Wegɔɔnle 3:19 - Kazambale lé Sebe Sauunu 1979

¹⁹ Munu faa lé wo sɔ an lɛ, maa we plaan wo lɛ plɛplɛ yé maa we lɛdɔa wo gi. Amalé i fuu ’é dɔ i ta yé ’i bli nɔla ma.

Wegɔɔnle 3:19 ပူးပေါင်းရင်းမြစ်များ

2 Samuɛl 7:14

Maa dan kɛlɛ lɛ a ti nya yé é dan kɛlɛ lɛ an be nya. Dé é wenyané kɛlɛ, maa dan we lɛ dɔ lɛ a gi munu lé plén valé munu lé fɔlɛ nya;

JOB (Job) 5:17

Mi lé Kazambale we lɛdɔ a gi, azé a néné. Dé Plɛplɛfaazan a i drɔna, té bé ye boawe nya lo.

Lɛrɛvɔ Sɛbɛ 39:11

’I an blale vo. I an kele.

Lɛrɛvɔ Sɛbɛ 6:1

Lɛrɛ lé David a vɔle gɔɔn lɛrɛvɔmunu lɛ. Kɔnɔ lé a balenu ke, ’té wa gya a va. Kɔnɔ lé a bale ke sɔraa, ’wa gya a va.

Lɛrɛvɔ Sɛbɛ 69:9

An kɛlɛ an bwenu va bɛn nya, An bu benu ’ka an dɔɔa é dɛrɛ lo.

Lɛrɛvɔ Sɛbɛ 94:10

Mian éé gikinile no mi lɛ, Mian éé we lɛdɔa bɛnnu gi, é ’ka we lɛdɔa munu gi loo?

Wegɔnévɔlenu 15:10

Mi lé é si zi drɔle ta, we lɛdɔle a gi plɛplɛ a a lɛbɛnna; mi lé éé weplale ’é lɛ za paan, é dan ga lɛ.

Wegɔnévɔlenu 15:32

Mi lé éé sɔn vɔa é drɔle ma, é ébozen yé boami nya, naa, mi lé éé tɔné dɔa weplale lɛ, a gi é dan kini lɛ.

Wegɔnévɔlenu 22:15

Tavowe a é yerele né bli ma; a drɔ vlewɔlɛ é dan a si lɛ a ma baa.

Ézai 26:16

Dé kleblele bɔ munu ma, wo i nagini; Dé i we lɛdɔ wo gi, wo kun bazorole ma.

Jérémi 10:24

Oo Gakelebale, ’i we lɛdɔ an gi, naa, té é gié é glɛ la lo, Té bé kɛlɛ i bli flile nya lo, dé i da an kulu ga.

Jérémi 2:30

Maa ilé nénu bla, naa, ’bɛ tɔnɔ ’ka lo. Anlé we lɛdɔle wo gi ’ka wo yuɛ gi bɔ lɛ lo. Ka balelayezannu gyɛ gwɔun nya bélé fɛan zo lé golizra éé mi gya, a zo.

Jérémi 30:11

Gakelebale léma: Naa, maa a bii va, i sile we lee we ma; Yé bɛnnu lé maa ka sɔɔla wo va, maa dan wo faa sɛrɛ lɛ tata, Naa, bii, maa ’ka dan i sɛrɛ lɛ tata lo, Maa dan we lɛdɔ lɛ i gi we tegele nya, Maa ’ka bɔa i vole lɛ é pla lo, é a lé maa we lɛdɔ i gi.

Jérémi 31:18

Maa Éfraim dére ’ma, ’té éé dunnuan; I we lɛdɔ an gi, yé a lɛ a é dɔle an gi weboen nya, Bélé diriné lé wo ’ka pla lɛ a nwiin lo, a zo; Bii ɛ da an nya an pa gi, amalé an da, Naa, i a Gakelebale, anlé Bale nya.

Jérémi 7:28

Amalé, bé fe wo lɛ léma: Bɛn lé wo ’ka ’wo tɔné dɔ lɛ Gakelebale, wolé Bale dére lɛ lo, ’té wo ’ka alé wepladére nyi si lɛ lo, yee lé ke wo nya ’ko. Webozen san, é so wo lee yé é go.

Sofoni 3:2

É ’ka é tɔné dɔa dére do kpen lɛ lo; é ’ka a nyi sié léé, wo ’é drɔ lo; é ’ka paan Gakelebale ta lo; é ’ka biéan élé Bale sɔnɔ lo.

Matio 25:7

Blɛn ’konu faa vuo yé wo ’wolé fintrannu ma’lɛrɛ.

WENÉNÉ LE JAN A GYE (Évangile selon Jean) 2:17

Yé a sele dɔ a zuomunu gi léé, é a é gyɛle Bale lé sɛbɛ gi léé: Ilé kɔn lé we a an gi blɛn, fɔɔ yé anbo faa no a we ma.

Rom munu 12:11

’Ka ta ’é kɛlɛ kelekele; té ka kun‐an?-?wo lo. Ka fuu ’é dɔ ka ta ma. ’Ka Mizan mawe kɛlɛ.

1 Korent munu 11:32

Naa, dé Mizan kaalé we ble, ’té é we lɛdɔ ɛ wo kaa gi, léé, té wo ga dɔ kaa nwiin tɛrɛlamunu nya ékeva lo.

2 Korɛnt Munu 6:9

woo ko yé bélé wo ’ka ko dɔɔa lo, dɔlé ’té wo ko dɔɔ; woo ko yé bélé ko a gana, dɔlé ’té ko a é yuɛma; woo ko yé bélé ko a welɛdɔgizannu nya, dɔlé ’té wo ’ka tan ko gyɛ lɛ lo;

2 Korɛnt Munu 7:11

Yé blikyɛdɔle ’ko lé éé sié Kazambale va, ka ’ka a ma tɔnɔ ye lɛ kiɛre loo? Ka ’ka kwa kuli lɛ léé, we é si ka nwiin loo? Ka bli ’ka nwa lɛ loo? Kana ’ka zén lɛ ka gi loo? An dale lɔrɔ ’ka ka gyɛ lɛ loo? Ka fuu ’ka dɔ lɛ ka ta loo? Ka ’ka we lɛdɔ lɛ mi ’ko gi loo? Ka ana gɔɔn bɛ faa ma léé, ka a tegele we ’ko gi.

Galasi munu 4:18

É a é zima léé, ka fuu ’é dɔ ka ta wezin kɛlɛle gi bléyi faa ma; maa a ka va bléyian va, té ’é kɛlɛ ’bɛ bléyi saa nya lo, naa, ’é kɛlɛ bléyi faa zé nya ma.

Bélidɔwesɛbɛ Fiézan 8:5

É a lé ka gi dɔɔ ka bli gi léé, Gakelebale, kalé Bale we lɛdɔ ka gi, bélé mi éé we lɛdɔa élé né gi fɛan zo, a zo.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

SEBE LÉ JAK A GYE (Épitre de Jacques) 1:12

Mian éé dɔa é gidanwenu wuo bli tiéé nya, azé a néné. Naa, a gi danle zuo, wo dan vole é yuɛma nɔ lɛ a lɛ bélé tɔkoro zo; tɔkoro lé Mizan a ma blivolɛdére fe munu lé, Mizan sɔ wo lɛ, wo lɛ bɛ, wo dan a nɔ lɛ a lɛ.

Wegɔɔnle 2:5

Bɛwemalé, fɛana lé we ’ko san i lee, ’i gi bɔrɔ ’bɛ ma; ’i bli nɔla yé ’i kɛlɛwe vininnu kɛlɛ ma. Dé i ’ka i bli nɔla lɛ lo, maa dan da lɛ i va, yé maa dan ilé fintran si lɛ é dɔrana.