélé wisoonu lé wo wo ma’lɛrɛ gulidanle we ma, wo zo. Fɛnu a wo ’wuo ma bélé kyankoronu zo, yé wo yaranu a bélé mi yara zo.

Weblezannu 7:12

Madiannu koo, Amalɛknu koo, yirinwanazia munu koo, wa é nwɛɛnle gɔ worona bélé gangan gbau zo, yé wolé nyɔgɔménu a bélé wɛyi gɔɔn ma nyéné lé mi ’ka bɔa a nɔnɔle lɛ lo, a zo.