Wegɔɔnle 4:4 - Kazambale lé Sebe Sauunu 1979

⁴ Maa webleblin yɔ do wɔlɛ ziɛn ye yee webleblin ’ko zi, ’té mi segele yɔ do wɔlɛ ziɛn a é nyanale ’bɛnu ta, ’té sɔ fu a wo ta yé kyankoronu a wo ’wuo ma.

Wegɔɔnle 4:4 ပူးပေါင်းရင်းမြစ်များ

Esitɛɛ 8:15

Maadosé si minwiinzan blɛn lé fɛna, ’té tɔvarɔ lé a yuɛɛ ke glayiayou valé é fu nya bɛ, é a a ta; ’té kyankoro blɛn a a ’wuo ma, ’té lɛnsɔ varɔ blɛn ti drɔndrɔn a é zénle a ta. Fla blɛn Suz munu siaa ginanale blɛn nya.

Lɛrɛvɔ Sɛbɛ 21:3

I a blibɔmafɛ nɔ a lɛ, Yé fɛan é a ma laa i lee é lɔlu nya, i ’ka a nyané kɛlɛ lɛ a lɛ lo. Ka ye do.

Matio 19:28

Jézu lé wo lɛ léé: Maa lé ka lɛ webozen nya léé, a bléyi é dan bɔ lɛ yé ’wo fɛnu faa kɛlɛ é dɛrɛ; dé ’bɛ bléyi bɔ, dé maa, blami Be nyana anlé webleblin tɔbɔle ta, ka lé ka da an zuo, ka dan nyana lɛ webleblin vu ta fié ta, yé ka dan Izraɛl bɛn vu ta fié lé we ble lɛ.

WENÉNÉ LÉ LUK A GYE (Évangile selon Luc) 22:30

yé ka dan fɛ ble lɛ anlé tablé ta anlé fuatɛrɛ la, yé ka dan nyana lɛ webleblinnu ta Izraɛl lé bɛn vu ta fié lé we blele we ma.

2 Timoté 4:8

Yé sin, mi tegele lé tɔkoro ta a é dɔle anzé nya. Mizan, Weblezan tegele, é dan a nɔ lɛ an lɛ ’bɛ yi la. Naa, an do lɛan é dan a nɔ lɛ lo; munu faa lé, a dale sɔ wo lɛ, é dan a nɔ lɛ wo lɛ é ziin.

Wegɔɔnle 11:16

Yé mi segele yɔ do wɔlɛ ziɛn lé wo ke é nyanale ’wolé webleblinnu ta Kazambale ’lɛ, wo dia ’wo bli la yé wo Kazambale bɔ a fele nya léé:

Wegɔɔnle 14:3

’Té woo lɛrɛ dɛrɛ vɔa webleblin koo, fɛ yuɛmale ziɛn koo, mi segelenu koo, wo ’lɛ. Yé dé é ’ka mi baa yɔ yaa wɔlɛ vu ta fié lé wo wo tabo tɛrɛ la, wo nya lo, mi do kpen ’ka bɔa lɛrɛ ’ko vɔle lɛ lo.

Wegɔɔnle 19:14

Lai sunyanu da a zuo wisoonu ta, lɛnsɔ zima fu gibɔle nya ’wo ta.

Wegɔɔnle 19:4

Yé mi segele yɔ do wɔlɛ ziɛn valé fɛ yuɛmale ziɛn dia ’wo bli la yé wo webleblin ta Bale bɔ yé wo siaa léé: Amɛɛn! Aléluya!

Wegɔɔnle 2:10

Nyané lé i dan a ble lɛ, té i kana a blele ma lo. Bé ye, yonufaatagɔné é dan ka va mi kenu vɔ lɛ bokɔn gi ka gi danle we ma, yé ka dan nyané ble lɛ yi vu. ’I yara pa a ta fɔɔ yé i gayi é bɔ, yé maa dan vole é yuɛma nɔ lɛ i lɛ ilé tɔkoro nya.

Wegɔɔnle 20:4

Yé maa webleblinnu ye, yé Bale weblele se kɛlɛ wotazannu lɛ. Yé munu lé wo wo ’wuo kini Jézu lé we fele valé Kazambale dére lé we ma koo, munu lé wo ’ka dia lɛ ’wo bli la wi valé é yili ’lɛ lo, ’té wo ’ka wi lé tɔmase gyɛ lɛ, dé wo yarapɛla léé, dé wo bɛ la léé, ana lo, maa wo boennu ye. Wo nwa é yuɛma é ziin yé wo pla munu nwiin Krist va lɛɛ wuru soru.

Wegɔɔnle 3:18

amalé maa we plaan i lɛ léé, ’i fɛnu ’ko lɛ an lee: kyan lé wa gi dan kyɛ nya, ’bé lɔ ilé fuablele we gi, yé ’i sɔ funu lɔ, wo zénle i ta we gi léé, té i porole yara i gyɛ lo, yé ’i yuɛ lia lɔ yé bé zén i yuɛ va, ilé fɛna yele we ma.

Wegɔɔnle 4:10

’bɛ bléyi va mi segele yɔ do wɔlɛ ziɛn dia ’wo bli ta webleblin tazan ’lɛ, yé mi lé é ke é yuɛma lɛɛfaama, ’té ’bɛnu a bɔa. Yé wo ’wolé kyankoronu dia webleblin ’lɛ, yé wo léé:

Wegɔɔnle 4:6

Yé fɛ do a é ziin webleblin ’lɛ; é a bélé wɛyi zo, naa, ’yi kaan lo, é a bélé vlinvlin zo, bélé vlinvlin wezan lé, woo yɛrɛ yé a zi, a zo. Fɛ yuɛmalé ziɛn ana webleblin zi, a bɛ ziɛn la; wo ’lɛzia valé wo zuozia a é sɔɔlale yuɛnu nya.

Wegɔɔnle 5:11

Maa a nagini yé maa lanje kiɛre dére ’ma, ’té wa webleblin koo, fɛ yuɛmalenu valé mi segelenu koo, wo zi, yé woo lanjenu ’léé a wuru é wuru baa kiɛre kiɛre nya, yé wo nɔnɔ ’léé ’ka lo.

Wegɔɔnle 5:14

Yé fɛ yuɛmale ziɛn léé: Iiin, é a a zo. Yé mi segelenu dia ’wo bli la, ’té woo Bale bɔa.

Wegɔɔnle 5:6

Webleblin koo, fɛ yuɛmale ziɛn koo, mi segelenu koo, maa ’Blané ye é dɔle wo méléna; é a bélé fɛan zo lé a bɔrɔ a é bole, a zo. A béli a sɔrafié, yé a yuɛ a sɔrafié, wo lé ke Kazambale léli sɔrafié lé é wo nwunvɔ tɛrɛ faa la, wo nya.

Wegɔɔnle 5:8

É sɛbɛ si aan wo, fɛ yuɛmale ziɛn valé mi segele yɔ do wɔlɛ ziɛn dia ’wo bli ta ’Blané ’lɛ, ’té kɔnɔ valé kyankananu a wo lee do do, yé lasikɔrɔ lé é ke Kazambale lé munu lé bazorolenu nya, é a é fanle yee kananu nya.

Wegɔɔnle 6:11

Wo sɔ fu nɔ wo lɛ do do, yé wo lé wo lɛ léé: ’Ka flin sɛ é ziin, fɔɔ yé ka va nyanama pa béénu valé ka bwenu lé wo dan wo gyɛ lɛ bélé ka zo, yé wo ’léé lɛ é sɔɔ.

Wegɔɔnle 7:11

Yé lanjenu faa dɔ webleblin koo, mi segelenu koo, fɛ yuɛmale ziɛn koo, wo zi; ’té woo buaan ’wo yara webleblin ’lɛ, ’té woo Kazambale bɔa,

Wegɔɔnle 7:9

’Bɛ zuo maa a naginina, yé bé ye, mi gu blɛn lé, wo si bɛntɛrɛ faa koo, bɛn do do faa koo, migɔnɔ do do faa koo, dére faa koo, wo gi, wo ana, yé mi do kpen ’ka bɔa wo nɔnɔle lɛ lo. Wo dɔ webleblin valé ’Blané ’lɛ, sɔ funu nya ’wo ta, ’té yɔlaanu a wo lee.

Wegɔɔnle 9:7

Gangannu ’ko, wa bélé wisoonu lé wo wo ma’lɛrɛ gulidanle we ma, wo zo. Fɛnu a wo ’wuo ma bélé kyankoronu zo, yé wo yaranu a bélé mi yara zo.