Wegɔɔnle 3:18 - Kazambale lé Sebe Sauunu 1979

¹⁸ amalé maa we plaan i lɛ léé, ’i fɛnu ’ko lɛ an lee: kyan lé wa gi dan kyɛ nya, ’bé lɔ ilé fuablele we gi, yé ’i sɔ funu lɔ, wo zénle i ta we gi léé, té i porole yara i gyɛ lo, yé ’i yuɛ lia lɔ yé bé zén i yuɛ va, ilé fɛna yele we ma.

Wegɔɔnle 3:18 ပူးပေါင်းရင်းမြစ်များ

Lɛrɛvɔ Sɛbɛ 107:11

Wo Bale dére lɛga a ma, Wo Loruzan lé weplale ye boawe nya, azama.

Lɛrɛvɔ Sɛbɛ 16:7

Gakelebale éé we plaan an lɛ, maa a drɔɔ voo; É béli boenwo, an bli éé we plaan an lɛ.

Lɛrɛvɔ Sɛbɛ 32:8

Gakelebale léé: An dan we paa lɛ i gi, yé zi lé é a lé i tawo a ta, maa dan a gɔɔn lɛ i lɛ; An dan we pla lɛ i lɛ, maa dan an yuɛ pa lɛ i va.

Lɛrɛvɔ Sɛbɛ 73:24

I dan go lɛ an nya, ’té i we plaan an lɛ, ’Bɛ zuo i dan an bɛn si lɛ ilé fua fɛna.

Wegɔnévɔlenu 1:25

ka sɔn vɔa anlé weplale ma yé anlé we vɔle ka lɛ ’ka sɔa ka lɛ lo,

Wegɔnévɔlenu 1:30

anlé weplale ’ka sɔ lɛ wo lɛ lo, yé anlé we vɔle wo lɛ ’ka we do kpen nya wo yuɛ gi lo, azama.

Wegɔnévɔlenu 19:20

’I tɔné dɔ weplalenu lɛ yé ’i we paale i gi nyi si, i gi kinile we gi, ilé tɛrɛla yinu lé wo vo i ’lɛ bɛ, wo gi.

Wegɔnévɔlenu 23:23

’I kwa kuli webozen ma, ’bé ye, té bé vo lo, wedɔɔle koo, wepaale koo, gikinile koo, ’i kwa kuli wo ma.

Bale Lé We Gifezan 8:2

Maa lé i lɛ léé, ’i minwiinzan blɛn dére tawe kɛlɛ, i bale kun a we ma, azama.

Ézai 47:3

Wo dan i porole ye lɛ, Yé yara é dan i gyɛ lɛ gɔrɔ la. Maa dan anlé we lɛgi pa lɛ munu ma, Maa ’ka dan mi do kpen vo lɛ lo.

Ézai 55:1

’Kaa faa lé ’yiminilɔrɔ ke ka gyɛna, ’ka da ’yi va, Dé gɔɔli ’ka mian lee looo, ’Ka da fɛ lɔ yé ka ble. ’Ka da, ’ka nwɛ valé dirinyɔyi lɔ, gɔɔli we kaan lo, yé a banwowe ’ka a gi lo.

Jérémi 13:26

Maa dan ilé sɔ lɔlunu nwa lɛ fɔɔ yé é bɔ i yara, yé yaragyɛwe lé é bɔ i ma bɛ, yé munu a ye.

Daniɛl 12:2

Munu lé wo ke yiɛna vun gi, wo va mi kiɛre é dan vuo lɛ, vole é yuɛma lé a glɛ ’ka lo, é dan kɛlɛ lɛ wo va mi kenu zé nya; serelebole valé yaragyɛwe lé é ’ka nyaan lo, é dan kɛlɛ lɛ wo va mi kenu zé nya.

Misé 1:11

Saafiizan, ’i gié é porole ’té yara i gya. É ’ka dɔa Saananzan gi lé é bɔra béera lo. Bɛt‐Aésɛl munu a gyɛbona, amalé wo ’ka bɔa i va lo.

Naum 3:5

Sunyanu lé Gakelebale léma: Bé ye, maa a bii ɛ ma, Maa dan ilé sɔ nwa lɛ fɔɔ yé maa a zén i ’wuo ma, Maa dan i porole nagɔɔn lɛ bɛngɔnɔnu lɛ, Maa dan ilé yaragyɛwe nagɔɔn lɛ plaminwiin tɛrɛnu ta.

Malasi 3:3

É dan nyana lɛ, yé é dan gɔɔlifu sele lɛ yé é a bo si a va; yé é dan Lévi kulunu ma bɔ lɛ; é dan fɛ naané si lɛ wo ma bélé woo gɔɔlifu valé kyan bo sié é ma fɛan zo, a zo, yé wo dan we tegele blɛ kɛlɛ lɛ Gakelebale lɛ.

Matio 13:44

Yé é ziin, Kazambale plale mi nwiin a bélé fɛwezan lé é ke é yɔɔle féi do la, a zo. Mi lé é a ye, é ’ka a glewoo mi do kpen lɛ lo, yé a gi nanale we ma éé goo yé é élé fɛ faa daan, yé éé féi ’ko lɔa a mafɛ nya.

Matio 25:9

Wedɔɔzannu léé: Gba, é ’ka kozé valé kazé bɔa lo, amalé a fila vɔ lé ka go nyɔnɔdanmunu va yé ka kazé lɔ.

WENÉNÉ LÉ LUK A GYE (Évangile selon Luc) 12:21

Mi lé éé fɛwezannu zun dɔa ébo zé nya, yé é ’ka fɛwezannu tadɔa Kazambale va lo, a zo lé alé we ke.

2 Korɛnt Munu 5:3

ko gi dɔɔ léé, dé ko wɔra ’bɛ gi, ’bɛ a bélé fɛan zo lé sɔ a ko ta yé ko ’ka é porole lo.

2 Korɛnt Munu 8:9

Ka Kaazan Jézu Krist lé zin dɔɔ; yee lé ke fuablezan nya, é ’ébozen kɛlɛ nyanégyɛzan nya kalé we ma, léé, alé nyanégyɛle gi ka kɛlɛ fuablezannu nya.

1 Timoté 6:18

’I we pla wo lɛ léé, ’wo wezin kɛlɛ; wo kɛlɛwe zinnu ’é kɛlɛ kiɛre kiɛre; ’wo kɛlɛ drɔɔkɛlɛzannu valé bɛ ma wolowolozannu nya.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

1 Piɛri 1:7

Kalé blipale gidanle é dan nɔla lɛ ka ma ka tɔ zin fele koo, kalé fua koo, ka tɔbɔle koo, wo nya, Jézu Krist bɔrayi nya munu yuɛ va, amalé Bale éé ka gi daan.

Wegɔɔnle 16:15

Bé ye, maa dan bélé kyeenzan zo. Mi lé é vo é yuɛma, ’té éé yuɛ paan élé sɔ ta léé, té é tawo é porole yé yara ’é gyɛ ’bɛ we ma lo, ’bɛzan zé a néné.

Wegɔɔnle 19:8

yé wa se kɛlɛ lezan lɛ léé, ’é lɛnsɔ zima nyananyana gibɔle zén ’é ta. Naa, lɛnsɔ a Kazambale lé munu kɛlɛwe tegelenu nya.

Wegɔɔnle 2:9

Maa ilé kleblele valé nyané lé i gyɛle dɔɔ, naa, i a fua nya duowo. Munu lé wo ’wobo laan Juifinu, ’té wo ’ka a nya lo, ’té wo ke Satan lé zén‐ékevamunu nya bɛ, maa gi dɔɔ léé, wa i tɔ sɛrɛna.

Wegɔɔnle 3:17

Bii léé, ’é a fua nya, yé ’é a fua blena yé ’é mawe ’ka fɛ do kpen gi lo, yé i ’ka a gi dɔɔa léé, i a wenaanébɔmazan koo, nyanaizénlazan koo, nyanégyɛzan koo, yuɛwiizan koo, mi porole koo, wo nya lo;

Wegɔɔnle 4:4

Maa webleblin yɔ do wɔlɛ ziɛn ye yee webleblin ’ko zi, ’té mi segele yɔ do wɔlɛ ziɛn a é nyanale ’bɛnu ta, ’té sɔ fu a wo ta yé kyankoronu a wo ’wuo ma.

Wegɔɔnle 7:13

Mi segelenu va mi do kun wefele ma yé é lé an lɛ léé: Munu lé sɔ fu ke wo ta, denu lé ke wo nyaa? Wo si kyɛɛn?