Wegɔɔnle 3:15 - Kazambale lé Sebe Sauunu 1979

¹⁵ Maa i kɛlɛwenu dɔɔ. I ’ka drɔɔdrɔɔ lo, yé i kyɛ ’ka lo. É sɔ an lɛ léé, i kyɛ ’é kɛlɛ; dé ’bɛ kaan lo, ’i kɛlɛ drɔɔdrɔɔ.

Wegɔɔnle 3:15 ပူးပေါင်းရင်းမြစ်များ

1 Minwiinzannu 18:21

Yé Éli bié munu va yé é léé: Ka dan daan lɛ kalé yuɛ gi blanle ma mɛ yi laa? Dé Gakelebale a Bale nya, ’ka go a zuo; dé Baal lé, ’ka go ’bɛ zuo. Munu ’ka we do kpen zi pa lɛ a lɛ lo.

Wegɔnévɔlenu 23:26

An be, ’i bli nɔ an lɛ, anlé zinu ’é sɔ i lɛ ma.

OZÉ (Osée) 10:2

Wo bli a fié; wo dan a gi dɔɔ lɛ. Gakelebale é dan wolé yobannanu zana lɛ a gi, yé é dan wolé yofotonu sɛrɛ lɛ.

OZÉ (Osée) 7:8

Éfraim vɔɔ bɛnnu nya; Éfraim a bélé nwain lé wa pla é bɛ do la yé wo ’ka a nɔla lɛ lo, a zo.

Matio 10:37

Mi lé é ti valé é bu we minié an ta, a yara ’ka lé, ’é kɛlɛ anzé nya lo; yé mi lé é be valé é lu we minié an ta, a yara ’ka lé, ’é kɛlɛ anzé nya lo;

Matio 24:12

Weple kɛlɛle gi é dan gyɛ lɛ, amalé mi kiɛrenu sɔle wo ke lɛ ’wuo é dan dɔ lɛ.

Matio 6:24

Mi ’ka bɔa kɛlɛle lɛ mi fié wuozan nya lo. Naa, a do za é dan vo lɛ a gi, yé a koɛzan é dan sɔ lɛ a lɛ; é dan nana lɛ a do va, yé é dan a koɛzan ye lɛ boami nya. Ka ’ka bɔa kɛlɛle lɛ Kazambale valé tɛrɛlafuafɛnu wuozannu nya lo.

Rom munu 12:11

’Ka ta ’é kɛlɛ kelekele; té ka kun‐an?-?wo lo. Ka fuu ’é dɔ ka ta ma. ’Ka Mizan mawe kɛlɛ.

1 Korent munu 16:22

Dé Mizan ’ka sɔa mian lɛ lo, ’wo bale pa ’bɛzan ma ma. Mara?-?na‐ta, ’bɛ gi léé, Mizan, ’i da.

2 Korɛnt Munu 12:20

Naa, an kana léé, dé maa bɔ ka va, maa ’ka dan ka ye lɛ bélé fɛan zo lé é sɔ an lɛ, a zo lo, yé ka dan maa ye lɛ fɛan zo lé é ’ka sɔ lɛ ka lɛ lo, a zo. An kana léé, wesiale koo, maawole koo, zapale koo, zakɛlɛle koo, mi tɔ sɛrɛle koo, mi tɔ naané bɔle koo, boblɛn koo, we bilibili koo, maa dan wo ye lɛ.

Bélidɔwesɛbɛ Fiézan 5:29

Oo, bli ’ko duo ’é vo wo gi yifaama ma, yé ’wo kana ’é lee ma, yé ’wo ’élé bélidɔwe lɛdɔma ma, yé wo gi é dan nana lɛ yifaama, wo valé ’wolé nénu nya.

Filip munu 1:9

Yé wean maa a ma laan kazé nya, yee lé é ke léé, kalé sɔlɛle gi ’é go gyɛle nya, wedɔɔle valé gikinile gɔnɔ faa nya,

2 Tɛsalɔnik munu 1:3

Bwenu, kalé blipale gi a gyɛna, yé ka sɔle ka ke lɛ gi a gyɛna, bɛwemalé é a lé ko Kazambale bɔ vɔ kalé we ma bléyi faa ma. ’Bɛ a we tegele nya.

SEBE LÉ JAK A GYE (Épitre de Jacques) 1:8

é a bli fiézan nya, yé a yuɛgi éé blaan we faa gi, azama.

1 Piɛri 1:22

Webozen lɛdɔmale nya lé ka boen kɛlɛ wéiin, ka sɔle ka ke lɛ tegele bélé bwenu zo we gi, amale sin, ’ka sɔ ka ke lɛ é baba, ka bli faa nya ma.

Wegɔɔnle 2:2

I kɛlɛwenu koo, ilé nyanama koo, i yara pale we la koo, maa wo dɔɔ. Maa a gi dɔɔ léé, i ’ka bɔa dɔle lɛ mi nyanénu lé we nyi wuo lo; munu lé, wo léé, ’wa nwunvɔmunu nya ’té wo ’ka a nya bɛ lo, i wo gi dan yé i wo ye viémunu nya.

Wegɔɔnle 2:4

Naa, i ma we do a an gi; sɔlɛle lé ke i gi é vinin, é ’ka i gi lao ’bɛ zo lo.

Wegɔɔnle 3:1

’I sɛbɛ pa Saad léglizi lé lanje lɛ zia. ’Bé fe a lɛ léé: Mi lé Kazambale léli sɔrafié valé monéné sɔrafié ke a lee, a dére lé é ke ’ko: Maa i kɛlɛwenu dɔɔ. Maa a gi dɔɔ léé, i a mi yuɛmale nya munu yuɛ gi, dɔlé ’té i a é gale.

Wegɔɔnle 3:16

I a wɔlɔwɔlɔ, yé i ’ka drɔɔdrɔɔ lo yé i kyɛ ’ka lo, amalé maa dan féé lɛ i nya.