Wegɔɔnle 7:2 - Kazambale lé Sebe Sauunu 1979

² Yé maa lanje bɛ ye, ’té ’bɛ si yirinwanazia Bale yuɛmale lé tɔmase gyɛfɛ nya é lee; é siaa plɛplɛ lanje ziɛn lé wa se kɛlɛ wo lɛ léé, ’wo wenyané kɛlɛ tɛrɛ valé wɛyi ma, wo lɛ, yé é léé:

Wegɔɔnle 7:2 ပူးပေါင်းရင်းမြစ်များ

2 Minwiinzannu 19:4

Dérenu lé Rabasaké a fe, ’té azan, Asirimunu nwiinzan a nwunvɔ Bale yuɛmale sɔnɔle we gi bɛ, dé Gakelebale, ilé Bale a ’maa? Dé Gakelebale ilé Bale é dan we lɛdɔ lɛ wo gi, dérenu lé é a ’ma, wo we maa? Bɛwemalé, ko pɔné kiéné lé ko vo ’ko, ’i bazoro ko tɔ ma.

Wegɔné Ma Lɛrɛ 8:6

An we ’é kɛlɛ i bli gi blɛn, ’I an gyɛ pɔɔ nya i bɛ la; Naa, sɔlɛle a plɛplɛ bélé gale zo, Maawole mi va a yuyu bélé migale nyanana zo; A fuu a a ta, bélé kyɛ lé, Bélé Gakelebale lé kyɛnɛnɛ zo.

Ézai 41:2

Mi lé éé tawoo wetegele kɛlɛle nya, De ɛ ’bɛzan nwa yirinwanaziaa? De ɛ bɛnnu pa a lee yé minwiinmunu pla a wuoo? De ɛ wolé gwɔunnu kɛlɛ vungoi zo, Yé é wolé sanu kɛlɛ ’sagoi lé fu éé goo a nya, a zoo?

Ézékiɛl 9:4

Gakelebale lé a lɛ léma: ’I gié Jérusalɛm woro dii yé munu lé woo bakinima flin woo, ’té munu lé bozowenu kɛlɛle éé wu vɔa wo ma bɛ, ’i tɔmase gyɛ wo yarapɛla.

Malasi 3:1

Ka ye, maa dan anlé nwunvɔzan pa lɛ zia; é dan zi ma’lɛrɛ lɛ an ’lɛ. Yé Mizan lé ka ke a naginina, é dan bɔra lɛ ka ma fiaa élé kɔn gi; gipawe dɛrɛ gizan lé ka bli bɔ a ma, yee lé é dan bɛoo bɛ; lai sunyanu lé Gakelebale ɛ fe.

Malasi 4:2

Naa, ka lé ka kanaan an tɔ lee, kalé we ma lé Mi Tegele é dan nwa lɛ bélé yiri zo, yé ka dan béli lɛ a bɛ wuo; ka dan bɔra lɛ yé ka dan fɔrɔ lɛ bélé diri palu do lé nénu zo.

Matio 16:16

Simɔn Piɛri a zi pa léé: Bii a Krist lé é ke Bale yuɛmale Be nya, a nya.

Matio 26:63

Naa, Jézu vo é tadɔle. Balebanmunu ’lɛzan lé a lɛ léé: Maa lé i lɛ Bale yuɛmalé tɔ gi léé, dé bii ɛ ke Kazambale Be Krist nya, ’bé fe ko lɛ.

WENÉNÉ LE JAN A GYE (Évangile selon Jean) 6:27

Té ka nyanama pa fɛblele lé é dan gié lɛ bɛ, ’bɛ lé we ma lo. ’Ka a pa yee lé é vo vole é yuɛma lé a glɛ ’ka lo, azé nya, alé we ma; yee lé maa blami Be é dan a nɔ lɛ ka lɛ. Naa, Tibale ézé tɔmase pa maa ɛ ma.

2 Korɛnt Munu 1:22

yee ɛ fɛ dɔ ko ma é ziin, yee ɛ fɛ pla ko ta é Léli nya.

Éfez munu 1:13

Ka é ziin, webozen dére lé é ke ka siéwegi Wenéné nya, ka a ’ma aan wo, ka bli vo a lɛ yé ka wɔra Krist gi, yé é fɛ dɔ ka ma Léli Sauun lé, wa nɔle we fe, a nya;

Éfez munu 4:30

Té ka Kazambale Léli ’namawe kɛlɛ lo, a nya lé Kazambale fɛ dɔ ka ma taboyi zé nya.

Bélidɔwesɛbɛ Fiézan 5:26

Naa, mi kyɛn ɛ Bale yuɛmale dére ’ma wefena kyɛ méléna, fɛan zo lé ’wa ’ma, a zo, yé azan vo é yuɛmaa?

1 Tɛsalɔnik munu 1:9

’Bɛna munu a ka tawe fena léé, ko go ka va yé ka ko si é zima yé ka nɔla Kazambale va yé ka sɔn vɔ miyilinu ma, Bale yuɛmale lé é ke Bale bozen nya, a bɔle we gi.

2 Timoté 2:19

Kazambale lé wegane a é vɔle gligli duowo; naa, a dɔgligli dérenu lé ke ’ko: munu lé wo ke Mizan zé nya, é wo dɔɔ; yé mian éé Mizan tɔ laan, ’é daan weple ma ma.

Ébrunu 12:22

Naa, ka a é biéle Siɔn gɔ sɔnɔ, Bale yuɛmale lé fla lé ke lagi Jérusalɛm nya koo, lanjenu kiɛre lé wo nɔnɔ ’léé ’ka lo, ’té wa fɛti kɛlɛna bɛ, woo koo,

Wegɔɔnle 1:3

A bléyi bɔ é pu, amalé mian éé sɛbɛ ’ko ta fé, é valé munuan woo balelawefele ’ko maan, yé wenu lé é ke é gyɛle sɛbɛ ta, ’té woo a ta tawoo bɛ, wo drɔɔ a é vole.

Wegɔɔnle 10:1

Maa lanje plɛplɛ do ye é ziin sina la gi; lati a zi lɛ sɔɔ, bɔmlɛ a a nwiin yé a yara a bélé yiri zo yé a ganenu a bélé kyɛnɛnɛ pɔrɔlɔ zo.

Wegɔɔnle 10:4

Zagele sɔrafié ban aan wo, maa a gona a gyɛna sɛbɛ la yé maa dére do ’ma la gi yé é léé: We lé zagele sɔrafié a fe ’wo banle nya, ’é vo i ’wuo gi; té bé gyɛ lo.

Wegɔɔnle 16:12

A suiɛdozan ’élé kana gi bliflile zén Yufrat yuu blɛn va. Yé yee yuu béli, zi plale minwiinmunu lé wo si yirinwanazia, wo ’lɛ we ma.

Wegɔɔnle 5:2

Yé maa lanje plɛplɛ ye, ’té éé siaan dére plɛplɛ nya léé: De ɛ lé sɛbɛ lɛ so yara léé? De ɛ lé zɔrɔkaanyɔɔ bɔi yara léé?

Wegɔɔnle 8:3

Yé lanje bɛ da, yé ’bɛ dɔ balebanna ta, ’té lasikɔrɔ kyɛblégi kyanbɔ a ’bɛ lee; wo lasikɔrɔ kiɛre nɔ a lɛ, alé wo nɔle balebanna lé wa kɛlɛ kyan nya, ’té é ke lasikɔrɔ zé nya bɛ, ’té é ke fuablin ’lɛ, a ta we gi, é valé Kazambale lé munu faa lé bazorolenu nya.

Wegɔɔnle 9:14

yé é lé lanje suiɛdozan lé, béli ke a lee, a lɛ léé: Lanje ziɛn lé wo ke é yerele Yufrat yuu blɛn ta, ’i wo fuo.

Wegɔɔnle 9:4

É lé wo lɛ léé: Té ka wenyané kɛlɛ tɛrɛ la lunu koo, blalaanu koo, yilinu koo, wo do ma lo, naa, munu lé Kazambale lé tɔmase ’ka wo yarapɛla lo, wo saa lɛ lé ’ka kɛlɛ.

1 Samuɛl 17:26

David lé é sɔnɔ munu lɛ léé: Mi lé é Filisiti mi ’ko gyɛ yé é yaragyɛwe si Izraɛl nwiin, wo dan a kɛlɛ lɛ kaa ’bɛzan lɛɛ? Filisiti mi ’ko, ganedɔlozan, de ɛ ke a nya yé é Bale yuɛmale lé sunyanu sɔnɔaan?

1 Samuɛl 17:36

’Bɛ zo lé i wuozan golizra valé urisi gyɛ yé Filisiti mi ’ko, ganedɔlozan ’ko, azé é dan kɛlɛ lɛ ’bɛ zo; é Bale yuɛmale lé sunyanu sɔnɔ, azama.