Wegɔɔnle 3:2 - Kazambale lé Sebe Sauunu 1979

² ’I vo é yuɛma, yé yee lé é vo i lee, ’té é bɔ nyaana bɛ, ’bé dɔ gligli; naa, maa a ye léé, gun a i kɛlɛwenu ma anlé Bale yuɛ gi.

Wegɔɔnle 3:2 ပူးပေါင်းရင်းမြစ်များ

1 Minwiinzannu 11:4

Salomɔn lé kwagyɛbléyi va, a nanu a bli nɔla bale bɛnu va; yé a bli faa ’ka Gakelebale, alé Bale lɛ, a ti David bli a fɛan zo, a zo lo.

1 Minwiinzannu 15:3

Wenyané faa lé a ti a kɛlɛ é vinin, ébo nɔ ’bɛ faa kɛlɛle lɛ; a bli faa ’ka Gakelebale, alé Bale lɛ, a tra David bli a fɛan zo, a zo lo.

2 Minwiinmunu lé Wezuofe Sɛbɛ 25:2

É we tegele kɛlɛ Gakelebale yuɛ gi; naa, é ’ka a kɛlɛ lɛ é bli faa nya lo.

JOB (Job) 16:5

’Té maa dan kɔɔn ka bli ta dɔ lɛ plɛplɛ an dérenu nya, ’Té maa dan we fe lɛ kɔɔn ka tɔrɔpaale we ma.

Ézai 35:3

Munu lé wo bɛ ke é zanale wo ma, ’ka wo bɛ dɔ plɛplɛ; Munu lé wo powuo wɔlɛ gi nyaa wo ma, ’ka wo powuo dɔ gligli.

Ézai 56:10

Izraɛlnu tabinzannu faa yuɛ ’wii, yé ’wuo ’ka wo ta lo. Wo faa a bélé bobogyɛ blénnu zo, wo ’ka bɔa wele lɛ lo. Woo nyɛ gya, woo voo é yiale, yigyɛle sɔ wo lɛ.

Ézai 57:12

Maa dan kalé we tegele zana dɔɔ lɛ, yé ka ’ka dan tɔnɔ ye lɛ ka kɛlɛwenu gi lo.

Ézékiɛl 34:16

Yee lé é ke é sanle, maa dan a gini lɛ; yee lé é saan, maa dan da lɛ a nya é pa gi; yee lé é tuo, maa dan a tuonanu paa lɛ; yee lé gyɛ ke a ma, maa dan plɛplɛ nɔ lɛ a lɛ. Naa, wo lé wo ke é buale, ’té wa plɛplɛ, maa dan wo gyɛ lɛ. É sɔ an lɛ léé, maa wo pa we tegele yɛrama.

Daniɛl 5:27

Tékɛl, ’bɛ gi léé, wo i dan kilo la, yé wa ye léé, i bɛn ’ka lo.

Zakari 11:16

Naa, maa dan mipazan dɔ bɔra lɛ é ziin tɛrɛ ’ko la, yé ’blanu lé wo ke zamaga wona, é ’ka dan wo gi bɔrɔ pa lɛ lo; é ’ka dan go lɛ ’bla boronénu nagini lɛ lo, yé é ’ka dan a tuozannu tuona paa lɛ lo, yé é ’ka dan a plɛplɛnu mawe kɛlɛ lɛ lo; naa, é dan a nyɔnɔzannu wi ble lɛ, yé é dan wo wi kini lɛ ékema fɔɔ yé é bɔ wo sɔnéwɔlɛ ma.

Matio 23:5

Woo ’wolé we faa kɛla munu lé wo yele we gi. Woo sɛbɛwɔlɛ blɛn paan ’wo yarapɛla valé ’wo bɛ ma yé wolé sɔ lɛi nini a é torole;

Matio 25:13

Ka ’ka lesizan dabléyi valé a dayi dɔɔa lo, bɛwemalé ’ka vo é yuɛma.

Matio 25:7

Blɛn ’konu faa vuo yé wo ’wolé fintrannu ma’lɛrɛ.

Kelewenu 18:23

Pɔl yi kenu kɛlɛ aan wo Antiɔs, é zi sia yé é gié Galasi valé Friji tɛrɛ la Jézu zuomunu faa dɔle nya plɛplɛ.

Bélidɔwesɛbɛ Fiézan 3:28

É léé, ’maa we fe Jozué lɛ, ’maa fuu dɔ ’bɛ ta, ’maa ’bɛ dɔ gligli; naa, yee ɛ dan tawo lɛ munu ’konu ’lɛ yé tɛrɛ lé maa a ye bɛ, yee ɛ dan a nɔ lɛ wo lɛ wozé nya. A zo lé Gakelebale a fe an lɛ.

1 Piɛri 4:7

Fɛnu faa bɔ nyaana. ’Ka kɛlɛ ’wuoatazannu nya yé ’kabo kun, yé ’ka bazoro.

1 Piɛri 5:8

’Ka kɛlɛ ’wuoatazannu nya ma. ’Ka vo é vuole ma. Ka nyanézan yonufaatagɔné a giéna bélé golizra lé é ke wena, a zo, mi lé é dan a ble lɛ, a mavɔɔle nya, bɛwemalé ’ka kɛlɛ ’wuoatazannu nya yé ’ka vuo.

Wegɔɔnle 16:15

Bé ye, maa dan bélé kyeenzan zo. Mi lé é vo é yuɛma, ’té éé yuɛ paan élé sɔ ta léé, té é tawo é porole yé yara ’é gyɛ ’bɛ we ma lo, ’bɛzan zé a néné.

Wegɔɔnle 2:4

Naa, i ma we do a an gi; sɔlɛle lé ke i gi é vinin, é ’ka i gi lao ’bɛ zo lo.

Wegɔɔnle 3:1

’I sɛbɛ pa Saad léglizi lé lanje lɛ zia. ’Bé fe a lɛ léé: Mi lé Kazambale léli sɔrafié valé monéné sɔrafié ke a lee, a dére lé é ke ’ko: Maa i kɛlɛwenu dɔɔ. Maa a gi dɔɔ léé, i a mi yuɛmale nya munu yuɛ gi, dɔlé ’té i a é gale.

Wegɔɔnle 3:3

Amalé wean wa fe i lɛ yé bé ’ma, a sele ’é dɔ i gi ma, yé bé kɛlɛ, yé ’i bli nɔla. Dé i ’ka voo é yuɛma lo, maa dan da lɛ bélé kyeenwozan zo, yé bléyian va lé maa dan bɔra lɛ i ma fiaa i ’ka dan a gi dɔɔ lɛ lo.