Wegɔɔnle 4:8 - Kazambale lé Sebe Sauunu 1979

⁸ Fɛ yuɛmale ziɛn faa do do bɛa a suiɛdo suiɛdo, yé wo zi valé wo gi a é sɔɔlale yuɛnu nya. Yé bladi nyanadi wa fé léé: Mizambale, Plɛplɛfaazan, ’té é ke ana é kyɛn, ’té é ke, ’té é dan bɛ, é a sauun, sauun, sauun, ’té wo ’ka daan a fele ma lo.

Wegɔɔnle 4:8 ပူးပေါင်းရင်းမြစ်များ

Wepélisiananu 17:1

Abram lɛɛ kɛlɛ yɔ ziɛn wɔlɛ vu ta sɔraziɛn aan wo, Gakelebale bɔra Abram va yé é lé a lɛ léé: Maa a Plɛplɛfaazan Bale nya. ’I tawo an yuɛ va yé ’i kɛlɛ mi tegele nya.

Lɛrɛvɔ Sɛbɛ 91:1

Mian ke é yɔɔle Loruzan bɛ wuo, Éé flin‐é Plɛplɛfaazan furɔ va.

Fwile 15:11

Oo, Gakelebale, de ɛ ke bii zo balenu mélénaa? De ɛ ’lɛra sauun bélé bii zo, ’Té a tɔ bɔ yara lé, ’Té éé we blɛnblɛnnu kɛlaa?

Fwile 3:14

Kazambale lé Moizi lɛ léé: Mi lé maa ke a nya, maa a ’bɛ nya. Yé é we taa fe léé: ’Ko zo lé i dan we fe lɛ Izraɛl lé nénu lɛ, léé: Mi lé wa laan Maa a, yee ɛ an nwunvɔ ka va.

Ézai 13:6

’Ka dunnu, naa, Gakelebale lé yi bɔ é pu; Plɛplɛfaazan lé fɛ sɛrɛle a dana.

Ézai 62:1

Siɔn sɔle an lɛ lé we ma léé, an ’ka dan tadɔ lɛ lo; Jérusalɛm sɔle an lɛ lé we ma léé, an ’ka dan flin lɛ pelo, Fɔɔ yé munu faa a silewegi ye bélé tukinile zo, Fɔɔ yé munu faa a vole éboma ye bélé sona bile zo.

Ézékiɛl 1:18

Gane ’ko zi valé wo nwale loru a blɛn fɛan zo, é kana zén mi gi. Yé gane ziɛn zi faa a é fanle yuɛnu nya.

Ézékiɛl 1:5

A méléna é ziin, maa fɛyuɛmale ziɛn ye. Dé i wo ye, wa bélé mi zo.

Ézékiɛl 1:6

Wo faa do do yara a ziɛn, yé wo faa do do bɛa a ziɛn.

Ézékiɛl 10:12

Sérubɛnnu kɔlɛ faa koo, wo kolinu koo, wo bɛnu koo, wo bɛanu koo, wo faa a é fanle wo yuɛnu nya, yé fɛ lé é ke bélé gorogane zo, ’bɛ ziɛnnu faa koo é ziin, wa é fanle yuɛnu nya.

Joɛl 1:15

Aa, mɛ zoɛ bléyi ɛ bɔ ’koo? Naa, Gakelebale lé yi bɔ é pu. É dan bélé wenaané blɛn lé Plɛplɛfaazan a pa zia, a zo.

Kelewenu 20:31

Lɛɛ yaa gi maa ’ka daan lɛ we plale ma ka lɛ lo, é béli koo, é yiéyi koo, maa vo we plana ka faa do do lɛ an yuɛyi zénle nya. ’Bɛ sele ’é dɔ ka gi ma. Bɛwemalé ’ka vo é vuole.

2 Korɛnt Munu 6:18

Yé maa dan kɛlɛ lɛ ka Ti nya, Yé ka dan kɛlɛ lɛ an benu valé an lunu nya. Yee lé Mizambale Plɛplɛfaazan a fe.

1 Tɛsalɔnik munu 2:9

Bwenu, kolé nyanama valé kolé nyanéblele sele a ka gi. Ko Kazambale lé Wenéné fe ka lɛ, yé tu valé é kinile ma ko a nyanama ta, té ko kɛlɛ kɔné nya ka va mi do kpen nwiin lo we ma.

1 Timoté 4:16

’I yuɛ pa ibozen valé ilé we paale va; ’i yara pa we ’konu ta. Naa, dé i wo kɛlɛ i dan ibozen si lɛ we gi, yé wo lé woo i dére maan, i dan wo si lɛ we gi é ziin.

2 Timoté 4:2

’i Kazambale dére fe; ’i dɔ a ta plɛplɛ bléyi faa va, dé é a bléyi zin nyaoo, dé é ’ka a nya looo, ’i dɔ a ta plɛplɛ; ’i we vɔ munu lɛ, ’i we pla wo lɛ, ’i kwa kuli wo ma. ’Bé kɛlɛ bli tiéé nya, ’té i we paan wo gi yifaama.

Ébrunu 13:8

Jézu Krist a é dɔbɛ duo gi yese, kyɔ, lɛɛfaama, a glɛ ’ka lo.

Wegɔɔnle 1:4

’Kaa léglizi sɔrafié lé ka ke Azi tɛrɛ la, an we ka va. Maa Jan ɛ ke sɛbɛ ’ko gyɛna ka lɛ. Mi lé é ke, ’té é ke ana é kyɛn, ’té é dan bɛ, yee koo, léli sɔrafié lé é ke alé webleblin ’lɛ, wo koo, Jézu Krist lé é ke yarapawela wenayezan, gamunu va nwazan vininzan, tɛrɛlamunu nwiinzannu ’é nwiinzan nya, yee koo, ’wo zin kɛlɛ ka lɛ yé ’wo ka vo drɔɔ ma. Mi lé kaa sɔa a lɛ, ’té é kaalé wenyané si kaa lee é nyɛ nya,

Wegɔɔnle 1:8

Mi lé é ke, ’té é ke ana é kyɛn, ’té é dan bɛ, Plɛplɛfaazan, Mizambale, é léma: Maa lé é ke Alfa valé Oméga nya, ’bɛ gi léé, a vininzan valé a voélazan nya.

Wegɔɔnle 11:17

Mizambale, Plɛplɛfaazan, bii lé i ke, ’té i ke ana é kyɛn, ko i bɔ vɔa léé, i kun sin izé plɛplɛ nagɔɔnle ma, yé i kun plale ma munu nwiin.

Wegɔɔnle 14:11

Yé munu lé wo dia ’wo bli la wi valé é yili ’lɛ, yé mian a tɔ tɔmase ke é gyɛle a ma, wolé nyanéblele goi é dan nwa lɛ lɛɛfaama yé wo ’ka dan flin lɛ bladi nyanadi lo.

Wegɔɔnle 14:3

’Té woo lɛrɛ dɛrɛ vɔa webleblin koo, fɛ yuɛmale ziɛn koo, mi segelenu koo, wo ’lɛ. Yé dé é ’ka mi baa yɔ yaa wɔlɛ vu ta fié lé wo wo tabo tɛrɛ la, wo nya lo, mi do kpen ’ka bɔa lɛrɛ ’ko vɔle lɛ lo.

Wegɔɔnle 15:3

Yé wo Kazambale wuozan Moizi lé lɛrɛ vɔ, yé wo ’Blané lé lɛrɛ vɔ yé wo léé: Mizambale, Plɛplɛfaazan, i kɛlɛwenu a blɛn yé wo tɔ a é bɔle. Bɛnnu nwiinzan, ilé zinu a tegele yé wa webozen nya.

Wegɔɔnle 15:7

Bale lé éé voo é yuɛma lɛɛfaama, kyankana sɔrafié lé é ke é fanle alé bliflile nya, fɛ yuɛmale ziɛn va mi do wo si yé é wo nɔ lanje sɔrafié lɛ.

Wegɔɔnle 16:14

Yo lélinu lé é ke wo nya; woo we blɛnblɛnnu kɛla, ’té woo goo tɛrɛ faa la, minwiinmunu va, wo zénle ékeva Plɛplɛfaazan Bale lé yi blɛn la gulidanle we ma.

Wegɔɔnle 16:7

Yé maa balebanna dére ’ma, ’té éé a fé léé: Iin, Mizambale, Plɛplɛfaazan, ilé weblelenu a webozen nya yé wa tegele.

Wegɔɔnle 19:15

Gwɔun ’lɛzan do bɔra a ’léé, bɛnnu gyɛfɛ nya; é dan pla lɛ wo nwiin foliɛwɔlɛ nya é lee; yé Plɛplɛfaazan Bale lé bliflile baba lé é ke kana blɛn gi, é dan a zɔn lɛ é gane nya bélé dɔrɔporo zo.

Wegɔɔnle 19:4

Yé mi segele yɔ do wɔlɛ ziɛn valé fɛ yuɛmale ziɛn dia ’wo bli la yé wo webleblin ta Bale bɔ yé wo siaa léé: Amɛɛn! Aléluya!

Wegɔɔnle 21:22

Maa ’ka Balekɔn ye lɛ fla lo, naa, Mizambale, Plɛplɛfaazan valé ’Blané ɛ ke Balekɔn nya.

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko:

Wegɔɔnle 4:4

Maa webleblin yɔ do wɔlɛ ziɛn ye yee webleblin ’ko zi, ’té mi segele yɔ do wɔlɛ ziɛn a é nyanale ’bɛnu ta, ’té sɔ fu a wo ta yé kyankoronu a wo ’wuo ma.

Wegɔɔnle 4:6

Yé fɛ do a é ziin webleblin ’lɛ; é a bélé wɛyi zo, naa, ’yi kaan lo, é a bélé vlinvlin zo, bélé vlinvlin wezan lé, woo yɛrɛ yé a zi, a zo. Fɛ yuɛmalé ziɛn ana webleblin zi, a bɛ ziɛn la; wo ’lɛzia valé wo zuozia a é sɔɔlale yuɛnu nya.

Wegɔɔnle 4:9

Webleblin tazan lé é ke é yuɛma lɛɛfaama, bléyian va lé fɛ yuɛmalenu a a tɔ zin fena, ’té wa tɔ bɔa, ’té wa bɔ vɔa,

Wegɔɔnle 5:6

Webleblin koo, fɛ yuɛmale ziɛn koo, mi segelenu koo, maa ’Blané ye é dɔle wo méléna; é a bélé fɛan zo lé a bɔrɔ a é bole, a zo. A béli a sɔrafié, yé a yuɛ a sɔrafié, wo lé ke Kazambale léli sɔrafié lé é wo nwunvɔ tɛrɛ faa la, wo nya.

Wegɔɔnle 6:1

’Blané zɔrɔkaanyɔɔ sɔrafié va zɔrɔkaanyɔɔ do bɔi aan wo, ’té maa a naginian, yé maa a ’ma léé, fɛyuɛmale do we fe é dére nya bélé zagele banle zo yé é léé: ’I da.

Wegɔɔnle 6:6

Maa dére do ’ma fɛ yuɛmale ziɛn meléna yé é léé: Buruwɔlɛ kana nya do dénié do; sɔnmlén kana nya yaa dénié do; té i nyɔnɔ valé dɔrɔ sɛrɛ lo.

Wegɔɔnle 7:11

Yé lanjenu faa dɔ webleblin koo, mi segelenu koo, fɛ yuɛmale ziɛn koo, wo zi; ’té woo buaan ’wo yara webleblin ’lɛ, ’té woo Kazambale bɔa,

Wegɔɔnle 7:15

Bɛwemalé wo ke Kazambale lé webleblin ’lɛ, ’té wa bɔa bladi nyanadi Balebangikɔn gi. Webleblin tazan é dan élé sɔkɔn dɔ lɛ wo ta;