Wegɔɔnle 5:8 - Kazambale lé Sebe Sauunu 1979

⁸ É sɛbɛ si aan wo, fɛ yuɛmale ziɛn valé mi segele yɔ do wɔlɛ ziɛn dia ’wo bli ta ’Blané ’lɛ, ’té kɔnɔ valé kyankananu a wo lee do do, yé lasikɔrɔ lé é ke Kazambale lé munu lé bazorolenu nya, é a é fanle yee kananu nya.

Wegɔɔnle 5:8 ပူးပေါင်းရင်းမြစ်များ

Lɛrɛvɔ Sɛbɛ 141:2

Anlé bazorodére ’é kɛlɛ i yuɛ gi bélé lasikɔrɔ lé wa kyɛ blé, a zo ma, Yé ’i an bɛ nwale ye bélé nyanadi balebanle zo ma.

Lɛrɛvɔ Sɛbɛ 150:3

’Ka a tɔ zin fe béli fɛnle nya ma. ’Ka a tɔ zin fe kpélé gyɛle valé kɔnɔ gyɛle nya.

Lɛrɛvɔ Sɛbɛ 33:2

’Ka Gakelebale tɔ bié kɔnɔ gyɛle nya, ’Ka a tɔ bié, gitaa lé a bale ke vu, a nya.

Lɛrɛvɔ Sɛbɛ 43:4

An dan go lɛ Bale banna vazia, Bale lé éé an gi nanaan, ginanale lé éé giéan é glɛ la, a nya, a banna vazia. Baleoo, Bale, anlé Bale, maa dan i tɔ nwa lɛ kɔnɔ gyɛle nya.

Lɛrɛvɔ Sɛbɛ 81:2

’Ka lɛrɛ vɔ kolé Plɛplɛzan Bale lɛ, ginanale blɛn nya, ’Ka siaa ginanale nya Jakɔb lé Bale lɛ.

Mi Nɔnɔle 7:62

’yiminikana lé wa kɛlɛ kyan lé éé sikla vu sian, a nya, ’té é a é fanle lasikɔrɔ nya, é ’bɛ nɔ;

WENÉNÉ LE JAN A GYE (Évangile selon Jean) 1:29

’Bɛ é tu kini, Jan Jézu ye dana ’é va, yé é léé: Kazambale lé ’Blané lé éé munu lé wenyané sié wo lee, yee lé é dan bɛ.

WENÉNÉ LE JAN A GYE (Évangile selon Jean) 5:23

léé, fɛan zo lé woo an Ti tɔ bɔa, wo maa, a Be, tɔ bɔ a zo. Mi lé é ’ka maa Bale Be tɔ bɔa lo, an Ti lé é an pa zia, é ’ka ’bɛ tɔ bɔa lo.

Ébrunu 1:6

Yé é ziin, bléyian va lé élé né vininzan pa zia tɛrɛ la, é léé: Kazambale lé lanjenu faa a bɔ ma.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 15:2

Yé maa fɛ do ye, é a bélé wɛyi zo, ’té é a bélé vlinvlin wezan zo, yé é a bélé é a é vɔɔle kyɛ nya, yé wi koo, é yili koo, a tɔ lé nibiéro koo, munu lé wo wo kele, wa é dɔle yee vlinvlin wezan wɛyi ta, ’té Kazambale lé kɔnɔnu a wo lee.

Wegɔɔnle 15:7

Bale lé éé voo é yuɛma lɛɛfaama, kyankana sɔrafié lé é ke é fanle alé bliflile nya, fɛ yuɛmale ziɛn va mi do wo si yé é wo nɔ lanje sɔrafié lɛ.

Wegɔɔnle 19:4

Yé mi segele yɔ do wɔlɛ ziɛn valé fɛ yuɛmale ziɛn dia ’wo bli la yé wo webleblin ta Bale bɔ yé wo siaa léé: Amɛɛn! Aléluya!

Wegɔɔnle 4:10

’bɛ bléyi va mi segele yɔ do wɔlɛ ziɛn dia ’wo bli ta webleblin tazan ’lɛ, yé mi lé é ke é yuɛma lɛɛfaama, ’té ’bɛnu a bɔa. Yé wo ’wolé kyankoronu dia webleblin ’lɛ, yé wo léé:

Wegɔɔnle 4:4

Maa webleblin yɔ do wɔlɛ ziɛn ye yee webleblin ’ko zi, ’té mi segele yɔ do wɔlɛ ziɛn a é nyanale ’bɛnu ta, ’té sɔ fu a wo ta yé kyankoronu a wo ’wuo ma.

Wegɔɔnle 4:6

Yé fɛ do a é ziin webleblin ’lɛ; é a bélé wɛyi zo, naa, ’yi kaan lo, é a bélé vlinvlin zo, bélé vlinvlin wezan lé, woo yɛrɛ yé a zi, a zo. Fɛ yuɛmalé ziɛn ana webleblin zi, a bɛ ziɛn la; wo ’lɛzia valé wo zuozia a é sɔɔlale yuɛnu nya.

Wegɔɔnle 4:8

Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.

Wegɔɔnle 5:11

Maa a nagini yé maa lanje kiɛre dére ’ma, ’té wa webleblin koo, fɛ yuɛmalenu valé mi segelenu koo, wo zi, yé woo lanjenu ’léé a wuru é wuru baa kiɛre kiɛre nya, yé wo nɔnɔ ’léé ’ka lo.

Wegɔɔnle 5:12

Wa fé dére plɛplɛ nya léé: ’Blané lé wa bɔrɔ bo, plɛplɛ koo, fua koo, wedɔɔle koo, gla koo, tɔbɔle koo, kɛlɛle blɛn koo, tɔzinfele koo, alé wo ye yara lé.

Wegɔɔnle 5:14

Yé fɛ yuɛmale ziɛn léé: Iiin, é a a zo. Yé mi segelenu dia ’wo bli la, ’té woo Bale bɔa.

Wegɔɔnle 5:6

Webleblin koo, fɛ yuɛmale ziɛn koo, mi segelenu koo, maa ’Blané ye é dɔle wo méléna; é a bélé fɛan zo lé a bɔrɔ a é bole, a zo. A béli a sɔrafié, yé a yuɛ a sɔrafié, wo lé ke Kazambale léli sɔrafié lé é wo nwunvɔ tɛrɛ faa la, wo nya.

Wegɔɔnle 6:1

’Blané zɔrɔkaanyɔɔ sɔrafié va zɔrɔkaanyɔɔ do bɔi aan wo, ’té maa a naginian, yé maa a ’ma léé, fɛyuɛmale do we fe é dére nya bélé zagele banle zo yé é léé: ’I da.