Wegɔɔnle 6:8 - Kazambale lé Sebe Sauunu 1979

⁸ Maa a naginina yé bé ye, kyɛyee wisoo bɔra. Wo atazan tɔ laama ga, yé gamunu nyanana a a va. Wa se kɛlɛ wo lɛ léé, ’wo tɛrɛ fén ziɛnzan tamunu gyɛ, gwɔun koo, lɔrɔ koo, migyɛgyɛ koo, bwigiwinu koo, wo nya.

Wegɔɔnle 6:8 ပူးပေါင်းရင်းမြစ်များ

Wegɔnévɔlenu 5:5

A gane éé zunwo ga vazia, a gane pa éé bɔa gamunu nyanana.

Ézai 25:8

É dan gale yi ga lɛ lɛɛ faa zé nya ’té; Mizan Gakelebale é da mi faa yuɛyi si lɛ ’wo yara nuu; é dan yaragyɛwe si lɛ élé munu ’wuo ma tɛrɛ faa la. Naa, Gakelebale ɛ fe, azama.

Jérémi 14:12

Dé wo lɔrɔ sɔn‐oo, maa ’ka dan an tɔné dɔ lɛ wolé welaadére lɛ lo. Dé wo wi kyɛ ble an lɛoo, dé wo blɛ kɛlɛ an lɛoo, maa ’ka dan ’bɛ ban‐ɛn ble lɛ lo; naa, é sɔ an lɛ léé, maa wo kulu ga, gwɔun koo, lɔrɔ koo, migyɛgyɛ koo, wo nya.

Jérémi 16:16

Gakelebale léma: Ka ye, maa dan pɔgyɛmunu kiɛre pa lɛ zia yé wo dan munu ’ko si lɛ bélé pɔgyɛle zo; yé ’bɛ zuo maa dan lupazannu kiɛre pa lɛ zia yé wo dan munu ’ko mavɔɔ lɛ, gɔ blɛnnu faa koo, gɔpanénu faa koo, gɔlɛ blɛnnu féngyɛle koo, wona.

Jérémi 16:4

Gyɛ é dan wo gyɛ lɛ yé wo ga; wo ’ka dan wo wuvɔ lɛ lo, wo ’ka dan wo pa lɛ lo; wo dan kɛlɛ lɛ bélé wibo zo tɛrɛ la; wo dan zamaga wo lɛ gwɔun valé lɔrɔ nya, yé wo galenu é dan kɛlɛ lɛ lagi mianénu valé tɛrɛlawinu lé fɛblele nya.

Jérémi 24:10

Gwɔun koo, lɔrɔ koo, migyɛgyɛ koo, maa dan wo pa lɛ wo lɛ zia, fɔɔ yé wo ta é saan tɛrɛ lé maa a nɔ wo valé wo tranu lɛ, a ta.

Jérémi 29:17

Ka ye, gwɔun koo, lɔrɔ koo, migyɛgyɛ koo, maa dan wo pa lɛ wo lɛ zia yé munu ’ko é dan kɛlɛ lɛ é naané bélé bɔrɔyiliporonu lé wa naané é baba yé mi ’ka bɔa wo blele lɛ lo, wo zo.

Jérémi 43:11

É dan da lɛ yé é dan Éjipiti munu bla lɛ; munu lé wozé ke ga nya, ’wo ga ma, munu lé wozé ke luubale nya, ’wo kɛlɛ luubale gi ma, yé munu lé wozé ke gwɔun nya, ’wo wo gyɛ gwɔun nya ma.

Ézékiɛl 29:5

Maa dan i dia lɛ bwi gi, bii valé ilé yuunu va pɔ faa nya. I dan dia lɛ féinu ta; wo ’ka dan i nwa lɛ lo yé wo ’ka dan i sia lɛ lo. Maa dan i nɔ lɛ fɛblele nya tɛrɛlawinu valé lagi mianénu lɛ.

Ézékiɛl 5:12

Bawurumagyɛ é dan ka va munu lɛ do gyɛ lɛ yé wo dan ga lɛ lɔrɔ nya ka méléna; yé maa dan mi lɛ do gyɛ lɛ gwɔun nya i zi, yé maa dan mi lɛ do nwɛɛn lɛ fɛfaana, yé maa dan ’bɛnu zuo bin lɛ gwɔun nya.

OZÉ (Osée) 13:14

Maa dan wo si lɛ gamunu nyanana lé plɛplɛ lee; maa dan wo si lɛ ga boen lee. Gaoo ga, ilé bawurumagyɛ a kyɛɛn? Gamunu nyanana, ilé mi guru zanale a gi a kyɛɛn? Naa, maa ’ka wo bli nɔlale yé lo.

Abaku 2:5

Boblɛnzan ’ka nyanaan flee lo; é a bélé mi lé nwɛ a gyɛ, ’té éé dére blɛnblɛnnu fé, a zo. Éé ’léé siélaan bélé mivun lɛ sole zo. É a bélé gale zo, é ’ka kaan pelo. Éé bɛngɔnɔnu faa ganaan ’é va, éé migɔnɔ faa zén‐é ékeva é punma.

Zakari 6:3

yé a funu ɛ ke goro yaazan ma, yé a zorozowisoonu ɛ ke a ziɛnzan ma.

Matio 11:23

Yé ’kaa Kapɛnaum munu, ka dan nwa lɛ fɔɔ la gii? Gba. Ka dan zun lɛ gamunu nyanana, naa, gyɛzorowenu lé maa a kɛlɛ ka méléna, dé é vo léé, maa a kɛlɛ Sɔdɔm, ’té é ana tan kyɔ.

Matio 24:7

Bɛn do é dan nwa lɛ bɛn do ma, yé bɛntɛrɛ do é dan nwa lɛ bɛntɛrɛ do ma, yé lɔrɔ é dan dɔ lɛ yé tɛrɛ ma é dan nyɔɔn lɛ fɛ kena.

1 Korent munu 15:55

Oo gale, izé guliwuo a kyɛɛn? Oo gale, i furu a kyɛɛn?

Wegɔɔnle 1:18

An ga, yé maa lo, maa a é yuɛma sin lɛɛfaama, a glɛ ’ka lo. Yé ga valé gamunu nyanana lé lakléwɔlɛnu a maa ɛ lee.

Wegɔɔnle 12:4

Lagi monénénu faa va, dé monéné a yaa, dragɔn woli a do ganaan a va, yé é a vuli tɛrɛ va yé a fié é voo. Yee dragɔn a é dɔle lezan lé é ke né yaana bɛ, a ma, léé, dé é né yaa tɔɔn yé ’é alé né mini.

Wegɔɔnle 9:15

Yé lanje ziɛn lé wo ma’lɛrɛle nyaa, lɛrɛ koo, yi koo, moné koo, lɛɛ koo, wolé we ma, wo wo fuo léé, mi faa va, wo mi yaa yaa va mi do do gyɛ.

Wegɔɔnle 9:18

Kyɛ koo, kyɛgoi koo, povun kyɛ koo, fɛ yaanu lé wo ke sina wo ’léé bɛ, wo nya lé, dé mi a yaa, wa do gya yé a fié éé voo.