Wegɔɔnle 5:13 - Kazambale lé Sebe Sauunu 1979

¹³ Yé é ziin, kɛlɛfɛnu faa lé é ke la gi koo, tɛrɛ la koo, tɛrɛ wuo koo, wɛyi ta koo, wona, ’bɛ gi léé, fɛfaana fɛnu, maa wo dére ’ma, ’té wa fé léé: Tɔzinfele koo, tɔbɔle koo, kɛlɛle blɛn koo, plale mi nwiin koo, wa webleblin tazan valé ’Blané zé nya lɛɛfaama.

Wegɔɔnle 5:13 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:11

Gakelebale, fɛnu faa lé ke la gi valé fɛnu faa lé ke tɛrɛ la, wa izé nya, amalé kɛlɛle blɛn koo, plɛplɛ valé tɔ blɛn koo, vole é yuɛma lɛɛfaama valé fuasan koo, wo faa a bii ɛ zé nya; Gakelebale, bii a é nwale fɛnu faa ta loru i boan, amalé i plale mi nwiin yara lé.

Ézai 24:14

Munu wo dére nwa, wo siaa ginanale nya; wo Gakelebale kɛlɛle blɛn ze vɔ wɛyi gɔnu la.

Ézai 42:10

’Ka lɛrɛ dɛrɛ vɔ Gakelebale lɛ; Ka lé ka tawoo wɛyi ta, ka lé ka nyanaan wɛyi sɔnɔ, Wɛyi worona tɛrɛnu valé wo tamunu, ’Ka a tɔbɔlɛrɛnu vɔ tɛrɛ glɛ faa sina.

Matio 6:13

Té i go ko nya ko gi danna lo; ’i ko si Satan lé plɛplɛ wuo. Plale mi nwiin koo, plɛplɛ koo, fuablele koo, wa izé nya lɛɛfaama. Amɛɛn.

WENÉNÉ LÉ LUK A GYE (Évangile selon Luc) 2:14

’Wo fua nɔ Kazambale lɛ fɛna loru baa mi, Yé munu lé wo sɔ a lɛ, ’wo vo drɔɔ tɛrɛ la ma.

WENÉNÉ LE JAN A GYE (Évangile selon Jean) 1:29

’Bɛ é tu kini, Jan Jézu ye dana ’é va, yé é léé: Kazambale lé ’Blané lé éé munu lé wenyané sié wo lee, yee lé é dan bɛ.

Rom munu 11:36

A va lé fɛnu faa éé sié; alé we ma lé fɛnu faa ke; yé fɛnu faa a azé nya. ’Wa tɔ bɔ lɛɛfaama, té a glɛ é dɔ lo ma. Amɛɛn.

Rom munu 16:27

Bale lé é ke wedɔɔzan nya é do kpen bɛ, ’wa tɔ zin bɔ Jézu Krist lé we ma lɛɛfaama, té a glɛ é dɔ lo. Amɛɛn.

Rom munu 9:5

Abraamnu a wo ɛ tranu nya, yé dé é a Krist lé tɛrɛlakɔlɛ lé we nya, wo ɛ kululazan lé, Krist lé ke fɛnu faa nwiin, ’té é ke Bale lé a drɔɔ ke é vole lɛɛfaama, a nya, wo ɛ kululazan lé. Amɛɛn.

Éfez munu 3:21

’wo ’bɛzan tɔ bɔ léglizi valé Jézu Krist lé we ma, mi kulu faa va ma, lɛɛfaama, té a glɛ é dɔ lo. Amɛɛn.

Filip munu 2:10

léé, lagi koo, tɛrɛla koo, tɛrɛ wuo koo, munu faa ’wo powuo zun wona Jézu tɔ nya,

Kolɔs munu 1:23

’té dé ka suni wɔra yé ka tin blɛɛn blipale gi, yé we lé ka bli ke a lɛ Wenéné lé ka a ’ma, alé we ma, ’té ka bli ’ka sié ’bɛ lɛ monomono lo. Wenéné ’ko, wa fe tɛrɛlamunu faa lɛ, yé maa Pɔl, maa kɛlɛ a gi nyanamapazan nya.

1 Timoté 4:16

’I yuɛ pa ibozen valé ilé we paale va; ’i yara pa we ’konu ta. Naa, dé i wo kɛlɛ i dan ibozen si lɛ we gi, yé wo lé woo i dére maan, i dan wo si lɛ we gi é ziin.

1 Piɛri 4:11

Dé mi do a we fena, ’é a fe Kazambale dére yɛrama; dé mi do a mi mawe kɛlɛna, ’é a kɛlɛ, plɛplɛ lé Kazambale a nɔ a lɛ, a nya. ’Ka we faa kɛlɛ Kazambale tɔ bɔle we gi Jézu Krist lé, fua valé plɛplɛ ke a lee lɛɛfaama bɛ, a nya. Amɛɛn.

1 Piɛri 5:11

Plɛplɛ a yee ɛ lee, lɛɛfaama, a glɛ ’ka lo. Amɛɛn.

SEBE LÉ JUD A GYE (Épitre de Jude) 1:25

Bale lé é ke Bale do kpen nya, ’té é ke kaa Bélizan nya Kaazan Jézu Krist lé we ma, yee Bale bɛ, tɔbɔle valé fuasan koo, gla valé plɛplɛ koo, wa yee ɛ lee, bléyi faa lé ke é kyɛn koo, lao bléyi koo, bléyi faa lé wo dan da lɛ bɛ, ’bɛ koo, wo gi. Amɛɛn.

Wegɔɔnle 1:6

yé é kaa kɛlɛ bɛngɔnɔ do nya, é Ti Bale banzannu nya bɛ, fua valé plale mi nwiin ’é kɛlɛ azé nya lɛɛfaama ma. Amɛɛn.

Wegɔɔnle 13:8

Tɛrɛlamunu faa é dan dia lɛ ’wo bli la a ’lɛ; ’Blané lé wa gyɛ, tɛrɛlamunu faa lé wo tɔ ’ka é gyɛle alé mibélilenu tɔgyɛlasɛbɛ gi tɛrɛ pélisia bléyi va lo, wo dan dia lɛ yee wi ’ko ’lɛ.

Wegɔɔnle 5:1

A zuo maa sɛbɛ do ye webleblin tazan bɛyi lee. Wo sɛbɛ gyɛ a gi valé a lala yé wa lɛ tan zɔrɔkaanyɔɔ sɔrafié nya.

Wegɔɔnle 5:12

Wa fé dére plɛplɛ nya léé: ’Blané lé wa bɔrɔ bo, plɛplɛ koo, fua koo, wedɔɔle koo, gla koo, tɔbɔle koo, kɛlɛle blɛn koo, tɔzinfele koo, alé wo ye yara lé.

Wegɔɔnle 5:3

Yé la gi koo, tɛrɛ la koo, tɛrɛ wuo koo, mi do kpen ’ka ana yé ’bɛ é bɔa a lɛ sole lɛ yé ’bɛ a nagini lo.

Wegɔɔnle 5:6

Webleblin koo, fɛ yuɛmale ziɛn koo, mi segelenu koo, maa ’Blané ye é dɔle wo méléna; é a bélé fɛan zo lé a bɔrɔ a é bole, a zo. A béli a sɔrafié, yé a yuɛ a sɔrafié, wo lé ke Kazambale léli sɔrafié lé é wo nwunvɔ tɛrɛ faa la, wo nya.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;

Wegɔɔnle 6:16

Yé wo lé gɔnu valé gɔlɛnu lɛ léé: ’Ka dia ko ta, yé ’ka ko ta yɔɔ fuablintazan yara valé ’Blané lé bliflile lee;