Wegɔɔnle 8:5 - Kazambale lé Sebe Sauunu 1979

⁵ Yé lanje lasikɔrɔ kyɛblégi kyanbɔ si, yé é a fan balebanna ta kyɛ nyɛ nya yé é a vuli tɛrɛ va. Yé dérenu we, ’té zagelenu éé baan, ’té lɛɛ éé yuɛ wuo vɔa, ’té tɛrɛ ma éé nyɔɔn‐an.

Wegɔɔnle 8:5 ပူးပေါင်းရင်းမြစ်များ

1 Minwiinzannu 19:11

Gakelebale léé: ’I bɔra, ’i dɔ gɔ ma Gakelebale ’lɛ. Yé bé ye, Gakelebale gié. Fu gié plɛplɛ é baba yé é gɔ fee gyɛ yé é gɔlɛnu ’wii Gakelebale ’lɛ; Gakelebale ’ka fu gi lo. Fu giéle zuo, tɛrɛ ma nyɔɔn; Gakelebale ’ka tɛrɛ ma nyɔɔnle gi lo.

Lɛrɛvɔ Sɛbɛ 18:13

Fuasan lé é ke a ’lɛ, latinu bɔra a gi, ’Té goowɔlɛlɛɛ valé kyɛ nyɛnu éé sié wo gi, ’té woo zanaan.

Fwile 19:16

A yi yaazan nya bladi, zagele ban, ’té lɛɛ yuɛ wuo éé vɔa, yé lati borozan zun gɔ ma; béli we plɛplɛ; yé kana zén munu faa lé wo ke sɔkɔndɔna, wo gi.

Ézai 29:6

Lai sunyanu lé Gakelebale é dan da lɛ ka va, ’té zagelenu éé baan, ’té tɛrɛ ma éé nyɔɔn‐an yé ’té vun blɛn éé wé, ’té barikoko valé fu blɛnblɛn éé giéan, ’té kyɛnɛnɛ éé fɛnu blé.

Ézai 30:30

Yé Gakelebale é dan élé tun dɔ mi gi dére we lɛ, a bli flile baba zama; a bɛ lé ke é nwale migyɛfɛ nya, é dan a nagɔɔn lɛ kyɛnɛnɛ lé éé fɛ blé, a méléna, yuu bɔrale é gɔ la koo, fu plɛplɛ giéle koo, goowɔlɛlɛɛ koo, wo méléna.

Ézai 66:6

Dére gléglé do we fla, dére do we Balebangikɔn gi. Gakelebale lé éé nyanézannu gooli paan, a dére lé.

Jérémi 51:11

’Kalé dinnu lɛ vɔ, ’ka kun ka botakuunfɛ ma; Gakelebale ɛ Médi munu nwiinzan blɛn bli nwa, é sɔ a lɛ léé, é Babilɔn sɛrɛ, azama. Naa, Gakelebale lé we lɛgi pale lé; a bangikɔn lé we lɛgi pale lé.

Lévinu 16:12

É dan kyɛnyɛ si lɛ balebanna lé ke Gakelebale ’lɛ, a ta, yé ’é a fan kyɛnyɛsibɔ nya, yé lasikɔrɔ pun lé a gin ke é baba, é dan ’bɛ si lɛ bɛ nya fié; é dan go lɛ fɛ ’konu nya sɔ lé ke kɔnmi nya, a zi;

Zakari 14:5

Ka dan vɔ lɛ flii, anlé gɔ ’konu worona, naa, gɔworona ’ko é dan go lɛ fɔɔ yé é bɔ Azɛl; fɛan zo lé ka fwi tɛrɛ manyɔɔnle lee Juda nwiinzan blɛn Ozias bléyi va, ka dan fwi lɛ a zo. Yé Gakelebale anlé Bale é dan da lɛ élé mi sauunnu faa nya é va.

Matio 24:7

Bɛn do é dan nwa lɛ bɛn do ma, yé bɛntɛrɛ do é dan nwa lɛ bɛntɛrɛ do ma, yé lɔrɔ é dan dɔ lɛ yé tɛrɛ ma é dan nyɔɔn lɛ fɛ kena.

WENÉNÉ LÉ LUK A GYE (Évangile selon Luc) 12:49

Maa da kyɛ dia lɛ tɛrɛ la yé dé é nyaa bile nya ’naan, ’té maa a mɛ fɛ va é ziin?

Kelewenu 16:26

Tɔɔn yé tɛrɛ manyɔɔn plɛplɛ fɔɔ yé bokɔn gane manyɔɔn. A bléyi duo nya, kɔn lɛ faa so yé bokɔngimunu faa ma gɔgɔbalenu kini.

Kelewenu 4:31

Wo nyaa bazorole nya aan wo, fɛana lé wo ke é zénle ékeva, a ma nyɔɔn, yé Léli Sauun wo faa kun yé wo Kazambale dére fe wo bli tadɔle plɛplɛ nya.

Wegɔɔnle 11:13

’Bɛ bléyi va, tɛrɛ ma é dan nyɔɔn lɛ blɛɛn, yé dé flakɔnbale a vu a bale do guru é zanaan a gi, yé a sɔraziɛn é voo; tɛrɛ manyɔɔnle ’ko é dan mi baa yaa wuru soru gyɛ lɛ, yé mi pɔnénu gi nyɛ é dan kini lɛ yé wo dan la gi Bale tɔ bɔ lɛ.

Wegɔɔnle 11:19

Balebangikɔn lé é ke la gi, a lɛ so yé munu gipawe pagikɛsu ye Balebangikɔn gi. Lɛɛ yuɛ wuo vɔ yé dérenu we, zagelenu ban yé tɛrɛ manyɔɔn, yé goowɔlɛlɛɛ plɛplɛ da.

Wegɔɔnle 4:5

Webleblin éé lɛɛ yuɛ wuo vɔa, ’té éé dérenu fé, ’té éé zagelenu baan. Kyɛbɔ sɔrafié lé wo ke Kazambale léli sɔrafié nya, wa bina plɛplɛ webleblin ’lɛ.

Wegɔɔnle 6:12

É zɔrɔkaanyɔɔ suiɛdozan bɔi aan wo, maa a naginina, yé tɛrɛ manyɔɔn blɛn, yé yiri kɛlɛ é ti bélé wikyɛɛ bɔlɔ zo, yé moné yara faa kɛlɛ bélé nyɛ zo,

Wegɔɔnle 8:3

Yé lanje bɛ da, yé ’bɛ dɔ balebanna ta, ’té lasikɔrɔ kyɛblégi kyanbɔ a ’bɛ lee; wo lasikɔrɔ kiɛre nɔ a lɛ, alé wo nɔle balebanna lé wa kɛlɛ kyan nya, ’té é ke lasikɔrɔ zé nya bɛ, ’té é ke fuablin ’lɛ, a ta we gi, é valé Kazambale lé munu faa lé bazorolenu nya.