Wegɔɔnle 4:5 - Kazambale lé Sebe Sauunu 1979

⁵ Webleblin éé lɛɛ yuɛ wuo vɔa, ’té éé dérenu fé, ’té éé zagelenu baan. Kyɛbɔ sɔrafié lé wo ke Kazambale léli sɔrafié nya, wa bina plɛplɛ webleblin ’lɛ.

Wegɔɔnle 4:5 ပူးပေါင်းရင်းမြစ်များ

Wepélisiananu 15:7

Gakelebale lé a lɛ é ziin léé: Maa a Gakelebale nya. Maa i si Uu, Kaldé tɛrɛ la, tɛrɛ ’ko nɔle i lɛ izé nya we gi.

2 Minwiinmunu lé Wezuofe Sɛbɛ 4:20

fintrannu valé ’wolé kyɛbɔnénu lé wa kɛlɛ kyan tegele nya, ’té é a lé wa bi, wo dɔnama lé wa fe, a yɛrama bɛ, wo koo,

Lɛrɛvɔ Sɛbɛ 68:35

’Ka Bale kɛlɛ blɛn. Alé fuasan a Izraɛl ta, yé alé plɛplɛ a la gi.

Fwile 19:16

A yi yaazan nya bladi, zagele ban, ’té lɛɛ yuɛ wuo éé vɔa, yé lati borozan zun gɔ ma; béli we plɛplɛ; yé kana zén munu faa lé wo ke sɔkɔndɔna, wo gi.

Fwile 20:18

Munu faa éé zagele banle valé béli fɛnle maan yé lɛɛ yuɛwuovɔle koo, kyɛgoi sɔɔlale gɔ ta koo, woo wo yé. Fɛ ’konu yele ma lé munu ma éé nyɔɔn‐an, ’té wa é dɔle baa.

Fwile 25:37

I dan a fintran bɔné sɔrafié kɛlɛ lɛ, yé i wo dɔra wo ’léé fɛan zo, léé, a san é bɔra a ’lɛzia.

Fwile 37:23

Alé bɔné sɔrafié koo, a dirifɛnu koo, a yeezéngifɛ koo, é a kɛlɛ kyan tegele nya.

Ézékiɛl 1:13

Fɛyuɛmalénu ’ko, mi éé wo yé bélé kyɛnyɛ zo wéii. Wo yuɛɛ a bélé sonakyɛ zo. Yee kyɛ ’ko éé giéan fɛyuɛmalenu méléna; éé bié planplan, yé lɛɛ yuɛwuovɔlenu éé sié a gi.

Joɛl 3:16

Gakelebale dére a wena Siɔn bélé golizra zo, ’Té éé wé Jérusalɛm. Tɛrɛ valé la ma éé nyɔɔn‐an, Naa, Gakelebale a élé munu yɔɔna nya, É a Izraɛlnu vɔzizan nya.

Zakari 4:2

É lé an lɛ léé: I mɛ fɛ yéé? Yé maa a zi pa a lɛ léé: Maa nagini, yé maa kyan fintran do ye; a blan a sɔrafié, yé bɔ do a é dunle a nwiin, ’té tio sɔrafié a a ma yé ’bɛnu vɔ fintrannu ma;

Matio 25:1

Kazambale plale mi nwiin a bélé blɛn vu lé gɔné ’ka tan wo dɔɔ lɛ le nya lo, wolé we zo.

Matio 3:11

Maa ka batizéwo ’yi nya ka bli nɔlale we gi, naa, mian é dan da lɛ an zuo, a plɛplɛ mini an ta, yé a yara ’ka an yara lé maa alé sawala si lo. Yee ɛ dan ka batizéwo lɛ Léli Sauun valé kyɛ nya.

Kelewenu 2:3

Yé wo nɛnɛnu ye bélé kyɛnɛnɛ zo, yé wo kini ékema yé wo zun wo faa nwiin do do.

Wegɔɔnle 1:4

’Kaa léglizi sɔrafié lé ka ke Azi tɛrɛ la, an we ka va. Maa Jan ɛ ke sɛbɛ ’ko gyɛna ka lɛ. Mi lé é ke, ’té é ke ana é kyɛn, ’té é dan bɛ, yee koo, léli sɔrafié lé é ke alé webleblin ’lɛ, wo koo, Jézu Krist lé é ke yarapawela wenayezan, gamunu va nwazan vininzan, tɛrɛlamunu nwiinzannu ’é nwiinzan nya, yee koo, ’wo zin kɛlɛ ka lɛ yé ’wo ka vo drɔɔ ma. Mi lé kaa sɔa a lɛ, ’té é kaalé wenyané si kaa lee é nyɛ nya,

Wegɔɔnle 10:3

yé é siaa dére plɛplɛ nya bélé golizra wele zo. É siaa aan wo, zagele sɔrafié ban.

Wegɔɔnle 11:19

Balebangikɔn lé é ke la gi, a lɛ so yé munu gipawe pagikɛsu ye Balebangikɔn gi. Lɛɛ yuɛ wuo vɔ yé dérenu we, zagelenu ban yé tɛrɛ manyɔɔn, yé goowɔlɛlɛɛ plɛplɛ da.

Wegɔɔnle 3:1

’I sɛbɛ pa Saad léglizi lé lanje lɛ zia. ’Bé fe a lɛ léé: Mi lé Kazambale léli sɔrafié valé monéné sɔrafié ke a lee, a dére lé é ke ’ko: Maa i kɛlɛwenu dɔɔ. Maa a gi dɔɔ léé, i a mi yuɛmale nya munu yuɛ gi, dɔlé ’té i a é gale.

Wegɔɔnle 5:6

Webleblin koo, fɛ yuɛmale ziɛn koo, mi segelenu koo, maa ’Blané ye é dɔle wo méléna; é a bélé fɛan zo lé a bɔrɔ a é bole, a zo. A béli a sɔrafié, yé a yuɛ a sɔrafié, wo lé ke Kazambale léli sɔrafié lé é wo nwunvɔ tɛrɛ faa la, wo nya.

Wegɔɔnle 8:5

Yé lanje lasikɔrɔ kyɛblégi kyanbɔ si, yé é a fan balebanna ta kyɛ nyɛ nya yé é a vuli tɛrɛ va. Yé dérenu we, ’té zagelenu éé baan, ’té lɛɛ éé yuɛ wuo vɔa, ’té tɛrɛ ma éé nyɔɔn‐an.