Wegɔɔnle 3:8 - Kazambale lé Sebe Sauunu 1979

⁸ Maa i kɛlɛwenu dɔɔ. Bé ye, plɛplɛ kiéné a i lee, i tawo an dére ta, yé i ’ka an tɔ yɔɔ lɛ lo, amalé an zi lɛ so i lɛ, yé mi do kpen ’ka bɔa a lɛ tanle lɛ lo.

Wegɔɔnle 3:8 ပူးပေါင်းရင်းမြစ်များ

Wegɔnévɔlenu 30:9

dé an da fɛ kiɛre ye, yé maa sɔn vɔ i ma yé maa léé, de ɛ ke Gakelebale nyaa? Taa, dé nyané é da an gyɛ yé maa kyeen wo yé maa anlé Bale tɔ sɛrɛ.

Daniɛl 11:34

Wo diabléyi va, wo dan bɔ lɛ wo va sɛ, yé mi kiɛre é dan pa lɛ wo va ’wobo drɔle nya.

WENÉNÉ LÉ LUK A GYE (Évangile selon Luc) 12:9

naa, mi lé é an tɔ yɔɔan munu va, maa dan ’bɛzan tɔ yɔɔ lɛ Kazambale lé lanjenu va.

WENÉNÉ LE JAN A GYE (Évangile selon Jean) 15:20

Dére lé maa a fe ka lɛ, a sele ’é dɔ ka gi; maa fe kɔɔn ka lɛ léé, mi wuozan ’ka minié ézan lɛ lo. Dé wo nyané pa an ta, wo dan nyané pa lɛ é ziin ka ta; dé wo tawo an dére ta, wo dan tawo lɛ é ziin ka dére ta.

WENÉNÉ LE JAN A GYE (Évangile selon Jean) 17:6

Munu lé i wo si tɛrɛlamunu méléna yé i wo nɔ an lɛ, maa i tɔ gɔɔn wo lɛ. Wa izé nya, yé i wo nɔ an lɛ, yé wo tawo i dére ta.

Kelewenu 14:27

Wo bɔ aan wo, wo léglizigimunu zén ékeva. Yé we faa lé Kazambale a kɛlɛ wo nya, é valé fɛan zo lé Kazambale zi lɛ so bɛnnu lɛ yé wo wɔra alé we gi, wa zuo fe ’bɛnu lɛ.

2 Korɛnt Munu 2:12

We pɔné lé é ke ’ko: an bɔ aan wo Troas Krist lé Wenéné fele we ma, Mizan zi nɔ aan wo an lɛ, maa ’ka aan wo an bwe Tite ye lɛ lo, amalé an gi ’ka ma lɛ an ma lo.

Filip munu 4:13

Krist lé é an dɔ plɛplɛ, an bɔa we faa kɛlɛle lɛ alé plɛplɛ nya.

Kolɔs munu 4:3

’Ka bazoro é ziin ko tɔ ma léé, Kazambale ’é zi nɔ ko lɛ, ko alé we fe, yé maa Krist lé weyɔɔle gi fe; we ’ko ma lé maa ke bokɔn gi ’ko.

1 Timoté 5:8

Dé mian é ’ka é gɔnɔlamunu mawe kɛla lo, dé é ’ka élé kɔngimunu zé kɛla yé é mini mi bɛnu zé ta lo, ’té éé sɔn vɔa Bale lé we ma, ’té alé we naané mini yolémunu zé ta.

2 Timoté 4:7

An guli zin dan; maa anlé za kɛlɛle lɛ sɔɔ; an bli vo Kazambale lɛ.

SEBE LÉ JUD A GYE (Épitre de Jude) 1:4

Naa, mi kenu wɔra ka méléna ka ma blaané pale nya; Bale lé zi ma wenyané fezannu lé wo nya; woo kolé Bale lé zin nɔlaan we vɔnle nya, ’té woo sɔn vɔa Kaazan do kpen lé é ke Mizan Jézu Krist nya, a ma. Ga lé sɛbɛ a fe é kyɛn, é a é dɔle wo nwiin.

Wegɔɔnle 2:13

Maa i nyanana dɔɔ, yé maa a gi dɔɔ léé, ana lé Satan lé blin ke. An tɔ a i ’léé, yé yian nya lé wo anlé yarapawela wenayezan Antipas gyɛ ka va, fɛana lé Satan nyanana ke, ana, ’bɛ yinu nyaoo, i bli ’ka si lɛ anlé we lɛ duowo lo.

Wegɔɔnle 2:2

I kɛlɛwenu koo, ilé nyanama koo, i yara pale we la koo, maa wo dɔɔ. Maa a gi dɔɔ léé, i ’ka bɔa dɔle lɛ mi nyanénu lé we nyi wuo lo; munu lé, wo léé, ’wa nwunvɔmunu nya ’té wo ’ka a nya bɛ lo, i wo gi dan yé i wo ye viémunu nya.

Wegɔɔnle 22:7

Yé bé ye, an dale bɔ é pu. Mi lé éé tawoo dére ’konu valé sɛbɛ ’ko lé balelayewe ta, azé a néné.

Wegɔɔnle 3:1

’I sɛbɛ pa Saad léglizi lé lanje lɛ zia. ’Bé fe a lɛ léé: Mi lé Kazambale léli sɔrafié valé monéné sɔrafié ke a lee, a dére lé é ke ’ko: Maa i kɛlɛwenu dɔɔ. Maa a gi dɔɔ léé, i a mi yuɛmale nya munu yuɛ gi, dɔlé ’té i a é gale.

Wegɔɔnle 3:10

I tawo an dére ta yarapalale nya, amalé maa é ziin, bléyi tɔntɔn lé é dan bɔ lɛ tɛrɛ faa la, tɛrɛlamunu gi danle we gi bɛ, maa dan ka tabin lɛ ’bɛ bléyi va.

Wegɔɔnle 3:15

Maa i kɛlɛwenu dɔɔ. I ’ka drɔɔdrɔɔ lo, yé i kyɛ ’ka lo. É sɔ an lɛ léé, i kyɛ ’é kɛlɛ; dé ’bɛ kaan lo, ’i kɛlɛ drɔɔdrɔɔ.

Wegɔɔnle 3:7

’I sɛbɛ pa Filadɛfi léglizi lé lanje lɛ zia. ’Bé fe a lɛ léé: Mi sauun valé Webozen, ’té David lé lakléwɔlɛ ke a lee, dé é a lɛ so, mi do kpen ’ka a lɛ taan lo, dé é a lɛ tan, mi do kpen ’ka a lɛ soo lo, a dére lé é ke ’ko: