Wegɔɔnle 6:14 - Kazambale lé Sebe Sauunu 1979

¹⁴ La go, bélé sɛbɛ lé wo ke a plinna, a zo; yé gɔnu faa valé wɛyi worona tɛrɛnu si ’wo dɔna.

Wegɔɔnle 6:14 ပူးပေါင်းရင်းမြစ်များ

Lɛrɛvɔ Sɛbɛ 102:26

Bii ɛ tɛrɛ kɛlɛ é kyɛn, Yé lagi a i bɛ panyanama nya.

Ézai 34:4

Lai sunyanu faa kini ékema; lanu plin bélé saa zo, yé wolé sunyanu faa dia bélé dɔrɔlaa zo, bélé bɔrɔyili laa zo.

Ézai 54:10

Dé gɔblɛnnu go baa, Dé gɔpanénu ma nyɔɔn, I va sɔlɛle ’ka sié an gi pelo, Yé anlé gipawe lé ke ka vole drɔɔ nya, é ’ka dan sɛrɛ lɛ pelo. Gakelebale lé a nyanai éé zén‐é i ta, yee ɛ fe.

Jérémi 3:23

Iin, vunwelenu lé woo sié gɔpanénu valé gɔnu nwiin, wa vié nya. Iin, Gakelebale kolé Bale ɛ ke Izraɛl munu siéwegizan nya.

Jérémi 51:25

Gakelebale léma: Bé ye, bii Babilɔn, migyɛgɔ, bii lé i tɛrɛ faa sɛrɛ, maa a i ma. An dan an bɛ soi lɛ i ma; maa dan i burula lɛ yé i si gɔlɛgɔnu nwiin, yé maa i kɛlɛ gɔ lé kyɛ a ble, a nya.

Ézékiɛl 38:20

Wɛyi va pɔnu valé lagi mianénu koo, bwigiwinu valé tawoplɛlawinu faa koo, tɛrɛlamunu faa koo, wo ma é dan nyɔɔn lɛ; gɔ blɛnnu é dan dia lɛ, gɔlɛ blɛnnu é dan dia lɛ, yé flagɔrɔ faa é dan zana lɛ.

Naum 1:5

Gɔnu ma éé nyɔɔn‐an a ’lɛ, Gɔpanénu ’yi éé boo, Tɛrɛ éé wuo vɔa a yuɛ va, Tɛrɛ valé é ta munu nya.

Abaku 3:10

Gɔnu a ye tɔɔn, yé wo ma nyɔɔn; ’Yiyoro plɛplɛnu éé goo vlan; Guru blɛn lé a wɔlɛ ma nyaana ’ka lo, a gi éé wé, Éé bɛnu nwaan loru.

Abaku 3:6

Éé dɔa; yé éé tɛrɛ daan é yuɛ nya, Éé bɛngɔnɔnu naginian, yé wo ma éé nyɔɔn‐an. Gɔnu lé wo lɛɛ ’ka lɛɛ va lo, woo ’wiié, Gɔpanénu lé wo namɔn, wo ta éé zanaan; Vinin la zinu éé plaan a ’lɛ.

2 Piɛri 3:10

Mizambale lé yi é dan bɔ lɛ bélé kyeenwozan zo; yi ’ko nya lanu é dan gié lɛ é vun wele blɛn nya; fɛnu faa lé Bale wo kɛlɛ é wɔlɛnu nya, wo ’yi é dan bo lɛ kyɛ plɛplɛ baba lé we ma, yé tɛrɛ valé é tafɛnu yee é dan bo lɛ.

Wegɔɔnle 16:20

Wɛyi worona tɛrɛnu faa fwi yé wo ’ka gɔnu ye lɛ é dɛrɛ lo.

Wegɔɔnle 20:11

A zuo maa webleblin fu blɛn valé étazan ye. Tɛrɛ valé la fwi a lee baa, yé wo dɔna ’ka é dɛrɛ lo.

Wegɔɔnle 21:1

A zuo maa la dɛrɛ valé tɛrɛ dɛrɛ ye, naa, la vinin valé tɛrɛ vinin san, yé wɛyi ’ka ana é dɛrɛ lo.