Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.
Kazambale bangikɔn valé miyilinu, ’bɛnu éé nanaan? Naa, ko a Bale yuɛmale lé kɔn nya, bélé fɛan zo lé Kazambale a fe, a zo. É léé: Maa dan nyana lɛ wo va, yé maa dan tawo lɛ wo méléna; maa dan kɛlɛ lɛ wolé Bale nya, yé wo dan kɛlɛ lɛ anlé munu nya.
’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.
Balebangikɔn lé é ke la gi, a lɛ so yé munu gipawe pagikɛsu ye Balebangikɔn gi. Lɛɛ yuɛ wuo vɔ yé dérenu we, zagelenu ban yé tɛrɛ manyɔɔn, yé goowɔlɛlɛɛ plɛplɛ da.
Yé yonufaatagɔné lé é wo saan, wa vuli kyɛ lé ke blɛn bélé gyankyɛ zo, ’té wo povun zén a va, a va, fɛana lé wi valé viébalelayezan ke, ana; yé wo dan nyané pa lɛ wo ta bladi nyanadi lɛɛfafama, a glɛ ’ka lo.
Maa webleblin yɔ do wɔlɛ ziɛn ye yee webleblin ’ko zi, ’té mi segele yɔ do wɔlɛ ziɛn a é nyanale ’bɛnu ta, ’té sɔ fu a wo ta yé kyankoronu a wo ’wuo ma.
Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.
’Bɛ zuo maa a naginina, yé bé ye, mi gu blɛn lé, wo si bɛntɛrɛ faa koo, bɛn do do faa koo, migɔnɔ do do faa koo, dére faa koo, wo gi, wo ana, yé mi do kpen ’ka bɔa wo nɔnɔle lɛ lo. Wo dɔ webleblin valé ’Blané ’lɛ, sɔ funu nya ’wo ta, ’té yɔlaanu a wo lee.