Wegɔɔnle 5:9 - Kazambale lé Sebe Sauunu 1979

⁹ Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;

Wegɔɔnle 5:9 ပူးပေါင်းရင်းမြစ်များ

Lɛrɛvɔ Sɛbɛ 144:9

Oo Bale, an dan lɛrɛ dɛrɛ vɔ lɛ i lɛ, Maa dan i tɔ kɛlɛ lɛ blɛn kpélé lé a wɔlɛ ke vu, a nya.

Lɛrɛvɔ Sɛbɛ 149:1

’Ka Gakelebale tɔ zin fe. ’Ka lɛrɛ dɛrɛ vɔ Gakelebale lɛ. ’Kaa yarapawelazannu lé ka ke é zénle ékeva, ’ka a tɔ zin fe lɛrɛvɔle nya.

Lɛrɛvɔ Sɛbɛ 33:3

’Ka lɛrɛ dɛrɛ vɔ a lɛ. Kalé lɛrɛvɔafɛnu valé ka dérenu, ’wo wo ’ma ma.

Lɛrɛvɔ Sɛbɛ 40:3

É an gana zamagawo guru gi, Voli wɔlɛ ma; Yé é an dɔ gɔlɛ ta, Yé é anlé tawole dɔ plɛplɛ

Lɛrɛvɔ Sɛbɛ 96:1

’Ka lɛrɛ dɛrɛ vɔ Gakelebale lɛ. Ka faa lé ka ke tɛrɛlamunu nya,

Lɛrɛvɔ Sɛbɛ 98:1

Lɛrɛ lé. ’Ka lɛrɛ dɛrɛ vɔ Gakelebale lɛ. Naa, éé givuruwenu kɛla. É a plɛplɛ yé a ’lɛ a, amalé guliwuo vo a lɛ.

Ézai 42:10

’Ka lɛrɛ dɛrɛ vɔ Gakelebale lɛ; Ka lé ka tawoo wɛyi ta, ka lé ka nyanaan wɛyi sɔnɔ, Wɛyi worona tɛrɛnu valé wo tamunu, ’Ka a tɔbɔlɛrɛnu vɔ tɛrɛ glɛ faa sina.

Daniɛl 3:4

We zanadɔɔzan sia dére plɛplɛ nya léé: ’Kaa bɛngɔnɔnu koo, bɛnnu koo, dére faa vɔ munu koo, we lé wo ka béli dɔ a nya, yee lé ke ’ko:

Daniɛl 4:1

Minwiinzan blɛn Nébukanɛsaa lé bɛngɔnɔ faa koo, bɛnnu koo, dére faa do do vɔzannu lé woo nyanaan tɛrɛ faa la koo, wo lɛ léé: Ka drɔɔ ’é vo kiɛre ma.

Daniɛl 5:19

alé we ma lé bɛngɔnɔnu faa koo, bɛnnu koo, dére faa vɔmunu koo, woo kanaan a lee, ’té wo ma éé nyɔɔn‐an a ’lɛ. Dé é sɔ minwiinzan blɛn lɛ léé, é munuan wo gyɛ, éé wo gya; dé é sɔ a lɛ léé, é munuan vo é yuɛma, éé wo voo. Dé é sɔ a lɛ léé, é munuan wo tɔ nwa, éé a nwaan; dé é sɔ a lɛ léé, é munuan wo zun, éé wo zunwo.

Daniɛl 6:25

’Bɛ zuo, minwiinzan blɛn Darius sɛbɛ gyɛ bɛngɔnɔ faa koo, bɛnnu faa koo, dére faa do do vɔmunu koo, ’té woo nyanaan tɛrɛ faa la, wo lɛ léé: Ka vole drɔɔ gi ’é gyɛ é baba ma.

Matio 20:28

’Ko zo lé maa blami Be da. An ’ka da lɛ léé, munu an mawe kɛlɛ lo, an da munu mawe kɛlɛle we gi, ’bɛ valé an gale mi kiɛre tabofɛ nya we gi.

Matio 26:28

naa, é a an nyɛ nya; gipawe dɔ plɛplɛ nyɛ lé é zana mi kiɛre lé we ma, wo ma we vole wolé wenyanénu ma we gi, yee lé.

Kelewenu 20:28

Bɛwemalé, ’ka yuɛ pa kabozen valé trubɛ palu gimunu faa lé Léli Sauun ka kɛlɛ wo tabinzannu nya, wo va. Mizan lé léglizigimunu lé é wo lɔ ébo nyɛ nya bɛ, Bale ka kɛlɛ wo tabinzannu nya léé, ’ka fɛblele nɔ wo lɛ.

1 Korent munu 6:20

Wo ka lɔ fɛwezan blɛn nya. Bɛwemalé ’ka Kazambale tɔ bɔ ka kɔlɛ valé ka léli nya.

1 Korent munu 7:23

Wo ka lɔ fɛwezan nya. Té ka kɛlɛ munu lé luu nya lo.

Éfez munu 1:7

Jézu nya lé é kaa tabo, ’bɛ gi léé, a nyɛ nya, yé Bale kaa ma we vo kaalé wenyanénu ma.

Éfez munu 5:19

’Ka we fe ka ke lɛ Lɛrɛvɔsɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo vɔle nya. ’Ka lɛrɛ vɔ yé ’ka Mizan bɔ vɔ ka bli faa nya a tɔ zin fele nya.

Kolɔs munu 1:14

A Be kaa tabo, ’bɛ gi léé, Bale kaa ma we vo kaalé wenyanénu ma.

Kolɔs munu 1:23

’té dé ka suni wɔra yé ka tin blɛɛn blipale gi, yé we lé ka bli ke a lɛ Wenéné lé ka a ’ma, alé we ma, ’té ka bli ’ka sié ’bɛ lɛ monomono lo. Wenéné ’ko, wa fe tɛrɛlamunu faa lɛ, yé maa Pɔl, maa kɛlɛ a gi nyanamapazan nya.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Ébrunu 11:14

Munu lé wo ke we fena ’bɛ zo, wa nagɔɔnna léé, ’wa ’wo nyanatɛrɛ naginina.

2 Piɛri 2:1

Viébalelayemunu ana munu méléna é kyɛn, yé viéwe paamigizannu é dan kɛlɛ lɛ ka méléna é ziin, yé wo dan misaanwe paa lɛ munu gi, yé Mizan lé é wo tabo bɛ, wo dan sɔn vɔ lɛ ’bɛ ma, yé wo dan wobozen guru zana lɛ a gi fiaa.

1 Jan 1:7

Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.

1 Jan 2:2

Yeebozen kɛlɛ kaalé wenyané ’yibofɛ nya, kaa saa zé wenyané kaan lo, tɛrɛ faa la munu koo é ziin.

Wegɔɔnle 10:11

A zuo é lé an lɛ léé: É a lé i balelawe fe é ziin migɔnɔ kiɛrɛ koo, bɛntɛrɛnu koo, dérenu koo, minwiinmunu koo, wo ma we nya.

Wegɔɔnle 11:9

Migɔnɔnu koo, bɛnnu koo, dérenu koo, bɛntɛrɛnu koo, wo vamunu é dan wo galenu ye lɛ yi yaa é buu yé wo ’ka dan dɔ lɛ a nyi wuo léé, wo wo paan lo.

Wegɔɔnle 13:7

Wa se kɛlɛ a lɛ léé, ’é guli dan Kazambale lé munu va yé ’é wo kele. Yé bɛn faa koo, migɔnɔ faa koo, dére faa koo, bɛntɛrɛ faa koo, Bale a pla wo nwiin.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 14:6

Maa lanje do ye é ziin sina la méléna, ’té Wenéné lé é ’ka nyaan lo, é a a lee, a fele tɛrɛlamunu lɛ we gi, bɛntɛrɛ faa koo, bɛn faa koo, dére faa koo, migɔnɔ faa koo, woo lé.

Wegɔɔnle 15:3

Yé wo Kazambale wuozan Moizi lé lɛrɛ vɔ, yé wo ’Blané lé lɛrɛ vɔ yé wo léé: Mizambale, Plɛplɛfaazan, i kɛlɛwenu a blɛn yé wo tɔ a é bɔle. Bɛnnu nwiinzan, ilé zinu a tegele yé wa webozen nya.

Wegɔɔnle 17:15

Yé é lé an lɛ léé: ’Yinu lé bé ye, ’té gɔnégini le ke é nyanale wo ta bɛ, wa migɔnɔnu koo, mi gunu koo, bɛnnu koo, dérenu koo, wo nya.

Wegɔɔnle 4:11

Kozan, kozé Bale, i fɛnu faa kɛlɛ; ilé blibɔmale nya lé wo ke, yé wa é kɛlɛle, amalé kɛlɛle blɛn koo, tɔbɔle koo, plɛplɛ koo, ilé wo ye yara lé.

Wegɔɔnle 5:12

Wa fé dére plɛplɛ nya léé: ’Blané lé wa bɔrɔ bo, plɛplɛ koo, fua koo, wedɔɔle koo, gla koo, tɔbɔle koo, kɛlɛle blɛn koo, tɔzinfele koo, alé wo ye yara lé.

Wegɔɔnle 5:6

Webleblin koo, fɛ yuɛmale ziɛn koo, mi segelenu koo, maa ’Blané ye é dɔle wo méléna; é a bélé fɛan zo lé a bɔrɔ a é bole, a zo. A béli a sɔrafié, yé a yuɛ a sɔrafié, wo lé ke Kazambale léli sɔrafié lé é wo nwunvɔ tɛrɛ faa la, wo nya.