Wegɔɔnle 7:1 - Kazambale lé Sebe Sauunu 1979

¹ ’Bɛ zuo, maa lanje ziɛn ye é dɔle tɛrɛ sun ziɛn ta; wo kun tɛrɛ la fu ziɛn ma, té fu ’é gié tɛrɛ koo, wɛyi koo, yilinu koo, wo ma lo we gi.

Wegɔɔnle 7:1 ပူးပေါင်းရင်းမြစ်များ

Ézai 11:12

É dan drapo nwa lɛ bɛnnu zé nya; Izraɛl munu lé wo ke lulazannu nya, é dan wo zén lɛ ékeva, yé Juda munu lé wo ke é sɔɔlale, é dan wo si lɛ tɛrɛ glɛ ziɛn sina yé é wo faa zén ékeva.

Ézai 27:3

Maa, Gakelebale, maa ɛ ke a tabinzan nya. An ’yi zén‐é a ta bléyi faa va, an yuɛ paan a va é yiéyi valé é béli, dé wo da a sɛrɛ.

Ézai 27:8

Gba, é we lɛdɔ wo gi wo vole lula nya; é go wo nya yirinwanazia fu plɛplɛ giéle nya.

Jérémi 49:36

Fu ziɛn lé woo sié la glɛ sina ziɛnna, maa dan wo laa lɛ Élam munu ma. Maa dan wo faa kini lɛ ékema fu ’konu nya, yé Élam munu lé wo fwi, bɛn lé wo ’ka dan bɔ lɛ a gi lo, ’bɛ bɛn ’ka lo.

Ézékiɛl 37:9

É lé an lɛ léma: ’I balelawe fe, ’i we fe léli lɛ. Blami be, ’i balelawe fe, yé bé fe léli lɛ léma: Mizan Gakelebale léma: Léli, ’i si fu ziɛn gi, ’i fu fɛɛ mi gale ’konu ta, yé ’wo nwa é yuɛma é ziin.

Ézékiɛl 7:2

Yé bii blami be, Mizan Gakelebale we fe Izraɛl tɛrɛ ma léma: Ka ye, a nyaana lo. Izraɛl lé tɛrɛ faa zé nyaana lo.

Daniɛl 11:4

A kɛlɛle blɛn zuo, alé plale mi nwiin é dan sɛrɛ lɛ, yé a gi é dan bɔi lɛ lagi fu ziɛn vazia. É ’ka dan kɛlɛ lɛ a kulunu zé nya lo, yé alé plɛplɛ ta é dan zana lɛ. Naa, wo dan a kini lɛ ékema, yé é dan kɛlɛ lɛ mi bɛnu zé nya.

Daniɛl 7:2

Daniɛl wefele péli sia yé é léé: Yuɛziwenu lé maa wo ye é béli, maa a wo naginina aan wo, yé bé ye, lagi fu ziɛn wɛyi blɛn nwa fiaa.

Daniɛl 8:8

Boligɔné lé plɛplɛ gi gyɛ é baba, naa, dé alé plɛplɛ lɛ sɔɔ, a béli blɛn yéli. Yé a béli blɛn ziɛn bɔra a pa gi, yé wo yara dɔ fu sina ziɛnna.

Jonas 1:4

Naa, Gakelebale fu plɛplɛ gié wɛyi ta, yé fu blɛn kun giéle ma wɛyi ta. Yé é vo sɛ yé ’yitagoro é zana.

Zakari 6:1

An yuɛ vɔ loru é ziin yé maa nagini, ’té gulidangoro ziɛn a bɔrana gɔ blɛn fié méléna; gɔ ’konu a zénégɔnu nya.

Zakari 6:5

Lanje a zi pa an lɛ léma: Lagi fu ziɛnnu lé woo bɔraan fɛana lé wo ke é dɔle Tɛrɛfaazan ’lɛ ana bɛ, wo lé.

Matio 24:31

Yé maa dan anlé lanjenu nwunvɔ lɛ béli fɛnle nya, yé munu lé maa wo si a va anzé nya, lanjenu é dan wo si lɛ tɛrɛ sun ziɛn ta, é sia la glɛ sina fɔɔ yé é bɔ la glɛ koɛ ma.

Maak 13:27

Yé maa dan anlé lanjenu nwunvɔ lɛ yé munu lé maa wo si a va anzé nya, maa dan wo si lɛ tɛrɛsun ziɛn ta, é sia tɛrɛ glɛ sina fɔɔ yé é bɔ la glɛ sina yé maa wo zén ékeva.

Wegɔɔnle 20:8

É dan bɔra lɛ yé ’é go tɛrɛ faa la bɛnnu saanle we ma; Gɔg valé Magɔg tɛrɛlamunu lé, yé é wo zén ékeva gulidanle we gi; wo ’léé a bélé wɛyi gɔɔn ma nyéné zo.

Wegɔɔnle 6:6

Maa dére do ’ma fɛ yuɛmale ziɛn meléna yé é léé: Buruwɔlɛ kana nya do dénié do; sɔnmlén kana nya yaa dénié do; té i nyɔnɔ valé dɔrɔ sɛrɛ lo.

Wegɔɔnle 7:3

Té ka wenyané kɛlɛ tan tɛrɛ koo, wɛyi koo, yilinu koo, wo ma lo, fɔɔ ko tɔmase gyɛ kozé Bale wuomunu yarapɛla.

Wegɔɔnle 8:7

A vininzan béli fɛn, yé goowɔlɛlɛɛ valé kyɛ lé ke é vɔɔle nyɛ nya, wo wo vuli tɛrɛ va; yé tɛrɛ fén yaazan kyɛ ble, yé tɛrɛ faa la, yili yaa yaa va, yili do do kyɛ ble, yé lu drɔɔdrɔɔ faa kyɛ ble.

Wegɔɔnle 9:14

yé é lé lanje suiɛdozan lé, béli ke a lee, a lɛ léé: Lanje ziɛn lé wo ke é yerele Yufrat yuu blɛn ta, ’i wo fuo.

Wegɔɔnle 9:4

É lé wo lɛ léé: Té ka wenyané kɛlɛ tɛrɛ la lunu koo, blalaanu koo, yilinu koo, wo do ma lo, naa, munu lé Kazambale lé tɔmase ’ka wo yarapɛla lo, wo saa lɛ lé ’ka kɛlɛ.