Wegɔɔnle 4:7 - Kazambale lé Sebe Sauunu 1979

⁷ Fɛ yuɛmale vininzan a bélé golizra zo; yé a fiézan a bélé diriné zo; a yaazan yara a bélé mi yara zo, yé a ziɛnzan a bélé gola lé éé sié, a zo.

Wegɔɔnle 4:7 ပူးပေါင်းရင်းမြစ်များ

Wepélisiananu 49:9

Juda a bélé golizra boroné lé É si ’élé wi gyɛna, a zo; an beoo an be! Éé gane plin‐an, yé éé yian bélé golizra zo, Bélé golizrada zo; de ɛ dan a nwa lɛɛ?

2 Samuɛl 1:23

Saul valé Jonatan a mi zinnu valé sɔmilɛzannu nya wolé tɛrɛla gi, Yé wo ’ka wo kini lɛ ékema wo gabléyi nya lo. Woo sié é mini golanu ta, Wa plɛplɛ é mini golizranu ta.

Wegɔnévɔlenu 28:2

Dé tɛrɛ do la munu nwa ’wo nwiinzan ma, minwiinmunu a di, dé mi do ’wuo a é ta yé é we dɔɔ, éé mɔn‐o é plale munu nwiin.

Ézai 40:31

Naa, munuan woo paan Gakelebale ta, éé wolé plɛplɛ taa paan é ziin. Woo sié bélé gola zo; Woo vlanburuwo yé koi ’ka wo gya lo, Woo tawoo yé wo wɔlɛi ’ka nyaan wo ma lo.

Ézékiɛl 1:10

Yara ziɛn ziɛn a wo ’wuo ma. Wo faa do do yara do a mi yara nya, wo ziɛnnu faa bɛyilazia yara a golizra yara nya. Wo ziɛnnu faa bɛbolazia yara a diri yara nya, yé wo ziɛn faa yara do a gola yara nya.

Ézékiɛl 1:8

Mi bɛ do do a wo bɛanu wuo. Fɛ yuɛmale ziɛn faa do do yara a, yé wo bɛa a.

Ézékiɛl 10:14

Wo faa do do yara a ziɛn. A vininzan yara a sérubɛn yara nya, a fiézan yara a mi yara nya, a yaazan zé a golizra yara nya yé a ziɛnzan a gola yara nya.

Ézékiɛl 10:21

Wo faa do do yara a ziɛn ziɛn, yé wo bɛanu a ziɛn ziɛn, yé fɛ lé ke bélé mi bɛ zo é a wo bɛanu wuo.

Daniɛl 7:4

a vininzan a bélé golizra zo yé a bɛanu a bélé gola bɛanu zo. Maa a naginina fɔɔ yé wa bɛanu so. Wa nwa tɛrɛ va yé wa dɔ é ganenu ta bélé blami zo, yé wo mi bli vɔ a gi.

Abudias 1:4

Dé i ilé kɔn dɔ loru baa bélé gola zé zo‐oo, Dé i nyanana kɛlɛ monénénu mélénaoo, Maa dan i zun lɛ gla nya. A zo lé Gakelebale a fe.

Mi Nɔnɔle 23:24

Migɔnɔ ’ko woo nwaan bélé golizra tina zo. Woo dɔa loru bélé golizra zo; É ’ka yi gya lo fɔɔ yé wi lé é a gyɛ, é a ble, Yé é a nyɛ flan.

Mi Nɔnɔle 24:9

Éé zunwo ’é powuo ta, yé éé yiaan bélé golizra zo, bélé golizra tina zo. De ɛ dan a nwa lɛɛ? Dé miomian é i drɔɔ vo, ’bɛzan drɔɔ ’é voo; Yé dé miomian bale pa i ma, ’wo bale pa ’bɛzan ma.

1 Korent munu 14:20

Bwenu, té ka we va si bélé né kiéné zo lo. Dé é a wenyané kɛlɛna zia nya, ’ka kɛlɛ é tidian bélé né kiéné zo, naa, ’ka we va si bélé yarakinizan zo.

Bélidɔwesɛbɛ Fiézan 28:49

Bɛn do lé ka ’ka wo dére dɔɔa lo, ’té wo yara ke é nyané, ’té wo ’ka mi segele lɛdɔama lo, ’té wo nyanai ’ka zén‐é né ta lo, Gakelebale é dan wo si lɛ baa, tɛrɛ glɛ sina, yé wo dan zun lɛ ka ta bélé gola zo.

Wegɔɔnle 4:6

Yé fɛ do a é ziin webleblin ’lɛ; é a bélé wɛyi zo, naa, ’yi kaan lo, é a bélé vlinvlin zo, bélé vlinvlin wezan lé, woo yɛrɛ yé a zi, a zo. Fɛ yuɛmalé ziɛn ana webleblin zi, a bɛ ziɛn la; wo ’lɛzia valé wo zuozia a é sɔɔlale yuɛnu nya.

Wegɔɔnle 6:3

É zɔrɔkaanyɔɔ fiézan bɔi aan wo, maa fɛ yuɛmale fiézan dére ’ma yé é léé: ’I da.

Wegɔɔnle 6:5

É zɔrɔkaanyɔɔ yaazan bɔi aan wo, maa fɛ yuɛmale yaazan dére ’ma yé é léé: ’I da. ’Té maa a naginian, yé bé ye, wisoo ti bɔra. Fɛ pɛzéwofɛ a atazan lee.

Wegɔɔnle 6:7

É zɔrɔkaanyɔɔ ziɛnzan bɔi aan wo, maa fɛ yuɛmale ziɛnzan dére ’ma yé é léé: ’I da.