Wegɔɔnle 5:11 - Kazambale lé Sebe Sauunu 1979

¹¹ Maa a nagini yé maa lanje kiɛre dére ’ma, ’té wa webleblin koo, fɛ yuɛmalenu valé mi segelenu koo, wo zi, yé woo lanjenu ’léé a wuru é wuru baa kiɛre kiɛre nya, yé wo nɔnɔ ’léé ’ka lo.

Wegɔɔnle 5:11 ပူးပေါင်းရင်းမြစ်များ

1 Minwiinzannu 22:19

Yé Misé léé: ’I Gakelebale dére ’ma ma. Maa Gakelebale ye é nyanale élé fuablin ta, yé lai sunyanu faa a é dɔle a sɔnɔ, a bɛyila valé a bɛbola.

Lɛrɛvɔ Sɛbɛ 103:20

Ka lé ka ke alé lanjenu nya, ’Té ka ke plɛplɛ é baba, ’té ka tawoo alé bélidɔwenu ta, ’Té ka a dére lɛdɔama, ’ka Gakelebale drɔɔ vo.

Lɛrɛvɔ Sɛbɛ 148:2

’Kaa alé lanjenu, ’ka faa a tɔ zin fe. ’Kaa lai sunyanu, ’ka faa a tɔ zin fe.

Lɛrɛvɔ Sɛbɛ 68:17

Gɔblɛnnu lé ka nwiin ke kiɛre, mɛmalé ka maawoo Gɔblɛn lé Bale a si a va é nyanana nya, a maa? Iin, Gakelebale é dan nyana lɛ a nwiin lɛɛfaama, a glɛ ’ka lo.

Daniɛl 7:10

Kyɛ éé bɔraan a ’lɛ, ’té éé yoroan bélé yuu zo. Mi wuru é wuru a bɔa, yé mi baa é wuru é wuru a é dɔle a ’lɛ. Weblezannu nyana, yé wo sɛbɛnu fuo.

Bélidɔwesɛbɛ Fiézan 33:2

É léma: Gakelebale si Sinai; É nwa Séii wolé we gi, Élé fuasan gɔɔn Paran gɔ la, É bɔra mi sauun kiɛre kiɛre méléna; Bélidɔwe lé é ke bélé kyɛ zo, é a pa wo lɛ zia é bɛ nya.

Ébrunu 12:22

Naa, ka a é biéle Siɔn gɔ sɔnɔ, Bale yuɛmale lé fla lé ke lagi Jérusalɛm nya koo, lanjenu kiɛre lé wo nɔnɔ ’léé ’ka lo, ’té wa fɛti kɛlɛna bɛ, woo koo,

SEBE LÉ JUD A GYE (Épitre de Jude) 1:14

Wolé we ma lé Énɔk lé é ke Adam kulu sɔrafiézan nya, é balelawe fe léé: Ka yua bɛ, Mizambale da, ’é zuo lé élé munu ’léé kiɛre kiɛre nya,

Wegɔɔnle 19:6

Yé maa vun do ’ma bélé mi gu blɛn dére zo, bélé ’yi blɛnnu vun zo, bélé zagele blɛnnu banle zo, yé é siaa léé: Aléluya! Mizan, kozé Bale, Plɛplɛfaazan, é a é plale munu nwiin sin.

Wegɔɔnle 4:4

Maa webleblin yɔ do wɔlɛ ziɛn ye yee webleblin ’ko zi, ’té mi segele yɔ do wɔlɛ ziɛn a é nyanale ’bɛnu ta, ’té sɔ fu a wo ta yé kyankoronu a wo ’wuo ma.

Wegɔɔnle 4:6

Yé fɛ do a é ziin webleblin ’lɛ; é a bélé wɛyi zo, naa, ’yi kaan lo, é a bélé vlinvlin zo, bélé vlinvlin wezan lé, woo yɛrɛ yé a zi, a zo. Fɛ yuɛmalé ziɛn ana webleblin zi, a bɛ ziɛn la; wo ’lɛzia valé wo zuozia a é sɔɔlale yuɛnu nya.

Wegɔɔnle 5:14

Yé fɛ yuɛmale ziɛn léé: Iiin, é a a zo. Yé mi segelenu dia ’wo bli la, ’té woo Bale bɔa.

Wegɔɔnle 5:6

Webleblin koo, fɛ yuɛmale ziɛn koo, mi segelenu koo, maa ’Blané ye é dɔle wo méléna; é a bélé fɛan zo lé a bɔrɔ a é bole, a zo. A béli a sɔrafié, yé a yuɛ a sɔrafié, wo lé ke Kazambale léli sɔrafié lé é wo nwunvɔ tɛrɛ faa la, wo nya.

Wegɔɔnle 5:8

É sɛbɛ si aan wo, fɛ yuɛmale ziɛn valé mi segele yɔ do wɔlɛ ziɛn dia ’wo bli ta ’Blané ’lɛ, ’té kɔnɔ valé kyankananu a wo lee do do, yé lasikɔrɔ lé é ke Kazambale lé munu lé bazorolenu nya, é a é fanle yee kananu nya.

Wegɔɔnle 7:11

Yé lanjenu faa dɔ webleblin koo, mi segelenu koo, fɛ yuɛmale ziɛn koo, wo zi; ’té woo buaan ’wo yara webleblin ’lɛ, ’té woo Kazambale bɔa,

Wegɔɔnle 9:16

Maa gulidanmunu va wisootazannu ’léé ’ma; wo ’léé a mi baa é baa yɔ fié wɔlɛ vu.