Wegɔɔnle 3:21 - Kazambale lé Sebe Sauunu 1979

²¹ Mian we ’ko ’wuo vo a lɛ, ko dan nyana lɛ a nya anlé webleblin ta, bélé fɛan zo lé a ’wuo vo an lɛ yé an Ti an nyana ’é va élé webleblin ta, a zo.

Wegɔɔnle 3:21 ပူးပေါင်းရင်းမြစ်များ

Matio 19:28

Jézu lé wo lɛ léé: Maa lé ka lɛ webozen nya léé, a bléyi é dan bɔ lɛ yé ’wo fɛnu faa kɛlɛ é dɛrɛ; dé ’bɛ bléyi bɔ, dé maa, blami Be nyana anlé webleblin tɔbɔle ta, ka lé ka da an zuo, ka dan nyana lɛ webleblin vu ta fié ta, yé ka dan Izraɛl bɛn vu ta fié lé we ble lɛ.

Matio 25:21

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

WENÉNÉ LÉ LUK A GYE (Évangile selon Luc) 22:30

yé ka dan fɛ ble lɛ anlé tablé ta anlé fuatɛrɛ la, yé ka dan nyana lɛ webleblinnu ta Izraɛl lé bɛn vu ta fié lé we blele we ma.

WENÉNÉ LE JAN A GYE (Évangile selon Jean) 13:32

Dé Kazambale tɔ kɛlɛ an gi blɛn, Kazambale é dan an tɔ kɛlɛ lɛ blɛn ébozen gi é ziin, yé é dan a kɛlɛ lɛ blɛn é kele.

WENÉNÉ LE JAN A GYE (Évangile selon Jean) 16:33

Maa we ’konu fe ka lɛ ka vole drɔɔ an gi we ma. Ka dan nyané ble lɛ tɛrɛ la, naa, ’ka bli ta dɔ plɛplɛ; maa tɛrɛla kele.

2 Timoté 2:12

dé ko yara pa alé we kɛlɛle ta, ko dan pla lɛ munu nwiin a va; dé ko sɔn vɔ a ma, yee é ziin, é dan sɔn vɔ lɛ ko ma.

Wegɔɔnle 1:6

yé é kaa kɛlɛ bɛngɔnɔ do nya, é Ti Bale banzannu nya bɛ, fua valé plale mi nwiin ’é kɛlɛ azé nya lɛɛfaama ma. Amɛɛn.

Wegɔɔnle 12:11

Wa kele ’Blané nyɛ valé wolé wenayedére fele nya, yé wo bli si wobo lɛ léé, ’wo ga.

Wegɔɔnle 17:14

Wo dan guli dan lɛ ’Blané va, yé ’Blané é dan wo kele lɛ; é a Mizannuzan nya yé é a minwiinzannu Nwiinzan nya, azama. Yé a vamunu lé é wo laa, ’té é wo si a va, ’té woo yara paan we la bɛ, ’bɛnu é dan wo kele lɛ é ziin.

Wegɔɔnle 2:7

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma: Mian a ’wuo é vo a lɛ, mibéliyili lé é ke Kazambale lé fɛna paradi, maa dan a poro nɔ lɛ a lɛ blefɛ nya.

Wegɔɔnle 20:4

Yé maa webleblinnu ye, yé Bale weblele se kɛlɛ wotazannu lɛ. Yé munu lé wo wo ’wuo kini Jézu lé we fele valé Kazambale dére lé we ma koo, munu lé wo ’ka dia lɛ ’wo bli la wi valé é yili ’lɛ lo, ’té wo ’ka wi lé tɔmase gyɛ lɛ, dé wo yarapɛla léé, dé wo bɛ la léé, ana lo, maa wo boennu ye. Wo nwa é yuɛma é ziin yé wo pla munu nwiin Krist va lɛɛ wuru soru.

Wegɔɔnle 20:6

Munu lé wozé ke migale nwale vininzan va, wa mi sauunnu nya yé wozé a néné. Wo gulii ’ka dan ga lɛ lo, naa, wa Kazambale valé Krist banzannu nya yé wo dan pla lɛ munu nwiin a va lɛɛ wuru soru.

Wegɔɔnle 5:10

yé i wo kɛlɛ bɛngɔnɔ do nya, kolé Bale banzannu nya, yé wo dan pla lɛ tɛrɛ nwiin, amalé ilé sɛbɛ sile valé zɔrɔkaanyɔɔ bɔi yara lé.

Wegɔɔnle 6:2

Yé maa a naginina, yé bé ye, wisoo fu bɔra. Gulidansa a a tazan lee; wo tɔkoro nɔ a lɛ; é a guliwuo volɛzan nya, yé é go guliwuo vole ’é lɛ bɛ gini lɛ.

Wegɔɔnle 7:17

Naa, ’Blané lé é ke webleblin guru la, é dan wo pa lɛ yé é go wo nya mivoéyuɛma ’yi’wuonu va, yé Kazambale é dan wo yuɛyi faa si lɛ.