Wegɔɔnle 7:10 - Kazambale lé Sebe Sauunu 1979

¹⁰ ’Té woo siaan dére plɛplɛ nya léé: Bélile a kozé Bale lé é ke é nyanale webleblin ta, a lee, ’é valé ’Blané lee.

Wegɔɔnle 7:10 ပူးပေါင်းရင်းမြစ်များ

Lɛrɛvɔ Sɛbɛ 115:1

Gakelebale, té wo ko tɔ bɔ lo, té wo ko tɔ bɔ lo, Naa, bii ɛ tɔ lé wa bɔ ma, Ilé zin valé i yara pale we ta lé we ma.

Lɛrɛvɔ Sɛbɛ 3:8

Gakelebale, ’i nwa. Anzé Bale, ’i an si we gi. Naa, i an nyanézannu faa blin gya, I mi plenu suiɛnu yélié.

Lɛrɛvɔ Sɛbɛ 37:39

Mi tegelenu sile we gi éé sié Gakelebale va; É a wo takuunzan nya wolé kleblebléyi va.

Ézai 43:11

Maa, maa ɛ ke Gakelebale nya, Yé dé é ’ka maa nya lo, misiéwegizan bɛ ’ka lo.

Ézai 45:15

Naa, Izraɛl lé Bale, Misiéwegizan, Bii a Bale lé ébo yɔɔan, a nya.

Ézai 45:21

’Ka a lɛ kini wo lɛ, yé ’ka da wo nya. ’Wo we pla wo ke lɛ ma. De ɛ we ’konu lɛ kini a pélisia bléyi va, Yé ana mɔn ’té éé wo zana dɔɔan? Maa Gakelebale kaan loo? Dé é ’ka maa nya lo, Bale bɛ ’ka lo, Bale tegele lé éé mi bélié, maa do kpen ɛ ke a nya.

Jérémi 3:23

Iin, vunwelenu lé woo sié gɔpanénu valé gɔnu nwiin, wa vié nya. Iin, Gakelebale kolé Bale ɛ ke Izraɛl munu siéwegizan nya.

OZÉ (Osée) 13:4

Naa, maa, é sia ka sile ma Éjipiti tɛrɛ la, maa a Gakelebale, kalé Bale nya. Dé é ’ka maa nya lo, ka ’ka Bale bɛ dɔɔa lo; dé é ’ka maa nya lo, ka siéwegizan bɛ ’ka ana lo.

Jonas 2:9

Munu lé wo ’wobo yere boamiyili ma, Wo ’wobo si mi lé éé zin kɛla wo lɛ, a ma.

Zakari 4:7

Bii gɔ blɛn, i a mɛ fɛ nya Zorobabɛl ’lɛɛ? É dan i na bɔ lɛ ékema. É dan kɔnsun gɔlɛ vɔ lɛ, ’té munu éé siaan léé: Gɔlɛ ’ko ’é vo anaoo na! É a é zimaoo é zima!

Zakari 9:9

Siɔn munu, ka gi ’é nana. Jérusalɛm munu, ’ka siaa ginanale nya. Ka yua, ka nwiinzan blɛn a dana ka va; É a tegele yé guliwuo a é vole a lee, É a bo kiénézan nya, yé é a é vɔle sokofale punu, Sokofale tina lé né punu.

WENÉNÉ LÉ LUK A GYE (Évangile selon Luc) 3:6

Yé mi faa é dan Bale lé mibélile ye lɛ.

WENÉNÉ LE JAN A GYE (Évangile selon Jean) 1:29

’Bɛ é tu kini, Jan Jézu ye dana ’é va, yé é léé: Kazambale lé ’Blané lé éé munu lé wenyané sié wo lee, yee lé é dan bɛ.

WENÉNÉ LE JAN A GYE (Évangile selon Jean) 1:36

yé dé Jézu a giéna Jan a nagini, yé é léé: Kazambale lé ’Blané lé é ke bɛ.

WENÉNÉ LE JAN A GYE (Évangile selon Jean) 4:22

Fɛ lé ka ’ka a dɔɔa lo, yee lé ka bɔa; naa, ko, fɛan ko dɔɔ, yee lé ko bɔa. Naa, mi sile we gi éé sié Juifinu va.

Éfez munu 2:8

Bale lé zin ma lé é ka si we gi, ka blipale a lɛ we ma, yé we ’ko ’ka si lɛ ka va lo; Kazambale lé blɛ lé.

Wegɔɔnle 12:10

Yé maa dére plɛplɛ ’ma la gi, yé é léé: Bélile koo, kozé Bale lé plɛplɛ valé alé plale munu nwiin koo, alé Krist lé se koo, wo bléyi bɔ sin, naa, ko bwenu tɔfezan, mi lé éé wo tɔ fé kozé Bale lɛ bladi nyanadi, wa vuli, azama.

Wegɔɔnle 19:1

’Bɛ zuo, maa vun do ’ma la gi bélé mi gu blɛn dére plɛplɛ zo, ’té éé siaan léé: Aléluya! Mi sile we gi koo, tɔbɔle koo, plɛplɛ koo, wa kolé Bale zé nya;

Wegɔɔnle 21:5

Yé webleblin tazan léé: Bé ye, maa fɛnu faa kɛlɛ fɛ dɛrɛnu nya. Yé é léé: ’Bé gyɛ ma, naa, we ’ko a sɔbɛlawe nya yé é a webozen nya.

Wegɔɔnle 22:3

Balepale ’ka é dɛrɛ lo. Kazambale valé ’Blané lé webleblin é dan kɛlɛ lɛ fla; a wuomunu é dan a bɔ lɛ,

Wegɔɔnle 4:6

Yé fɛ do a é ziin webleblin ’lɛ; é a bélé wɛyi zo, naa, ’yi kaan lo, é a bélé vlinvlin zo, bélé vlinvlin wezan lé, woo yɛrɛ yé a zi, a zo. Fɛ yuɛmalé ziɛn ana webleblin zi, a bɛ ziɛn la; wo ’lɛzia valé wo zuozia a é sɔɔlale yuɛnu nya.

Wegɔɔnle 5:7

É da, yé é sɛbɛ si webleblin tazan bɛyi lee.