Wegɔɔnle 4:2 - Kazambale lé Sebe Sauunu 1979

² Tɔɔn yé maa si an pɔlɛ gi yé an nɔla miléli nya. Yé bé ye, webleblin a la gi, ’té mi do a é nyanale yee webleblin ’ko ta.

Wegɔɔnle 4:2 ပူးပေါင်းရင်းမြစ်များ

1 Minwiinzannu 22:19

Yé Misé léé: ’I Gakelebale dére ’ma ma. Maa Gakelebale ye é nyanale élé fuablin ta, yé lai sunyanu faa a é dɔle a sɔnɔ, a bɛyila valé a bɛbola.

Lɛrɛvɔ Sɛbɛ 11:4

Gakelebale a é bankɔn sauun gi, Gakelebale lé webleblin a la gi; A yuɛ éé blaminu naginian, ’Té a yuɛlakɔné éé wo gi daan.

Ézai 6:1

Minwiinzan Ozias galɛɛ nya, maa Mizan Gakelebale ye é nyanale blin lé ke é dɔrale fɛna loru na, a ta, ’té alé varɔ blɛn lɔlu Balebangikɔn gi fɛna sauun fan.

Jérémi 17:12

Webleblin tɔbɔle, ilé we a blɛn bléyi faa va, I a kolé munu lé fɛna sauun nya.

Ézékiɛl 1:26

Fɛna pla lé é ke wo ’wuo ta loru, ’bɛ ta loru fɛ do ana; é a bélé safiigɔlɛ zo. ’Té a zi a bélé webleblin zo. Yé webleblin ’ko ta, fɛ do ana bélé mi zo, ’té é a é dɔle a ta loru.

Ézékiɛl 1:28

San bile nyananyana ’ko lé wa yé a zi, é a bélé bɔmlɛ lé wa yé lati gi lɛɛ dayi la, a zo. Yuɛzi we ’ko é a Gakelebale lé fuasan foto do nya. Dé maa a ye tɔɔn, an dia an bli la, yé maa mi do dére ’ma.

Ézékiɛl 10:1

Maa a nagini, ’té fɛ do lé é ke safiigɔlɛ zo, é a la lé é ke é dunle baworona sérubɛnnu nwiin loru, a ta. Yé fɛ do a wo ta loru, fɛ lé é ke bélé webleblin zo, yee lé.

Daniɛl 7:9

Maa a naginina bléyian va, ’té woo webleblinnu dɔraan. Yé mi kwa lé ke yinu ’lɛ, é nyana. Alé sɔ a fu tata bélé tɔrɛ zo. A nwiin nwinnu a bélé ’blakyɛɛ zima zo. Alé webleblin a bélé kyɛnɛnɛnu zo, yé alé webleblin ganenu a bélé kyɛnyɛ zo.

Matio 22:43

Jézu lé wo lɛ léé: É kɛlɛ kaa yé Kazambale Léli David nyunu yé é a laa ézaan? Naa, David léé:

Ébrunu 8:1

Wenu lé ko wo fe lao, wo va we blɛn lé é ke ’ko: Balebanmunu ’lɛzan ’ko zo ɛ ke kaazé nya; é a é nyanale Kazambale nyanana fuablin bɛyila la gi.

Wegɔɔnle 1:10

Maa a ’bɛna aan wo, an si an pɔlɛ gi yé an nɔla miléli nya Mizan lé yi la, yé maa dére plɛplɛ do ’ma an zuo bélé béli dére zo yé é léma:

Wegɔɔnle 12:5

Lezan né yaa, gɔné lé é dan pla lɛ bɛnnu faa nwiin foliɛwɔlɛ nya, a nya. Yé wo go alé né nya loru Kazambale valé élé webleblin va.

Wegɔɔnle 17:3

An si an pɔlɛ gi yé an nɔla miléli nya yé é go an nya bwi gi. Yé maa le do ye é nyanale wi sɔɔn lé é ke é fanle sɔnɔ tɔnu nya, ’té a ’wuo ke sɔrafié yé a béli ke vu, a ta.

Wegɔɔnle 19:4

Yé mi segele yɔ do wɔlɛ ziɛn valé fɛ yuɛmale ziɛn dia ’wo bli la yé wo webleblin ta Bale bɔ yé wo siaa léé: Amɛɛn! Aléluya!

Wegɔɔnle 20:11

A zuo maa webleblin fu blɛn valé étazan ye. Tɛrɛ valé la fwi a lee baa, yé wo dɔna ’ka é dɛrɛ lo.

Wegɔɔnle 21:10

Yé an si an pɔlɛ gi yé an nɔla miléli nya, yé é go an nya gɔ blɛn torole nwiin. Yé fla sauun lé ke Jérusalɛm lé, é si la gi Kazambale va yé é zun, a nya, é a nagɔɔn an lɛ.

Wegɔɔnle 21:5

Yé webleblin tazan léé: Bé ye, maa fɛnu faa kɛlɛ fɛ dɛrɛnu nya. Yé é léé: ’Bé gyɛ ma, naa, we ’ko a sɔbɛlawe nya yé é a webozen nya.

Wegɔɔnle 3:21

Mian we ’ko ’wuo vo a lɛ, ko dan nyana lɛ a nya anlé webleblin ta, bélé fɛan zo lé a ’wuo vo an lɛ yé an Ti an nyana ’é va élé webleblin ta, a zo.

Wegɔɔnle 4:10

’bɛ bléyi va mi segele yɔ do wɔlɛ ziɛn dia ’wo bli ta webleblin tazan ’lɛ, yé mi lé é ke é yuɛma lɛɛfaama, ’té ’bɛnu a bɔa. Yé wo ’wolé kyankoronu dia webleblin ’lɛ, yé wo léé:

Wegɔɔnle 4:5

Webleblin éé lɛɛ yuɛ wuo vɔa, ’té éé dérenu fé, ’té éé zagelenu baan. Kyɛbɔ sɔrafié lé wo ke Kazambale léli sɔrafié nya, wa bina plɛplɛ webleblin ’lɛ.

Wegɔɔnle 4:9

Webleblin tazan lé é ke é yuɛma lɛɛfaama, bléyian va lé fɛ yuɛmalenu a a tɔ zin fena, ’té wa tɔ bɔa, ’té wa bɔ vɔa,

Wegɔɔnle 5:1

A zuo maa sɛbɛ do ye webleblin tazan bɛyi lee. Wo sɛbɛ gyɛ a gi valé a lala yé wa lɛ tan zɔrɔkaanyɔɔ sɔrafié nya.

Wegɔɔnle 5:13

Yé é ziin, kɛlɛfɛnu faa lé é ke la gi koo, tɛrɛ la koo, tɛrɛ wuo koo, wɛyi ta koo, wona, ’bɛ gi léé, fɛfaana fɛnu, maa wo dére ’ma, ’té wa fé léé: Tɔzinfele koo, tɔbɔle koo, kɛlɛle blɛn koo, plale mi nwiin koo, wa webleblin tazan valé ’Blané zé nya lɛɛfaama.

Wegɔɔnle 6:16

Yé wo lé gɔnu valé gɔlɛnu lɛ léé: ’Ka dia ko ta, yé ’ka ko ta yɔɔ fuablintazan yara valé ’Blané lé bliflile lee;