Wegɔɔnle 5:5 - Kazambale lé Sebe Sauunu 1979

⁵ Mi segelenu va mi do lé an lɛ léé: Té i wuvɔ lo; bé ye, Juda bɛn lé golizra, David Punla, a ’wuo vo a lɛ, alé sɛbɛ lɛ sole valé zɔrɔkaanyɔɔ sɔrafié bɔile we gi.

Wegɔɔnle 5:5 ပူးပေါင်းရင်းမြစ်များ

1 Minwiinzannu 10:20

yé golizra vu ta fié a sikalié suiɛdo ta, bɛ fié la. Wo ’ka ’bɛ zo fɛ do kpen kɛlɛ lɛ tɛrɛ bɛ do kpen zé nya lo.

2 Minwiinmunu lé Wezuofe Sɛbɛ 9:18

Webleblin ’ko lé sikalié a suiɛdo yé a gane dɔrala kyan a é kuale webleblin ma, yé a gɔyili a a bɛ fié la.

JOB (Job) 41:15

A bli a plɛplɛ bélé gɔlɛ zo, É a plɛplɛ bélé ’woli wɔlɛ zo.

Ézai 11:1

Izai bɛ do é dan dɔ lɛ é ma bélé yilibɛ zo, yé a suni do é dan fɔn lɛ a ta.

Ézai 11:10

’Bɛ yi la, gɔn lé é fɔn Izai ma, É dan kɛlɛ lɛ drapo nya migɔnɔnu lɛ; Bɛnnu faa é dan nɔla lɛ a vazia, Yé fuasan é dan kɛlɛ lɛ a nyanana nya.

Jérémi 31:16

Gakelebale léma: ’Ilé wuvɔle sɔ, ’I yuɛyi si; Naa, Gakelebale léé, wo dan i kɛlɛwenu ma banwo lɛ; Munu é dan si lɛ wo nyanézannu lé tɛrɛ la yé ’wo da.

Daniɛl 7:16

Munu lé wo ke ana bɛ, an bié wo vazan do sɔnɔ, yé we lé é ke we ’konu faa va we zin nya, maa a gi laa a lee. É a gi fe an lɛ léé:

Mi Nɔnɔle 24:9

Éé zunwo ’é powuo ta, yé éé yiaan bélé golizra zo, bélé golizra tina zo. De ɛ dan a nwa lɛɛ? Dé miomian é i drɔɔ vo, ’bɛzan drɔɔ ’é voo; Yé dé miomian bale pa i ma, ’wo bale pa ’bɛzan ma.

WENÉNÉ LÉ LUK A GYE (Évangile selon Luc) 23:28

Jézu nɔla yé é lé wo lɛ léé: Jérusalɛm lomu, té ka wuvɔ maa ta lo; ’ka wuvɔ kabozen valé kalé nénu ɛ ta.

WENÉNÉ LÉ LUK A GYE (Évangile selon Luc) 7:13

Mizan lezan ye aan wo, a nyanai zén a ta yé é lé a lɛ léé: Té i wuvɔ lo.

WENÉNÉ LÉ LUK A GYE (Évangile selon Luc) 8:52

Munu faa a wuvɔna né zi ’té woo siaan. Yé Jézu léé: Té ka wuvɔ lo; é ’ka é gale lo, naa, é a yi gyɛna.

WENÉNÉ LE JAN A GYE (Évangile selon Jean) 20:13

Wo lé a lɛ léé: Lezan, mɛmalé i ke wuvɔnaa? É a zi pa wo lɛ léé: Wo anzan si yé fɛana lé wa pa, maa ’ka ana dɔɔa lo, azamalé.

Rom munu 1:3

Wenéné ’ko, Kozan Jézu Krist lé ke Kazambale Be nya, alé we lé; dé é a Jézu lé tɛrɛlakɔlɛ nya, wa yaa David kululazan nya,

Rom munu 15:12

Ézai lé é ziin léé: Izai punla é dan nɛɛ lɛ Yé é dan nwa lɛ yé é dan pla lɛ bɛnnu nwiin; Bɛnnu bli é dan vo lɛ yee ɛ lɛ.

Ébrunu 7:14

naa, kaa ye wéiin léé, Kaazan si Juda gɔnɔ gi; bɛn lé, Moizi ’ka a fe lɛ léé, balebannyanama a wozé nya lo, wo gɔnɔ gi lé é si.

Wegɔɔnle 1:1

We lé Kazambale a gɔɔn Jézu Krist lɛ, yee lé ke ’ko. Wenu lé wo bɔle ’ka vo lɛ baa lo, Kazambale a gɔɔn a lɛ, alé wo gɔɔnle é wuomunu lɛ we gi. É a nagɔɔn élé lanje nwunvɔle nya, maa a wuozan Jan lɛ.

Wegɔɔnle 22:16

Maa Jézu, maa anlé lanje nwunvɔ we ’konu lé we fele ka lɛ we gi, léglizinu gi. Maa ɛ ke David kulu valé a punla nya, bladi monéné bile nya.

Wegɔɔnle 3:21

Mian we ’ko ’wuo vo a lɛ, ko dan nyana lɛ a nya anlé webleblin ta, bélé fɛan zo lé a ’wuo vo an lɛ yé an Ti an nyana ’é va élé webleblin ta, a zo.

Wegɔɔnle 4:10

’bɛ bléyi va mi segele yɔ do wɔlɛ ziɛn dia ’wo bli ta webleblin tazan ’lɛ, yé mi lé é ke é yuɛma lɛɛfaama, ’té ’bɛnu a bɔa. Yé wo ’wolé kyankoronu dia webleblin ’lɛ, yé wo léé:

Wegɔɔnle 4:4

Maa webleblin yɔ do wɔlɛ ziɛn ye yee webleblin ’ko zi, ’té mi segele yɔ do wɔlɛ ziɛn a é nyanale ’bɛnu ta, ’té sɔ fu a wo ta yé kyankoronu a wo ’wuo ma.

Wegɔɔnle 5:4

Mian alé sɛbɛ lɛ so yara lé yé é a nagini, wo ’ka ’bɛzan ye lɛ lo, amalé an wuvɔ é baba.

Wegɔɔnle 6:1

’Blané zɔrɔkaanyɔɔ sɔrafié va zɔrɔkaanyɔɔ do bɔi aan wo, ’té maa a naginian, yé maa a ’ma léé, fɛyuɛmale do we fe é dére nya bélé zagele banle zo yé é léé: ’I da.

Wegɔɔnle 7:13

Mi segelenu va mi do kun wefele ma yé é lé an lɛ léé: Munu lé sɔ fu ke wo ta, denu lé ke wo nyaa? Wo si kyɛɛn?