Wegɔɔnle 6:12 - Kazambale lé Sebe Sauunu 1979

¹² É zɔrɔkaanyɔɔ suiɛdozan bɔi aan wo, maa a naginina, yé tɛrɛ manyɔɔn blɛn, yé yiri kɛlɛ é ti bélé wikyɛɛ bɔlɔ zo, yé moné yara faa kɛlɛ bélé nyɛ zo,

Wegɔɔnle 6:12 ပူးပေါင်းရင်းမြစ်များ

Ézai 24:23

Yara é dan moné gyɛ lɛ, yaragyɛwe é dan bɔ lɛ yiri ma; naa, lai sunyanu lé Gakelebale é dan pla lɛ munu nwiin Siɔn gɔ la, Jérusalɛm, ’té alé fuasan éé bié planplan alé mi segelenu yuɛ va.

Ézai 29:6

Lai sunyanu lé Gakelebale é dan da lɛ ka va, ’té zagelenu éé baan, ’té tɛrɛ ma éé nyɔɔn‐an yé ’té vun blɛn éé wé, ’té barikoko valé fu blɛnblɛn éé giéan, ’té kyɛnɛnɛ éé fɛnu blé.

Ézai 34:4

Lai sunyanu faa kini ékema; lanu plin bélé saa zo, yé wolé sunyanu faa dia bélé dɔrɔlaa zo, bélé bɔrɔyili laa zo.

Ézai 50:3

Maa gunu dɔraan lanu gi, Yé maa gyɛbosɔ zén wo ta.

Joɛl 2:10

Tɛrɛ ma éé nyɔɔn‐an wo ’lɛ, Lanu ma éé nyɔɔn‐an, Gunu éé dɔraan yiri valé moné yara, Monénénu éé daan bile ma.

Joɛl 3:15

Gunu é dan dɔra lɛ yiri valé moné yara, Yé monénénu é dan daan lɛ bile ma.

Amɔs 1:1

Trubɛ tabinmunu lé wo ke Tékoa, wo vazan do lé wa laama Amɔs, é Izraɛl lé we ye yuɛzi gi Juda nwiinzan blɛn Ozias valé Izraɛl munu nwiinzan blɛn Joas be Jéroboam bléyi va, ’té é vo lɛɛ fié yé tɛrɛ ma é nyɔɔn.

Amɔs 8:9

Mizan Gakelebale léma: ’Bɛ yi nya, maa dan yiri vɔ lɛ é yiéyi, yé gunu é dan dɔra lɛ tɛrɛ la yiéyi bléyi va;

Zakari 14:5

Ka dan vɔ lɛ flii, anlé gɔ ’konu worona, naa, gɔworona ’ko é dan go lɛ fɔɔ yé é bɔ Azɛl; fɛan zo lé ka fwi tɛrɛ manyɔɔnle lee Juda nwiinzan blɛn Ozias bléyi va, ka dan fwi lɛ a zo. Yé Gakelebale anlé Bale é dan da lɛ élé mi sauunnu faa nya é va.

Matio 11:21

Korazɛn munu, ka gale nyɔ. Bɛtsaida munu, ka gale nyɔ. Gyɛzorowenu lé maa a kɛlɛ ka méléna, dé é vo léé, maa a kɛlɛ Tii valé Sidɔn, ’té ana munu ’wo bli nɔla namɔn é kwakwa, bɔlɔ valé kyɛyee zénle nya ’wo ta.

Matio 24:29

Naa, ’bɛ nyanébleyi ’konu zuo tɔɔn, gunu é dan dɔra lɛ yiri yara, yé moné ’ka dan bi lɛ é dɛrɛ lo, yé monénénu é dan si lɛ la gi yé wo dia, yé lanu gi fɛ plɛplɛnu ma é dan nyɔɔn lɛ.

Matio 24:7

Bɛn do é dan nwa lɛ bɛn do ma, yé bɛntɛrɛ do é dan nwa lɛ bɛntɛrɛ do ma, yé lɔrɔ é dan dɔ lɛ yé tɛrɛ ma é dan nyɔɔn lɛ fɛ kena.

Matio 27:45

É sia yiéyi yiri ma, ’té gunu a é dɔrale tɛrɛ faa la fɔɔ yé é bɔ yiri tɛnlale plɛplɛ ma.

Matio 27:54

Sunyayɔsoru ’lɛzan valé munu lé wo ke a va yuɛ pana Jézu ta, dé wo tɛrɛ ma nyɔɔnle ye, é valé we lé é bɔ bɛ, a nya, wo gi nyɛ blɛn kini yé wo léma: Mi ’ko a Bale Be nya webozen nya.

Matio 28:2

Tɔɔn, tɛrɛ ma nyɔɔn plɛplɛ yé Mizambale lé lanje do si la gi yé é gɔlɛ ’ko burula yé é nyana a ta.

Maak 15:33

Yiéyi pa aan wo, gunu dɔra tɛrɛ faa la fɔɔ yili tɛnlale plɛplɛ nya.

Wegɔɔnle 11:13

’Bɛ bléyi va, tɛrɛ ma é dan nyɔɔn lɛ blɛɛn, yé dé flakɔnbale a vu a bale do guru é zanaan a gi, yé a sɔraziɛn é voo; tɛrɛ manyɔɔnle ’ko é dan mi baa yaa wuru soru gyɛ lɛ, yé mi pɔnénu gi nyɛ é dan kini lɛ yé wo dan la gi Bale tɔ bɔ lɛ.

Wegɔɔnle 16:18

Yé lɛɛ yuɛ wuo vɔ, ’té dérenu éé wé, ’té zagelenu éé baan, ’té tɛrɛ ma éé nyɔɔn‐an. É sia mi bɔrale tɛrɛ la ma, ’bɛ zoɛ tɛrɛ ma ’ka tan nyɔɔn lɛ do lo.

Wegɔɔnle 16:8

A ziɛnzan ’élé kana gi bliflile zén yiri ta. Yé wa se kɛlɛ yiri lɛ léé, ’é munu kyɛ ble;

Wegɔɔnle 8:12

Lanje ziɛnzan béli fɛn yé é yiri fén yaazan diri yé é moné fén yaazan diri, yé é monéné yaa yaa va monéné do do diri, yé fɛna fu ta yuo vɔ sɛ, yé béli gunu taa dɔra.

Wegɔɔnle 8:5

Yé lanje lasikɔrɔ kyɛblégi kyanbɔ si, yé é a fan balebanna ta kyɛ nyɛ nya yé é a vuli tɛrɛ va. Yé dérenu we, ’té zagelenu éé baan, ’té lɛɛ éé yuɛ wuo vɔa, ’té tɛrɛ ma éé nyɔɔn‐an.