Wegɔɔnle 4:9 - Kazambale lé Sebe Sauunu 1979

⁹ Webleblin tazan lé é ke é yuɛma lɛɛfaama, bléyian va lé fɛ yuɛmalenu a a tɔ zin fena, ’té wa tɔ bɔa, ’té wa bɔ vɔa,

Wegɔɔnle 4:9 ပူးပေါင်းရင်းမြစ်များ

Lɛrɛvɔ Sɛbɛ 47:8

Naa, Bale a tɛrɛ faa nwiinzan blɛn nya, ’Ka lɛrɛ gɔ do vɔ.

Lɛrɛvɔ Sɛbɛ 48:14

A zi gɔrɔnu lé wo boro ke, ’ka nagini. ’Ka alé fuakɔnnu gi gini é zima, A zuo fele mi kulunu lé wo dan da lɛ bɛ, wo lɛ we ma.

Fwile 15:18

Gakelebale é dan pla lɛ munu nwiin lɛɛfaama, a glɛ ’ka lo.

Ézai 6:1

Minwiinzan Ozias galɛɛ nya, maa Mizan Gakelebale ye é nyanale blin lé ke é dɔrale fɛna loru na, a ta, ’té alé varɔ blɛn lɔlu Balebangikɔn gi fɛna sauun fan.

Daniɛl 12:7

Yé mi lé, lɛnsɔ ke a ta, ’té é ke é dɔle ’yi ta loru, maa a dére ’ma; yé é bɛyi valé é bɛbo nwa lagi zia, ’té Bale lé éé voo é yuɛma lɛɛfaama, a glɛ ’ka lo, éé a ’nyɔɔn‐an a tɔ nya yé é léé: É dan kɛlɛ lɛ lɛɛ yaa é buu giéle zuo ma. Yé dé Bale lé munu lé plɛplɛ faa nyaa tata bléyian va, yé we ’konu faa é nyaa.

Daniɛl 4:34

Bléyi lé wa dɔ, a bɔle zuo, maa Nébukanɛsaa an yara nwa lagizia, yé an ’wuo dɔ an ta é ziin. Yé an Loruzan drɔɔ vo; mi lé é ke é yuɛma lɛɛfaama a glɛ ’ka lo, mi lé a plale mi nwiin glɛ ’ka lo, yé mi kulu é kulu faa éé plaan a wuo, maa a tɔ zin fe yé maa a tɔ nwa.

Bélidɔwesɛbɛ Fiézan 32:40

Naa, maa an bɛ nwa la vazia, Yé maa léé: Maa a é yuɛma lɛɛfaama, ’bɛ glɛ ’ka lo.

Ébrunu 7:25

Bɛwemalé, munu lé woo biéan Kazambale sɔnɔ Jézu tɔ gi, Jézu éé bɔa wo sile lɛ we gi tegele. É a é yuɛma lɛɛfaama ’té éé dɔa wolé we gi lɛɛfaama Kazambale ’lɛ, azama.

Ébrunu 7:8

Dé é a Lévinu lé we nya, wo lé wo fɛvuzannu nɔ wo lɛ, wa gazannu nya, naa, dé é a Mɛlkizédɛk lé we nya, mi lé wo fɛvuzannu nɔ a lɛ, Bale a ma we fe léé, é a é yuɛma.

Wegɔɔnle 1:18

An ga, yé maa lo, maa a é yuɛma sin lɛɛfaama, a glɛ ’ka lo. Yé ga valé gamunu nyanana lé lakléwɔlɛnu a maa ɛ lee.

Wegɔɔnle 10:6

yé mi lé é ke é yuɛma lɛɛfaama ’té la valé é gifɛnu koo, tɛrɛ valé é tafɛnu koo, wɛyi valé é gifɛnu koo, ’té é wo kɛlɛ bɛ, é ’bɛzan ’nyɔɔn léé, yi bɛ dɔle ’ka é dɛrɛ lo;

Wegɔɔnle 15:7

Bale lé éé voo é yuɛma lɛɛfaama, kyankana sɔrafié lé é ke é fanle alé bliflile nya, fɛ yuɛmale ziɛn va mi do wo si yé é wo nɔ lanje sɔrafié lɛ.

Wegɔɔnle 21:5

Yé webleblin tazan léé: Bé ye, maa fɛnu faa kɛlɛ fɛ dɛrɛnu nya. Yé é léé: ’Bé gyɛ ma, naa, we ’ko a sɔbɛlawe nya yé é a webozen nya.

Wegɔɔnle 4:2

Tɔɔn yé maa si an pɔlɛ gi yé an nɔla miléli nya. Yé bé ye, webleblin a la gi, ’té mi do a é nyanale yee webleblin ’ko ta.

Wegɔɔnle 4:8

Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.

Wegɔɔnle 5:1

A zuo maa sɛbɛ do ye webleblin tazan bɛyi lee. Wo sɛbɛ gyɛ a gi valé a lala yé wa lɛ tan zɔrɔkaanyɔɔ sɔrafié nya.

Wegɔɔnle 6:16

Yé wo lé gɔnu valé gɔlɛnu lɛ léé: ’Ka dia ko ta, yé ’ka ko ta yɔɔ fuablintazan yara valé ’Blané lé bliflile lee;

Wegɔɔnle 7:15

Bɛwemalé wo ke Kazambale lé webleblin ’lɛ, ’té wa bɔa bladi nyanadi Balebangikɔn gi. Webleblin tazan é dan élé sɔkɔn dɔ lɛ wo ta;